ရှမ်းပြည်နယ်တောင် ပိုင်း တောင်ကြီး မြို့ ညောင်ရွှေဟော် ကုန်းရပ်ကွက် အနီး တွင် တောင်ကြီးမူးယစ် အဖွဲ့နှင့် သက်သေများမှ မတ်လ(၇) ရက်နေ့တွင် တရားမ၀င် စိတ်ကြွဆေးပြားများ ဖမ်းဆီးရမိခဲ့ ကြောင်း သိရ သည်။
တောင်ကြီးမူး ယစ်အထူးနှိမ်နင်းရေး အဖွဲ့မှ ရဲအုပ် ၀င်းနိုင်ဦးစီး ရဲတပ်ဖွဲ့ဝင် များသည် မတ်လ(၇) ရက်နေ့ နေ့လည်ပိုင်းတွင် စိုင်းနန္တော (ပင်လုံမြို့နေ သူ) မောင်းနှင်လာသော ကန်ဘိုအမျိုးအစား အနက်ရောင် ဆိုင်ကယ်အား ရပ်တန့်ရှာဖွေရာမှ တရားမ ၀င်ဆေးပြားများ ဖမ်းဆီးရမိခဲ့ခြင်း ဖြစ်သည်။ စိုင်းနန္တောစီးနင်းလာသော ဆိုင်ကယ် ၀ဲဘက်ဒူးကာအတွင်း တွင် ပလပ်စတစ်အိတ် အပြာရောင်ဖြင့် ထုတ်ထားသော WY စိတ်ကြွ ရူးသွပ်ဆေးပြာ(၂၀၀)ပြားပါ ၂ ထုပ်နှင့် (၈၀)ပြားပါ (၁)ထုပ် စုစုပေါင်း ဆေးပြား (၄၈၀)ပြား ကာလတန်ဖိုးအားဖြင့် သိန်း(၂၀)ခန့် ဖမ်းဆီးရမိခဲ့သည်။
တရားမ၀င်စိတ်ကြွရူးသွပ်ဆေးပြားများ လက်ဝယ်ထားရှိသူ စိုင်းနန္တော အား တောင်ကြီးမြို့အမှတ် (၂) ရဲစခန်းမှ မူးယစ်(ပ) ၃/၂၀၁၃ မူး၊ စိတ်ဥပဒေပုဒ်မ၁၅/၁၉(က)အရ အမှုဖွင့်အရေးယူထားကြောင်း သိရသည်။
Credit : Here
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။