ကယားပြည်နယ်ရှိ ကျေးရွာအချို့အတွင်းမှ ဒေသ ခံရွာသားများသည် မြန်မာအစိုးရဌာနအပါအ၀င် ကရင်နီအမျိုးသားတိုးတက်ရေးပါတီ (KNPP)မှ အဖွဲ့ဝင်အချို့ ထံသို့အခွန်ငွေ များ ပေးဆောင် ရသော ကြောင့် အခက်အခဲများနှင့်ကြုံတွေ့နေ ရကြောင်း လောပိတမြို့နယ်နေ ဒေသခံများထံမှ သိရသည်။ တစ်နှစ်စာအတွက် အခွန်ငွေ အဖြစ် ထော်လာဂျီတစ်စီးလျှင် ငါးသောင်းကျပ် (၅၀၀၀၀)၊ ဆန်ကြိတ်စက်တစ်လုံးလျှင် တစ်သိန်း ငါးသောင်း ကျပ်(၁၅၀၀၀၀)နှင့် အိမ်ထောင်စု တစ်စုလျှင် ခြောက်ထောင်ကျပ် (၆၀၀၀) ဖြင့် KNPP အဖွဲ့ကို ပေးဆောင်ရလို အဆို ထော်လာဂျီများအား နှစ်လုံးထိုး တစ်စီးလျှင် လေး သိန်းကျပ် (၄၀၀၀၀၀) နှုန်းဖြင့် ပြည်နယ်အစိုးရ အခွန်ဦးစီးဌာနသို့ ပေးဆောင်ရသည်ဟု သိရသည်။
အခွန်ငွေများ ပေးဆောင်ရသော ဒေသများမှာ ကယားပြည်နယ်အတွင်းရှိ ဖရူဆို၊ ဒီးမော့ဆို၊ လောပိတ၊ လွိုင်လင်လေးမြို့နယ်များအတွင်းရှိ ကျေးရွာများဖြစ်ကြပြီး အချို့ကျေးရွာများမှာ အစိုးရနှင့် KNPP အပစ်အခတ်ရပ်စဲရေး သဘောတူညီမှု ရရှိပြီးသည့်အချိန်မှစတင်၍ KNNP ဘက်မှ ယခုကဲ့သို့ ကောက် ခံလာခြင်းဖြစ်ကြောင်း အခွန်ပေးဆောင်ရသော ရွာသားတဦးက ယခုလိုရှင်းပြသည်။
“ဘာစာရွက်စာတမ်းမှ မပါဘဲနဲ့ လာကောက်တာပါ။ လောပိတာဘက်ကဆို ကောက်ခံတဲ့လူက ဦးပိုးရယ် ပါ။ ဖရူဆိုမှာ KNPP နဲ့ လူထုတွေ့ဆုံပွဲလုပ်တော့ ဆရာ ခူးဦးရယ်က အခွန်ပေးရတဲ့ ရွာသား နာမည်ရယ် ရွာနာမည်ရယ် တောင်းပါတယ်။ ဘယ်သူ့မှ မပေးရဲပါဘူး၊ ကြောက်ကြတာကိုး” ဟု ၄င်းက ကေအိုင်စီကို ပြောသည်။
ထိုကဲ့သို့ ဖြစ်ပေါ်နေမှုများကို လွိုင်ကော်မြို့ရှိ KNPP ဆက်ဆံရေးရုံးသို့ ဖုန်းဖြင့်ဆက်သွယ်မေးမြန်းရာတွင် တာဝန်ခံဖြေကြားမည့်သူ မရှိကြောင်း ရုံးဝန်ထမ်းတစ်ဦးက ပြန်လည်ဖြေကြားသည်။
KNPPသည် အစိုးရနှင့် ၂၀၁၂ ခုနှစ် မေလတွင် အပစ်အခတ်ရပ်စဲ သဘောတူညီမှုရရှိခဲ့ပြီး ဆက်ဆံရေးရုံး များကို လွိုင်ကော်၊ ရှားတော ၊ ဒီးမော့ဆို ၊ဖရူဆိုမြို့များတွင် ဖွင့်လှစ်ခဲ့သည်။
KIC (Karen Information Center)
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။