ကလေးဝမြို့နှင့် ခုနစ်မိုင်အကွာ ချောင်းကျဉ်းကျေးရွာအနီးတွင် မတ်လဆန်းပိုင်းမှ စတင်ကာ ရေနံမှော်အသစ်ပေါ်နေကြောင်း သိရသည်။ ကလေး-ကလေးဝကားလမ်းဘေးရှိ ပိတောက်စိုက်ခင်း၊ သစ်တောကြိုးဝိုင်းအနီး တွင်တည်ရှိကာ လာရောက်တူးဖော်သူများဖြင့် စည်ကားနေကြောင်း သိရသည်။
( မှော်ကတော့ မတ်လဆန်းပိုင်းလောက်က စပေါ်တာပါ။ ကျွန်တော်တို့ကတော့ ဒီမေလထဲကမှ ရောက်ခဲ့တယ်။ ပေါ်ကာစကတော့ အတောင်ရေ တစ်ရာအောက်လောက်နဲ့လည်း ဆီတွေ့ကြတယ်။ ဒါပေမယ့် ကျင်းကရေရှည်မခံဘူးလေ။ ဒီတော့ ကျင်းနက်နက်လိုက်ကြတယ်။ ခုတော့ အနည်းဆုံးတောင်ရေ ၂၅၀ ကနေ ၃၅၀ လောက်ထိ လိုက်ကြတာတွေ့ရတယ်။ ပေါက်နေတဲ့ ကျင်းတွေထဲမှာတော့ တစ်ရက်ကို ပေပါ ၆ လုံးရနေတဲ့ကျင်းက တစ်ကျင်းရှိတယ်။ ကျန်တဲ့ ကျင်းတွေလည်း အနည်းအများခပ်နေကြရတာပါပဲ။ မနေ့ကပဲ အတောင် ၂၈၀ နဲ့ တစ်ရက်ကို နှစ်လုံးလောက်ခပ်ရမယ့် ကျင်းတစ်ကျင်းပေါက်သွားတယ် ) ဟု မှော်သားတစ်ဦးမှပြောပြခဲ့သည်။
ရေနံမှော်တွင် လက်ရှိ ကျင်းပေါင်း ၁၀၀ ခန့် တူးဖော်နေကြပြီး ကလေးဝမြို့နယ်နှင့် ကလေးမြို့နယ်အတွင်းမှ လာရောက်တူးဖော်နေကြပြီး အများစုမှ ရေနံလုပ်ငန်းလုပ်ကိုင်နေကြသူများဖြစ်ပြီး အခြားမှော်များမှ ရွှေ့ပြောင်းလားကြသူများဖြစ်သည်။ ရေနံဈေးနှုန်းမှာ တစ်ပေပါလျှင် ကျပ် တစ်သိန်းတစ်သောင်းဈေး ပေါက်နေပြီး မှော်အမည်ကို ခုနစ်မိုင်မှော်ဟု ယာယီပေးထားကြကြောင်းသိရပါသည်။
မှော်တည်ရှိရာမှာ မြစ်သာမြစ်နှင့် တစ်မိုင်ခန့်အကွာ တောင်ကုန်းပေါ်တွင်ဖြစ်ပြီး နွေရာသီ ရေရှားပါးမှုကြောင့် မှော်သားများမှာ ကျင်းအတွက်သုံးရေနှင့် လူသုံးရေ၊ ချိုးရေတို့ကို မြစ်အတွင်းသို့ သွားရောက်သယ်ယူကြရသည်ဟု သိရသည်။
( ဒီမှာက ရေပဲရှားတယ်။ တောင်ကျချောင်းရေကလည်း သိပ်မရှိတော့ မြစ်ထဲသွားခပ်ရတယ်။ ဆိုင်ကယ်နဲ့သွားရတာပေါ့။ နောက် ကျင်းတွေမှာ စက်မောင်းဖို့နဲ့ ရေထုပ်လုပ်ဖို့အတွက်လည်း ရေက မရှိမဖြစ်လိုနေတော့ တစ်ရက်ကို မြစ်ထဲ လေးငါးခေါက်ဆင်းနေရတယ် ) ဟု မှော်သားတစ်ဦးမှ ပြောခဲ့သည်။
လနဲ့မြ - မြန်မာပို့ စ် ဂျာနယ်
မူရင်းသတင်းက ဒီမှာပါ။
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။