ပါလက်စတိုင်း ဒေသမှာ ယှဉ်ပြိုင်နေတဲ့ အာရှ အမျိုးသမီး ဘောလုံးပြိုင်ပွဲ ခြေစစ်ပွဲ အုပ်စု အဆင့်မှာ မြန်မာအမျိုးသမီး ဘောလုံးအသင်းဟာ နောက်ဆုံး အဆုံးအဖြတ် ပွဲစဉ်အဖြစ် ထိုင်ဝမ် အသင်းနဲ့ ယှဉ်ပြိုင်ကစားခဲ့ပြီး သရေရလဒ်၊ ဂိုးကွာ ခြားချက် အသာနဲ့ အာရှခြေစစ်ပွဲကို အောင်မြင် သွားခဲ့ပြီ ဖြစ်ပါတယ်။
မြန်မာအမျိုးသမီး အသင်းဟာ အုပ်စုပွဲစဉ် ပထမ ပွဲမှာ အိန္ဒိယကို ၂ ဂိုးပြတ်နဲ့ အနိုင်ရရှိပြီး ပါလက်စတိုင်းကို ၉ ဂိုးပြတ် အနိုင်ရခဲ့တာကြောင့် ဂိုးကွာခြား ချက်နဲ့ ဇယားထိပ်မှာ ရပ်တည်နိုင်ခဲ့ပါတယ်။ ထိုင်ဝမ်အသင်းနဲ့ ယှဉ်ပြိုင်ကစားရာမှာတော့ နှစ်သင်းစလုံး ဂိုးမသွင်းနိုင်တာကြောင့် ဂိုးကွာခြားချက်ကိုယူပြီး နောက်တဆင့်ကိုတက်ဖို့ ဆုံးဖြတ်ခဲ့ရာမှာ မြန်မာအသင်း က ၃ ပွဲကစား ပေးဂိုးမရှိဘဲ ၁၁ ဂိုးတိတိ သွင်းယူနိုင်ခဲ့တာကြောင့် ထိုင်ဝမ်အသင်းထက် ၄ ဂိုးအသာရကာ အာရှအမျိုးသမီး ဘောလုံးပြိုင်ပွဲကြီးကို ယှဉ်ပြိုင်ခွင့် ရရှိခဲ့တာပါ။
တဖက်အုပ်စုတွေကနေ မြန်မာအသင်းနဲ့အတူ ခြေစစ်ပွဲ အောင်သွားတာကတော့ ဗီယက်နမ်နဲ့ ထိုင်းတို့ ဖြစ်ကြပါတယ်။ မြန်မာအမျိုးသမီး အသင်းဟာ ခြေစစ်ပွဲ အောင်သွားတာကြောင့် အာရှထိပ်သီး အမျိုးသမီး အသင်းတွေဖြစ်တဲ့ သြစတေးလျ၊ တရုတ်၊ ဂျပန်၊ တောင်ကိုရီးယားတို့လို အသင်းတွေနဲ့ ယှဉ်ပြိုင်ရတော့ မှာဖြစ်ပြီး မကြာခင်မှာ မဲခွဲပြီးတော့ အုပ်စု ၂ စုစီခွဲကာ ၂၀၁၄ အာရှဖလားပြိုင်ပွဲအတွက် ပွဲစဉ်အချိန်စာရင်း များကို ထုတ်ပြန်တော့မှာပါ။
မြန်မာအမျိုးသမီး ဘောလုံးအသင်းရဲ့ အောင်မြင်မှုကို ချီးမြှင့်တဲ့အနေနဲ့ မြန်မာနိုင်ငံ ဘောလုံးအဖွဲ့ချုပ် နာယက၊ ဥက္ကဌနဲ့ မြန်မာနေရှင်နယ်လိဂ် အသင်းပိုင်ရှင်များက ဆုကြးငွေ သိန်း ၅၀၀ ပေးအပ်ချီးမြှင့်ခဲ့ကြ ကြောင်း မြန်မာ့ဘောလုံးအဖွဲ့ချုပ် ၀က်ဘ်ဆိုဒ်မှာ ကြေညာထားပါတယ်။
http://burma.irrawaddy.org/archives/40579
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။