ပုဂံနရပတိစည်သူမင်းကြီး ကုသိုလ်တော် ဓမ္မရာဇကစေတီတော် ရွှေသင်္ကန်း ကပ်လှူရန်အတွက် ဗိုလ်ချုပ်ကြီး(ငြိမ်း)ဦးခင်ညွန့် ရန်ကုန်မြို့မှ ပုဂံမြို့သို့ လာရောက်စဉ်တွင် ဦးသိန်းဇော် (ပြည်ခိုင်ဖြိုးပါတီ ဗဟို တွဲဖက်အထွေထွေ အတွင်းရေးမှူး)က အလှူငွေ ကျပ်သိန်း ၅၀ ထည့်ပေးလိုက်ကြောင်း ဒီဇင်ဘာ ၂၉ ရက်တွင် ဓမ္မရာဇကဘုရား၌ ဦးခင်ညွန့်က ပြောကြားခဲ့သည်။
ဓမ္မရာဇကဘုရား ရွှေသင်္ကန်းကပ်လှူရေးအတွက် ညှိနှိုင်းအစည်းအဝေးကို ဒီဇင်ဘာ ၂၉ရက်၊ မွန်းလွဲ ၂ နာရီတွင် ဓမ္မရာဇက ဘုရားဝင်းအတွင်း၌ ကျင်းပခဲ့ရာ ပြည်တွင်း၊ ပြည်ပသာသနာပြု အဂ္ဂမဟာပဏ္ဍိတ အလိုတော်ပြည့် ဆရာတော်ဘုရားကြီးကြွရောက်၍ သြ၀ါဒပေးခဲ့ပြီး ဗိုလ်ချုပ်ကြီးခင်ညွန့်(ငြိမ်း) မိသားစုနှင့် အလှူရှင်များက အလှူငွေများပေးအပ်ခဲ့ကြသည်။
ဓမ္မရာဇကဘုရားကြီး ရွှေသင်္ကန်းကပ်လှူရန်အတွက် ဇန်န၀ါရီလအတွင်း ငြမ်းဆင်မည်ဖြစ်ပြီး စေတီရံ ၅၀ နှင့် အရံစေတီကြီး ၅ ဆူတို့ကိုလည်း ရွှေသင်္ကန်း(စတီးရွှေ)များ ကပ်လှူမည်ဖြစ်ကာ ကုသိုလ်ရှင်များအနေဖြင့် အလိုတော်ပြည့်ဆရာတော်ဘုရားကြီးနှင့် ဘုရားဂေါပကအဖွဲ့တို့ထံ ဆက်သွယ်၍လှူဒါန်းနိုင်ပြီး စေတီရံတစ်ဆူ ကျပ်သုံးသိန်းနှင့် အရံစေတီကြီးတစ်ဆူ ကျပ်သိန်း ၅၀ ခန့်ကုန်ကျ မည်ဖြစ်ကြောင်း သိရှိရသည်။
www.MyanmarExpress.net
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။