ဆက်သွယ်ရေးနှင့် သတင်းအချက်အလက် နည်းပညာဝန်ကြီးဌာနအနေဖြင့် မိုဘိုင်းဖုန်းလိုင်းများကို ဈေးနှုန်းလျော့ချ၍ ရောင်းချပေးနိုင်ရန် ၎င်း၏အထက်ဌာနများဆီသို့ ခွင့်ပြုချက်တောင်းခံထားသော်လည်း ခွင့်ပြုချက်ပြန်လည်မရရှိသေးသည့်အတွက် မိုဘိုင်းဖုန်းလိုင်းများ ရောင်းချပေးမည့် အစီအစဉ်ကို ဆိုင်းငံ့ထားရှိရသည်ဟု မိုဘိုင်းအင်ဂျင်နီယာချုပ်က ယနေ့ပြောကြားလိုက်သည်။
ယခုလ (ဇန်န၀ါရီ) အတွင်း မိုဘိုင်းဖုန်းလိုင်းများကို ဈေးနှုန်းလျော့ချ၍ အများပြည်သူသို့ရောင်ချပေးနိုင်ရန် စီစဉ်ထားရှိသည်ဟု မြန်မာ့ဆက်သွယ်ရေးလုပ်ငန်းက ၂၀၁၂ ခုနှစ် နှစ်ကုန်ပိုင်းတွင်ပြောကြားခဲ့သော်လည်း လက်တွေ့ကာလ၌ မသေချမှုများနှင့်ကြုံတွေ့နေရသည်ဟု သိရှိရသည်။
““အခုအချိန်မှာ လိုင်းအင်အားတွေချဲ့နေတယ်။ အရောင်းစင်တာတွေ၊ Customer Care Center တွေကိုလည်း လိုက်ပြီးစစ်နေတယ်။ ရောင်းချရေးသင်တန်းတွေလည်း ဖွင့်လှစ်ပေးနေတယ်။ ဒါတွေကို အားလုံးသိပြီးသားပါ။ ဈေးနှုန်းလျော့ချပြီးရောင်းဖို့ကိုလည်း ၀န်ကြီးဌာန အနေနဲ့ အထက်ဌာနတွေကို တင်ပြထားတယ်။ ဈေးနှုန်းနဲ့ ရောင်းမယ့်ရက်ဆိုတာ အဲဒီဌာနတွေက ခွင့်ပြုလိုက်မှပဲ သိရမှာဆိုတော့ ဘာမှကို ပြောလို့မရသေးဘူး””ဟု မိုဘိုင်းအင်ဂျင်နီယာချုပ်က ဆိုသည်။
ဒီဇင်ဘာလအတွင်း မိုဘိုင်းဖုန်းများကိုဈေးနှုန်းလျော့၍ ရောင်းချပေးရန်အစီအစဉ်ရှိသည်ဟုဆိုကာ မြန်မာ့ဆက်သွယ်ရေးလုပ်ငန်းမှ မိုဘိုင်း SIM ကတ်များကို ဈေးကွက် အတွင်းမှ ပြန်လည်သိမ်းဆည်းသွားခဲ့သည်နောက်ပိုင်း ပြင်ပရှိဟန်း ဆက်အရောင်းဈေးကွက်နှင့် မိုဘိုင်း ဖုန်းလိုင်းအရောင်းဈေးကွက်မှာ အပြောင်းအလဲများစွာဖြင့် ကြုံတွေ့ခဲ့ရသည်ဟု မိုဘိုင်းဖုန်းဆိုင်အများစုကပြောဆိုခဲ့သည်။
မိုဘိုင်း SIM ကတ်များရောင်းချရန် မရှိတော့သည့်နောက်ပိုင်း အရစ်ကျစနစ်ဖြင့်ရောင်းချခဲ့သည့် မိုဘိုင်း SIM ကတ်များကို ဈေးကွတ်အတွင်း၌ ငွေကျပ် ၁ သိန်းခွဲ ဖြင့် ပြန်လည်ရောင်းချခဲ့ကြကြောင်း၊ ဟန်းဆက်အရောင်းဈေးကွက်သည်လည်း SIM ကတ်အသစ်များထွက်ရှိလာမည်ဟုသော သတင်းကြောင့် ဒီဇင်ဘာလအတွင်းမှစတင်၍ သိသိသာသာ ရောင်းအားလျော့ကျလာခဲ့ကြောင်း မိုဘိုင်းဟန်းဆက်ရောင်းချသူတို့ကပြောသည်။
အသစ်ထွက်ရှိလာမည့် GSM မိုဘိုင်း SIM ကတ်ဈေးနှုန်းသည် ၁ သိန်းကျပ်ဟူ၍သော်လည်းကောင်း၊ ၈ သောင်းကျပ်ဟူ၍ သော်လည်းကောင်း အမျိုးမျိုးပြောဆိုနေကြသည့်အပြင် ရောင်းချပေးမည့်နေ့ရက်ကိုလည်း ဇန်န၀ါရီလ ၂၀ ရက်နေ့ဟူ၍သော်လည်းကောင်း၊ ဖေဖော်ဝါရီလအတွင်းမှ သာချထားပေးမည်ဟူ၍သော်လည်းကောင်း လူထုကြား၌အမျိုးမျိုးပြောဆိုနေခဲ့ကြသည်။
7 days News
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။