၂၀၁၁ ခုနှစ် အောက်တိုဘာမှစ၍ ၂၀၁၃ ခုနှစ်ကုန်အထိ တင်သွင်းခဲ့သော ယာဉ်အစီးရေ ၂၃၀၀၀၀ ကျော်ရှိပြီး ပိုင်ရှင်များမှ ထုတ်ယူခြင်းမရှိသည့် ကားအစီးရေ ၈၀၀၀ ကျော်ရှိနေ

အစိုးရမှ မော်တော်ယာဉ်များအား အထူးအစီ အစဉ် ဖြင့် တင်သွင်းခွင့်ပြုခဲ့သည့် ၂၀၁၁ ခုနှစ်၊ အောက် တိုဘာ မှစ၍ ၂၀၁၃ နှစ်ကုန်အထိ တင်သွင်းခဲ့သော ယာဉ်အစီးရေ နှစ်သိန်းသုံးသောင်းကျော်အနက် ပိုင်ရှင် များမှ လာရောက်ထုတ်ယူခြင်း မရှိသည့် ကား အစီးရေ ရှစ်ထောင်ကျော်အထိ ရှိနေကြောင်း မြန်မာ့ ဆိပ်ကမ်း အာ ဏာပိုင်မှ ထုတ်ပြန်သော စာရင်း များအရ သိရသည်။

ရန်ကုန်မြို့တွင် မော်တော်ယာဉ်တင် သင်္ဘောများ ဆိုက်ကပ်ခွင့်ရသည့် ဆိပ်ကမ်းများအနေဖြင့် MITT၊ MIPL၊ MIP၊ ဗိုလ်အောင်ကျော်၊ ဆူးလေ၊ အေးရှားဝေါလ်နှင့် ထီးတန်းဆိပ်ကမ်းတို့ ဖြစ်သည်။ အဆိုပါ ဆိပ် ကမ်းများတွင် MITT နှင့် MIPL ဆိပ်ကမ်းများမှာ မော်တော်ယာဉ်တင်သင်္ဘော ၀င်ရောက်မှု အများဆုံးဖြစ် သည်။

မော်တော်ယာဉ် တင်သွင်းခွင့်ပြုခဲ့ချိန်မှစ၍ ၂၀၁၃ နှစ်ကုန်အထိ မော်တော်ယာဉ် ၀င်ရောက်မှုနှင့် ထုတ် ယူမှု အများဆုံးဆိပ်ကမ်းမှာ MITT ဆိပ်ကမ်းဖြစ်ပြီး၊ ပိုင်ရှင်များမှ လာရောက်ထုတ်ယူခြင်းမရှိသည့် ကား လက်ကျန်အများဆုံး ၆၀၉၁ စီးအထိရှိကြောင်း သိရသည်။

မော်တော်ယာဉ် ၀င်ရောက်မှုနှင့် ထုတ်ယူမှု ဒုတိယအများဆုံး ဆိပ်ကမ်းမှာ MIPL ဆိပ်ကမ်းဖြစ်ပြီး ပိုင်ရှင် များမှ လာရောက်ထုတ်ယူခြင်း မရှိသည့် ကားလက်ကျန် ၁၅၅၂ စီးရှိကြောင်း သိရသည်။

အခြားဆိပ်ကမ်းများ၏ ကားလက်ကျန်များမှာ ဗိုလ်အောင်ကျော် ဆိပ်ကမ်းတွင် ခုနစ်စီး၊ ဆူးလေဆိပ်ကမ်း တွင် ၇၄ စီး၊ MIP တွင် ၁၄၆ စီး၊ အေးရှားဝေါလ်တွင် ၁၆၁ စီး၊ ထီးတန်းတွင် ၁၆၄ စီးတို့ဖြစ်သည်။

ဆိပ်ကမ်း ခုနစ်ခုတွင် ပိုင်ရှင်များမှ လာရောက်ထုတ်ယူခြင်း မရှိသည့် ကားလက်ကျန် ၈၁၉၅ စီးရှိကြောင်း သိရသည်။

ယခုကဲ့သို့ ကားတင်သွင်းသူအချို့မှ ကားများအား လာရောက်ထုတ်ယူခြင်း မရှိခြင်းမှာ ကားထုတ်ယူရန် စာရွက်စာတမ်း ပြည့်စုံခြင်း မရှိသည့်အတွက်ဖြစ်ပြီး၊ ဆိပ်ကမ်းတွင် လာရောက်ထုတ်ယူခြင်း မရှိသည့် ကား များအတွက် အကောက်ခွန် ဦးစီးဌာနမှ သတ်မှတ်သည့် ဒဏ်ကြေးမှာလည်း အလွန်နည်းပါးနေသည့် အ တွက်ဖြစ်ကြောင်း မော်တော်ယာဉ်ထုတ်လုပ်မှုနှင့် တင်သွင်းသူများ အသင်းမှ တာဝန်ရှိသူက ပြောကြား ခဲ့သည်။

“ဆိပ်ကမ်းတွေမှာ ပိုင်ရှင်တွေက လာမထုတ်တဲ့ ကားတွေကို အကောက်ခွန်ဌာနက သတ်မှတ်တဲ့ ဒဏ် ကြေးက နည်းပါးနေတဲ့ အတွက်လည်း ဆိပ်ကမ်းတွေမှာ ကားလက်ကျန်တွေ များနေတယ်လို့ ထင်ပါတယ်။ အကောက်ခွန်ဌာနက သတ်မှတ်ဒဏ်ကြေးကို ဒီ့ထက်ပိုများတဲ့နှုန်းနဲ့ သတ်မှတ်သင့်ပါတယ်” ဟု မော်တော် ယာဉ်ထုတ်လုပ်မှုနှင့် တင်သွင်းသူများ အသင်းမှ ဥက္ကဋ္ဌ ဦးဌေးအောင်က ပြောကြားခဲ့သည်။

 သီလ၀ါဆိပ်ကမ်းဝင်းအတွင်း ရပ်နားထားသည့် ပြည်ပမှတင်တွင်းလာသော 

ကားများအား ၂၀၁၃ ခုနှစ်အတွင်းက တွေ့ရစဉ် 

(ဓာတ်ပုံ-ရွှန်းလဲ့ဝင်း)

Eleven Media Group