ပြည်သူတွေကို ချစ်တယ်ဆိုခဲ့ရင်(သို့) အတ္တနိုင်ငံရေးသမား မဖြစ်စေဖို့

မကြာသေးခင်က ကြံ့ခိုင်ဖွံ့ဖြိုးရေး ပါတီရဲ့ ထုတ်ပြန် ကြေငြာချက် ကြောင့် မြန်မာ့နိုင်ငံရေး လောကမှာ လှုပ်လှုပ်ရွရွဖြစ်လာခဲ့တယ်။အာဏာရ ပါတီ ဖြစ်တဲ့ ကြံ့ခိုင်ဖွံ့ဖြိုးရေး ပါတီ က အင်အယ်ဒီပါတီ ဥက္ကဌ ဖြစ်တဲ့ ဒေါ်အောင်ဆန်းစုကြည်အတွက် သမ္မတ ဖြစ်ရေးမှာ အတားအဆီးဖြစ်နေတယ်လို့ ဆိုကြတဲ့ သမ္မတ အရည်အချင်း သတ်မှတ်ချက် ကို ဖြေလျော့ပေးဖို့ သဘောတူတယ်လို့ ဆိုပါတယ်။ အခြေခံ ဥပဒေပုဒ်မ ၅၉/စ က ဒီလိုဆိုထားပါတယ်

၅၉ (စ) --မိမိကိုယ်တိုင်သော်လည်းကောင်း၊ မိမိ၏ မိဘတစ်ပါးပါးသော်လည်းကောင်း၊ မိမိ၏ဇနီး သို့မဟုတ် ခင်ပွန်းသော်လည်းကောင်း၊ မိမိ၏ တရားဝင်သားသမီးတစ်ဦးဦး သော်လည်းကောင်း၊ ထို တရားဝင်သားသမီးတစ်ဦးဦး၏ ဇနီး သို့မဟုတ် ခင်ပွန်းသော်လည်းကောင်းနိုင်ငံခြားအစိုးရ၏ ကျေးဇူးသစ္စာတော်ကို ခံယူစောင့်ရှောက်ရိုသေသူ သို့မဟုတ် တိုင်းတပါး၏ နိုင်ငံသားဖြစ်သူများ မဖြစ်စေရ။ ထိုသူများသည် နိုင်ငံခြားအစိုးရ၏ လက်အောက်ခံဖြစ်သူများသော်လည်းကောင်း၊ တိုင်းတစ်ပါး၏ နိုင်ငံသားသော်လည်းကောင်း ခံစားရသောအခွင့်အရေး များနှင့် ကျေးဇူးခံစားခွင့်များကို ခံစားနိုင်ခွင့် ရှိသူများ မဖြစ်စေရ။ဒီ ဥပဒေမှာ အဓိကအချက်က "နိုင်ငံခြားအစိုးရ၏ ကျေးဇူးသစ္စာတော်ကို ခံယူစောင့်ရှောက်ရိုသေသူ သို့မဟုတ် တိုင်းတပါး၏ နိုင်ငံသားဖြစ်သူများ မဖြစ်စေရ"ဖြစ်ပါတယ်။

ဒေါ်အောင်ဆန်းစုကြည် နှင့် ကွယ်လွန်သူ ဒေါက်တာမိုက်ကယ်အဲရစ် အိမ်ထောင်မှ မွေးဖွားလာခဲ့တဲ့ သားနှစ်ယောက်နှင့် ချွေးမတို့ဟာ ဗြိတိန်နိုင်ငံသား၊ ဗြိတိန် ကျေးဇူးသစ္စာတော်ကို စောင့်သိရိုသေနေကြလို့ ခုလို ပြသနာ ရှိနေတာပါ။ ဒီနေရာမှာ ကြံ့ဖွံ့မှ ပြင်မယ့်ပုံစံက သမ္မတရွေးချယ်ခံရသူ၏ မိဘနှစ်ပါး၊ ဇနီး သို့မဟုတ် ခင်ပွန်း နှင့် သားသမီးများ၊ ထိုသားသမီးများ၏ ဇနီး/ခင်ပွန်းများသည် "မြန်မာနိုင်ငံသားများ ဖြစ်ရမည်" လို့ ပြင်ဆင်မယ်လို့ ကြားသိရပါတယ်။

ဒီအပေါ်မှာ မိမိအမြင်အရတော့ ရှဉ့်လည်းလျှောက်သာ ပျားလည်းဆွဲသာ ဆိုတဲ့ ထုံးနလုံးမူပြီး နိုင်ငံရေး စည်းလုံးမှုတစ်ခုရအောင် ဖန်တီးတာဖြစ်လို့ ၀မ်းသာပါတယ်။ ဒါပေသိ တစ်ချို့တစ်ချို့သော ပညာရှိ က၀ိ စာဆိုတို့ကလည်း ဒါဟာ ကြံ့ခိုင်ဖွံ့ဖြိုးရေးရဲ့ လှည့်ကွက်ဖြစ်တယ် ၊ လူအခွင့်အရေးနဲ့ ညှိစွန်းတယ်ဆိုတဲ့ အပြောမျိုးကိုတွေ့ရလို့လည်း မြန်မာနိုင်ငံရေးအတွက် ထိုသို့သော အခွင့်အရေး လက်တဆုံးနှိုက်ချင်တဲ့ သူတွေ ရှိနေခြင်းကိုလည်း များစွာ စိတ်ပျက်ရပါတယ်။

အထူးသဖြင့် နိုင်ငံရေး ကဏ္ဍတိုင်းမှာ လူ့အခွင့်အရေး ၊ ဒီမိုကရေစီ စံနှုန်းဆိုတဲ့ ပေတံနဲ့ လိုက်တိုင်းနေလို့ မရပါဘူး ။ ကိုယ်နိုင်ငံ ၊ ကိုယ့်ယဉ်ကျေးမှု ၊ ကိုယ့် ဘာသာတရားနဲ့ ကိုက်ညီတဲ့ ဒီမိုကရေစီမျိုးပဲ ကျင့်သုံးရမှာဖြစ်ပါတယ်။ One size does not fix all တစ်ထည်တည်းနဲ့ အားလုံး ၀တ်လို့ မရနိုင်ဘူးဆိုတာ တော့ အားလုံးသိထားစေချင်ပါတယ်။

အခုလို အာဏာရ ပါတီက ဒေါ်အောင်ဆန်းစုကြည်အတွက် လမ်းဖွင့်ပေးတာဟာ ဒေါ်အောင်ဆန်း စုကြည်အတွက်တော့ ထွက်ပေါက်နှစ်ခုရှိတဲ့အပေးအယူတစ်ခုပါပဲ။ သန်း ၆၀ အတွက် သမ္မတ လုပ်ချင် တယ် ဆိုရင် သူမ ရဲ့ သားသမီး နှစ်ယောက် ကိုမြန်မာနိုင်ငံသား ခံယူခိုင်းလိုက်ယုံပါပဲ။ သူမအနေနဲ့ မိမိသားသမီးကို မိမိ ထိန်းသိန်းနိုင်တယ် ပြောနိုင်ဆိုနိုင် တယ်ဆိုရင်ပေါ့လေ..။

ဒီလို မှ မဟုတ်ဘူး သားသမီး နှစ်ယောက်လုံးက မြန်မာ နိုင်ငံသားမခံယူနိုင်ဘူး ဆိုခဲ့ရင်ရော.. ဒေါ်အောင်ဆန်းစုကြည်အတွက် နောက်ထပ် ထွက်ပေါက်တစ်ခု ရှိနေပြန်သေးတယ် ။ ဒါကဘာလည်း ဆိုတော့ သားသမီး အဖြစ်က စွန့်လွှတ်ပြီး ကျွန်မကလည်း ပြည်သူတွေကို ချစ်ပါတယ် လို့ ဆိုခဲ့အတိုင်း မားမားမတ်မတ် ရပ်ပြီး သက်သေပြဖို့ အခွင့်အရေး ရလိုက်တာပဲဖြစ်ပါတယ်။

ဒီလို အခွင့်အရေးတွေကို ထိထိမိမိ ဆုပ်ကိုင် လိုက်နိုင်မယ်ဆိုရင် ဒေါ်အောင်ဆန်းစုကြည်အနေနဲ့ ၂၀၁၅ သမ္မတ နေရာဆိုတာ မဝေးတဲ့လက်တစ်ကမ်းမှာ ဖြစ်သလို စံဇာဏီဘို ဟောကိန်းဟာလည်း မှန်ကန် ကြောင်း သက်သေပြပြီးဖြစ်ပါလိမ့်မယ်။

ဒီလိုမှ မဟုတ်ပဲ ၅၉/စ ဖျက်ပေးဖို့ အတင်းတောင်းဆိုနေမယ်ဆိုရင်တော့ဒီအပေးအယူသဘောတရားမှာ ဒေါ်အောင်ဆန်းစုကြည်ဟာ လိုက်လျောဖို့မရှိပဲ တောင်းခံဖို့သာရှိတဲ့ အတ္တနိုင်ငံရေးသမား အဖြစ် အထူး ထင်ရှား ပေါ်လွင်သွားမှာ ပဲဖြစ်ပါတယ်။

မောင်ဘမောင်(ပြည်)