အစိုးရငြိမ်းချမ်းရေး ဖော်ဆောင်ရေး အဖွဲ့နှင့် UNFC တို့မှ အလုပ်အဖွဲ့ ကိုယ်စားလှယ်များ ဇူလိုင် ၁၃ ရက်တွင် ထိုင်းနိုင်ငံ၌ တွေ့ဆုံမည်

ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီနှင့် တိုင်းရင်းသားလူမျိုးများ ဖက်ဒရယ်ကောင်စီ (UNFC) တို့၏ အလုပ်အဖွဲ့ (Technical Team) ကိုယ်စားလှယ်များသည် ဇူလိုင် ၁၃ ရက်တွင် ထိုင်းနိုင်ငံ၌ တွေ့ဆုံမည်ဟု UNFC ၏ အထွေထွေအတွင်းရေးမှူး နိုင်ဟံသာ က The Daily Eleven သို့ ပြောကြားသည်။

"ဇူလိုင် ၁၃ ရက်မှာ တွေ့မယ်။ နေရာကို အတိအကျပြောလို့ မရသေးဘူး။ ကျွန်တော်တို့ဘက်က ဖွဲ့စည်းထား တဲ့ နိုင်ငံရေး ဆွေးနွေးရေးအဖွဲ့က ရွေးချယ်ထားတဲ့ အလုပ်အဖွဲ့ ကိုယ်စားလှယ်တွေနဲ့ တွေ့ကြမှာပါ" ဟုနိုင်ဟံသာက ပြောကြားသည်။

ထိုသို့ တွေ့ဆုံရာတွင် တိုင်းရင်းသား ပေါင်းစုံပါဝင်သော နိုင်ငံရေး စကားဝိုင်းများ ဖြစ်ပေါ်ရေးအတွက် လမ်းပြ မြေပုံ ချမှတ်ရေး၊ အစီအစဉ်များ ရေးဆွဲခြင်းနှင့် လေ့လာသူအဖြစ် ဖိတ်ကြားမည့်သူများကို ညှိနှိုင်းရေး အစရှိ သည်တို့ကို နှစ်ဦးနှစ်ဖက် ဆွေးနွေးကြမည်ဖြစ်ကြောင်း သိရသည်။

ယင်းဆွေးနွေးပွဲသို့ ပြည်ထောင်စုငြိမ်း ချမ်းရေးဖော်ဆောင်ရေး လုပ်ငန်းကော်မတီ၏ အလုပ်အဖွဲ့ကို Myanmar Peace Center မှ ဦးလှမောင်ရွှေက ဦးဆောင်ပြီး UNFC ၏ အလုပ်အဖွဲ့ကို ကရင်အမျိုးသား အစည်းအရုံး (KNU) ၏ တွဲဖက်အတွင်းရေးမှူး-၂ ပဒိုမန်းမန်းက ဦးဆောင်မည်ဖြစ်ကြောင်း သိရသည်။

ဆွေးနွေးပွဲကို တစ်ရက်သာပြုလုပ်ရန် စီစဉ်ထားပြီး ဆွေးနွေးပွဲမှ ထွက်ပေါ်လာသောရလဒ်များကိုအခြေခံ၍ နှစ်ဖက်ခေါင်းဆောင်များ တွေ့ဆုံဆွေးနွေးမည့်အချိန်ကို သတ်မှတ်မည်ဟု နိုင်ဟံသာက ပြောကြားသည်။

ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီနှင့် UNFC တို့သည် ၂၀၁၂ ခုနှစ် နိုဝင် ဘာလက ပထမအကြိမ် တွေ့ဆုံခဲ့ပြီး UNFC ၏ ငြိမ်းချမ်းရေးဆိုင်ရာ နိုင်ငံရေး လုပ်ငန်းစဉ် (၆)ရပ်ကို ပြည်ထောင်စု ငြိမ်းချမ်းရေးဖော်ဆောင်ရေး လုပ်ငန်းကော်မတီသို့ ပေးအပ်ခဲ့သည်။ ၂၀၁၃ ခုနှစ် ဖေဖော် ၀ါရီလတွင် ပြည်ထောင်စု ငြိမ်းချမ်းရေးဖော်ဆောင်ရေး လုပ်ငန်းကော်မတီနှင့် UNFC တို့ ဒုတိယအကြိမ် တွေ့ဆုံခဲ့ကာ တိုင်းရင်းသားလက်နက်ကိုင် အဖွဲ့အစည်း ၁၁ ဖွဲ့နှင့် နိုင်ငံရေး ဆွေးနွေးပွဲများ စတင်နိုင်ရန် ခြေလှမ်းစတင်ခဲ့သည်။

၂၀၁၁ ခုနှစ် ဖေဖော်ဝါရီ ၁၆ ရက်တွင် စတင်ဖွဲ့စည်းခဲ့သော UNFC ကို ၂၀၁၁ ခုနှစ် ဒီဇင်ဘာလ အတွင်းက အဖွဲ့ ၁၁ ဖွဲ့ဖြင့် ပြန်လည်ဖွဲ့စည်းခဲ့သည်။ ထိုသို့ ပြန်လည်ဖွဲ့စည်းလိုက်သော UNFC တွင် ကရင်အမျိုးသား အစည်းအရုံး (KNU)၊ မွန်ပြည်သစ်ပါတီ (MNSP)၊ ကချင်လွတ်မြောက်ရေးအဖွဲ့ (KIO)၊ ကရင်နီအမျိုးသား တိုးတက်ရေးပါတီ (KNPP)၊ ချင်းအမျိုးသားတပ်ဦး (CNF)၊ ရှမ်းပြည်တိုးတက်ရေးပါတီ (SSPP)၊ ပအိုဝ် အမျိုးသား လွတ်မြောက်ရေး အဖွဲ့ချုပ် (PNLO)၊ ပလောင်ပြည်နယ် လွတ်မြောက်ရေး တပ်ဦး (PSLF)၊ ရခိုင်အမျိုးသားကောင်စီ (ANC)၊ လားဟူဒီမိုကရက်တစ် သမဂ္ဂ (LDU) နှင့် "၀" အမျိုးသားအဖွဲ့ချုပ် (WNO) တို့ ပါဝင်ခဲ့ကြသည်။

UNFC တွင် ဥက္ကဋ္ဌအဖြစ် ဗိုလ်ချုပ်အင်ဘန်လ (KIO) က တာဝန်ယူခဲ့ပြီး အေဘယ်တွီ (KNPP)က ဒုတိယ ဥက္ကဋ္ဌ(၁)၊ ပဒိုစောဒေးဗစ်သကဘော (KNU)က ဒုတိယဥက္ကဋ္ဌ(၂)၊ နိုင်ဟံသာ (NMSP) က အထွေထွေ အတွင်းရေးမှူး စောဒေါလေးမူ (KNU) က တွဲဖက်အတွင်းရေးမှူး(၁)နှင့် ဗိုလ်မှူးကြီး ခွန်ဥက္ကာ (PNLO)က တွဲဖက်အတွင်းရေးမှူး (၂)အဖြစ် တာဝန်ယူလျက် ရှိသည်။

eleven media group