အမျိုးသားခေါင်းဆောင်ကြီး ဗိုလ်ချုပ်အောင်ဆန်း ၁၉၃၃ ခုနှစ် ကျောင်းသားဘဝက ရေးသားခဲ့သော ပါဠိ ဘာသာ မှတ်စုစာအုပ်ကို ရေနံချောင်းမြို့ တွင် ပြန်မထား ပါက ယင်းမြို့ဇာတိ ဆရာတော် အရှင်ဆန္ဒာဓိက ဆန္ဒ ထုတ်ဖော်မည်ဖြစ်ကြောင်း ဆရာတော်၏ မိန့်ကြားချက် ကို ကိုးကား၍ဒေသခံများက ပြောကြားသည်။
ဆရာတော်က ဗိုလ်ချုပ် လက်ရေးမူကို ရေနံချောင်း မြို့တွင် ပြန်ထားရန် မိန့်ကြားသည်ကို အသံသွင်းထား သော စီဒီခွေများ လိုက်လံဖြန့်ဖြူးရင်း မြို့ခံလူထု၏ သဘောထား လက်မှတ်များကောက်ခံ သွားမည်ဖြစ် ကြောင်း ၈၈ မျိုးဆက်ကျောင်းသားခေါင်းဆောင် တစ်ဦးဖြစ်သူ ဦးကျော်ဆန်းဦး က ဆိုသည်။
ဗိုလ်ချုပ် လက်ရေးမူ ပြန်မထားပါက ရေနံချောင်းမြို့တွင် နှစ်စဉ် ပြုလုပ်သောရွှေပါရမီ ပညာရည်ချွန် ဆုပေး ပွဲသို့ ဆန္ဒထုတ်ဖော်သည့် အနေနှင့် ကြွမည် မဟုတ်သကဲ့သို့ ရေနံချောင်းမြို့ အထက (၁) ကျောင်းရှိသည့် နေရာ ကိုလည်း ခြေဦးလှည့်တော့မည်မဟုတ်ကြောင်း ဆရာတော် အရှင်ဆန္ဒာဓိက က မိန့်ကြားသည်။
“ဒီလက်ရေးမူက အသည်းနှလုံးပေါင်း များစွာကို ကိုယ်စားပြုတာဆိုတော့ မြို့သူ မြို့သားအားလုံး၊ တစ်ဦး တစ်ယောက်မကျန်ရဲ့ အသည်းနှလုံးကို ဖြုတ်ယူသွားသလိုပါပဲ။ ဆိုတော့၊ အသည်းနှလုံးကို ချမ်းသာပေးပါ
ပေါ့နော်” ဟု ဆရာတော်က မိန့်သည်။
ဗိုလ်ချုပ်အောင်ဆန်း၏ လက်ရေးမူစာအုပ်ကို ရန်ကုန်မြို့ တာဝါလိန်းလမ်းရှိ ဗိုလ်ချုပ်ပြတိုက်တွင် ပြသထား မည်ဖြစ်ပြီး လက်ရေးမူ မိတ္တူစာအုပ်ကိုသာ ရေနံချောင်းမြို့သို့ ပြန်ပို့မည်ဟု အမျိုးသားလွှတ်တော် ဥက္ကဋ္ဌ ဦးခင်အောင်မြင့် က ပြောကြားထားကြောင်း ဗိုလ်ချုပ်ကျောင်း (ဗိုလ်ချုပ်အောင်ဆန်း တက်ရောက်ခဲ့သည့် ကျောင်း) မူလတန်းကျောင်းအုပ် ဦးမင်းဟန် က ပြောကြားသည်။
ဗိုလ်ချုပ်အောင်ဆန်း၏ လက်ရေးမူ စာအုပ်မှာ ဆွေးမြည့်နေသဖြင့် ရေရှည် ထိန်းသိမ်းထားနိုင်ရေး အတွက် ရေနံချောင်းမြို့နယ် ပညာရေးမှူးနှင့် အထက (၁) ကျောင်းအုပ်ကြီးတို့က လှူဒါန်းခဲ့သည့်အတွက် (၆၆) နှစ် မြောက် အာဇာနည်နေ့တွင် မှတ်တမ်းတင်လောက်သည့် လှူဒါန်းမှုဖြစ်ကြောင်း ဇူလိုင် ၂၀ ရက်နေ့ထုတ် နိုင်ငံပိုင်မီဒီယာများတွင် ဖော်ပြသည်။
ရေနံချောင်းမြို့ အထက (၁) ကျောင်းအုပ် ဆရာမကြီး ဒေါ်မူမူထွန်းက “ငှားရမ်းတာကိုလည်း ခွင့်မပြုခဲ့ဘူး။ မိတ္တူကူးခွင့်ပြုပါဆိုတာကိုလည်း ခွင့်မပြုခဲ့ဘူး။ ပျက်စီးသွားမှာစိုးလို့။ စာရွက်ကလေးတွေက နှစ်ရှစ်ဆယ် လေ။ ခဏလေး ယူပြပါရစေဆိုတာကိုလည်း ခွင့်မပြုခဲ့ဘူး။ အဲဒါတွေ တစ်ခုမှ ခွင့်မပြုခဲ့ဘူး” ဟု ဆိုသည်။
ယင်းသို့ တားမြစ်သော်လည်း လက်ရေးမူကို ထိန်းသိမ်းရန် နိုင်ငံတော်က တာဝန်ရှိပြီး ယဉ်ကျေးမှု ဝန်ကြီး ဌာနတွင် အပ်နှံရမည်ဟု လွှတ်တော်အဖွဲ့ က ပြောဆိုပြီး ကျောင်းအုပ် ဆရာမကြီးနှင့် မြို့နယ် ပညာရေးမှူး တို့ကို အမျိုးသားလွှတ်တော် ဥက္ကဋ္ဌ ဦးခင်အောင်မြင့်က လက်မှတ်ထိုးစေကာ ယူဆောင်သွားခြင်း ဖြစ်ကြောင်း ဒေါ်မူမူထွန်းက ပြောကြားသည်။
ဗိုလ်ချုပ်အောင်ဆန်း ကျောင်းသား ဘဝကို ဖြတ်သန်းခဲ့ဖူးသည့် ရေနံချောင်းမြို့တွင်သာ လက်ရေးမူ မူရင်း စာအုပ်ကို ထားရှိစေလိုကြောင်း ရေနံချောင်းမြို့ အမျိုးသားဒီမိုကရေစီအဖွဲ့ချုပ်ပါတီ ဒုတိယဥက္ကဋ္ဌ ဦးတင့်လွင် ကလည်း မှတ်ချက်ပြုသည်။
နတ်မောက်ဇာတိ ဗိုလ်ချုပ်အောင်ဆန်းသည် အသက် ၁၃ နှစ်သားအရွယ်တွင် ရေနံချောင်း အမျိုးသား အထက်တန်းကျောင်းသို့ ပြောင်းရွှေ့ ပညာသင်ယူခဲ့ရာ ပညာထူးချွန်သဖြင့် သတ္တမတန်းတွင် အထက်တန်း ပညာသင်ဆုနှင့် ဦးရွှေခိုဆုကိုရရှိခဲ့ပြီး ၁၉၃၂ ခုနှစ်တွင် တက္ကသိုလ်ဝင်တန်း စာမေးပွဲ၌ ပါဠိနှင့် မြန်မာစာ ဂုဏ်ထူးများဖြင့် ‘အေ’ အဆင့်မှ အောင်မြင်ကာ ရန်ကုန်တက္ကသိုလ်သို့ ပြောင်းရွှေ့ ပညာဆည်းပူးခဲ့သည်။
ဗိုလ်ချုပ် အောင်ဆန်း ပညာသင်ယူခဲ့ဖူးသည့် အမျိုးသားအထက်တန်းကျောင်းကို ရေနံချောင်းမြို့ ရွှေကြာငုံ ရပ်ကွက်တွင် မူလတန်းကျောင်းအဖြစ် ယခုအချိန်ထိ ဆက်လက်ဖွင့်လှစ်ထားပြီး ဒေသခံများက ဗိုလ်ချုပ်
ကျောင်းဟု အမည်သမုတ်ကြသည်။
The Voice Weekly
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။