ရခိုင်ပြည်နယ် ပဋိပက္ခနှင့် ပတ်သက်၍ ထုတ်ပြန် သော စုံစမ်းစစ်ဆေးရေး ကော်မရှင်၏ အစီရင် ခံစာကို တုံ့ပြန်ကာ ဘင်္ဂါလီများသာ အခွင့်အရေး ချိုးဖောက်ခံနေရသည်ဟု ကုလသမဂ္ဂ လူ့အ ခွင့်အ ရေး ကိုယ်စားလှယ် ကင်တားနား၏ မှတ်ချက်များ ကို လိုက်လံဆောင်ရွက်မှာမဟုတ်ဟု နိုင်ငံတော် သမ္မတ၏ ပြောရေးဆိုခွင့်ရှိသူ ဦးရဲထွဋ် က ပြော ကြား လိုက်သည်။
ကင်တားနား၏ မှတ်ချက်များသည် လက်တွေ့မြေပြင်မှာ ပကတိ အမှန်များနှင့် ကွဲလွဲနေသော မှတ်ချက် များ၊ HRW ကဲ့သို့ အဖွဲ့အစည်းများ၏ တစ်ဘက်သတ် စွပ်စွဲချက်များကို ထပ်မံ အတည်ပြုရန် ကြိုးပမ်းနေ သည်ဟု မြင်ကြောင်း ၄င်းက ဆိုသည်။
နိုင်ငံတော်သမ္မတအနေနှင့် ရခိုင်ပြည်နယ် ပဋ်ိပက္ခများ စုံစမ်းရေးကော်မရှင်ကို ယခု ပြဿနာကို ဖြေရှင်း နိုင်မည်ံ့ ရေတို၊ရေရှည်လုပ်ငန်းစဉ်များကို ရှာဖွေရန် ဖွဲ့စည်းခဲ့ခြင်းဖြစ်သည်ဟု ဦးရဲထွဋ်က ပြောကြားသည်။
”ကော်မရှင်ရဲ့ တွေ့ရှိချက်များဟာ ကြောင်းကျိုးခိုင်လုံပြီး တရားမျှတမှု ရှိတယ်၊ ပကတိအခြေအနေများကို ထင်ဟပ်တယ်ဆိုတာ ပြည်သူ များရော၊ နိုင်ငံတကာကပါ လက်ခံပြီးဖြစ်ပါတယ်။ ဒါ့ကြောင့် ဒီအစီရင်ခံစာပါ အချက်များကို စတင်အကောင် အထည် ဖော်နေပြီဖြစ်ပါ တယ်။ နိုင်ငံတော် အစိုးရအနေနဲ့ အခြားသူများရဲ့ မှတ်ချက်များကိုလိုက်လံဆောင်ရွက်မှာ မဟုတ်ပါဘူး။” ဟု ၄င်းက ယတိပြတ်ပြောဆိုသည်။
ကင်တားနား၏ ထုတ်ပြန်ချက်တွင် ဘင်္ဂါလီများ (၄င်းအဆို ရိုဟင်ဂျာ မွတ်ဆလင်) များသည် အခွင့်အရေး ချိုးဖောက်ခံနေရ သဖြင့် ပဋိပက္ခ ဖြစ်ပေါ်လာခဲ့သည်ဟု ဆိုထားပြီး ဘင်္ဂါလီများ လွတ်လပ်စွာ သွားလာခွင့် နှင့် ပတ်သက်၍ ကော်မရှင်က အကြံပြုထားခြင်း မရှိကြောင်း ဝေဖန်ထားကာ ဘင်္ဂါလီများ နိုင်ငံသား ဖြစ်ရေးအတွက် ၁၉၈၂ ခုနှစ် နိုင်ငံသား ဥပဒေ ကို ပြင်ဆင်ရမည်ဆိုသောမှတ်ချက်များ၊ ပဋိပက္ခဖြစ်အောင် လုပ်ဆောင်ခဲ့သော ဘင်္ဂါလီခေါင်းဆောင် ဒေါက်တာ ထွန်းအောင်ကို လွှတ်ပေးရမည်ဆိုသော ပြောဆိုချက် များ ပါဝင်သည်။
ရခိုင်ပြည်နယ် ပဋ်ိပက္ခများ စုံစမ်းရေးကော်မရှင်က ရိုဟင်ဂျာ ဆိုသည့် စကားကိုလုံးဝ အသုံးမပြုခဲ့ပဲ သမိုင်း ကြောင်းအရ အရှိပကတိဖြစ်သော ဘင်္ဂါလီလူမျိုးဟု သာ သုံးစွဲခဲ့သည်။
”ဒါဟာ ပကတိအဖြစ်မှန်ပါပဲ။ ဒါကို မျက်ကွယ်ပြုပြီး ကင်တားနားက သူ့မှတ်ချက်များမှာ ရိုဟင်ဂျာလို့ သုံးစွဲ တာဟာ စိတ်မကောင်းစ ရာဖြစ်ပါတယ်” ဟု ဦးရဲထွဋ်က ရှင်းပြသည်။
Credit : Here
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။