မြန်မာနိုင်ငံ ရင်းနှီးမြှုပ်နှံမှု ကော်မရှင် (MIC) ၏ ၁၁/၂၀၁၃ ကြိမ်မြောက် အစည်းအဝေးတွင် နိုင်ငံသား ရင်းနှီးမြှုပ်နှံမှု လုပ်ငန်းရှစ်ခုနှင့် နိုင်ငံခြားရင်းနှီးမြှုပ်နှံမှု လုပ်ငန်းတစ်ခုတို့အား ထပ်မံ လုပ်ကိုင်ခွင့် ပြုခဲ့ကြောင်း သတင်းထုတ်ပြန်ချက်များအရ သိရသည်။
မြန်မာနိုင်ငံသား ရင်းနှီးမြှုပ်နှံမှု ဥပဒေအရ လုပ်ကိုင်ခွင့်ပြုခဲ့သည့် လုပ်ငန်းရှစ်ခုတွင် CMP စနစ်ဖြင့် အထည်ချုပ်လုပ်ခြင်းလုပ်ငန်း၊ ဘိလပ်မြေ ထုတ်လုပ်ခြင်းလုပ်ငန်း၊ မော်တော်ယာဉ်တပ်ဆင် ထုတ်လုပ် ခြင်းလုပ်ငန်း၊ BOT စနစ်ဖြင့် လမ်းတံတားအသုံးပြုခ ကောက်ခံခြင်းလုပ်ငန်း၊ အင်တာနက် ကေဘယ်လ် ကြိုးလုပ်ငန်း၊ ဟိုတယ်လုပ်ငန်းနှင့် BOT စနစ်ဖြင့် ငှားရမ်း၍ ဟိုတယ်၊ ရှော့ပင်းမော၊ ရုံးခန်း၊ တိုက်ခန်းနှင့် စီးပွားရေးဆိုင်ရာ အဆောက်အအုံ တည်ဆောက်၍ ငှားရမ်းခြင်း လုပ်ငန်းတို့ ပါဝင်ကြောင်း သတင်း ထုတ်ပြန်ချက်များတွင် ထည့်သွင်းဖော်ပြထားကြောင်း သိရသည်။
အဆိုပါ လုပ်ငန်းများအား လုပ်ကိုင်ခွင့် လျှောက်ထားသည့် တိုင်းဒေသကြီးများ ဖြစ်သည့် ရန်ကုန်တိုင်း ဒေသကြီး၊ မန္တလေးတိုင်း ဒေသကြီးနှင့် ပဲခူးတိုင်းဒေသကြီးတို့တွင် ဆောင်ရွက်နိုင်ရန်အတွက် ခွင့်ပြုပေး ခဲ့ခြင်း ဖြစ်သည်။ နိုင်ငံခြားရင်းနှီးမြှုပ်နှံမှု ဥပဒေအရ ထပ်မံလုပ်ကိုင်ခွင့်ပြုခဲ့သည့် လုပ်ငန်းများမှာမူ ရန်ကုန် တိုင်းဒေသကြီး လှိုင်မြို့နယ်တွင် သစ်အချောထည် ထုတ်လုပ်ရောင်းချခြင်း လုပ်ငန်းဖြစ်ပြီး Concorde Commodities Pte.Ltd အား လုပ်ကိုင်ခွင့်ပြုခဲ့ခြင်း ဖြစ်သည်။
မြန်မာနိုင်ငံ ရင်းနှီးမြှုပ်နှံမှု ကော်မရှင် (MIC) ၏ ၁၁/၂၀၁၃ ကြိမ်မြောက် အစည်းအဝေးကို မတ်လ ၂၉ ရက်နေ့တွင် နေပြည်တော်ရှိ ရုံးအမှတ် ၁၄ တွင် ပြုလုပ်ခဲ့ခြင်းဖြစ်ပြီး မြန်မာနိုင်ငံတွင် ရင်းနှီးမြှုပ်နှံ လုပ်ကိုင်မည့် လုပ်ငန်းများ အပါအဝင် အစီအစဉ် ၂၂ ခုအား ဆွေးနွေးခဲ့ကြသည်ဟု သိရကြောင်း ၂၀၁၃ ခုနှစ် ဧပြီလ ၅ ရက်နေ့ထုတ် Bi Weekly Eleven ဂျာနယ်တွင် ဖော်ပြထားပါသည်။
Credit : Here
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။