ခရိုနီပါတီခေါင်းဆောင်ကြီး၏ US ခရီးစဉ်

ခရီုနီပါတီခေါင်းဆောင်ကြီးသည်  US သို့ ထွက်ခွါသွားရာ ယင်းကို ပေးကမ်းလျက်ရှိသော ခရိုနီအချို့ ကြိုတင်သွားရောက်နေနှင့်ပြီး ဖြစ်ကြောင်း ရန်ကုန်ရှိ အမေရိကန်သံရုံး ဗီဇာSection မှ သိရှိရသည်။

ယင်းခရီးစဉ်မတိုင်မီ ခရိုနီပါတီခေါင်းဆောင်ကြီး လက်ဝါးချင်းရိုက် ညွှန်ကြားချက်ကြောင့် ခရိုနီများသည် ရှိရှိသမျှသော အသင်းအဖွဲ့များက နှုတ်ထွက်လျက် ရှိကြသည်။

ဟာဝိုင်ယီခရီးစဉ်တွင် ခရိုနီများက ကမ်းခြေ မီးပုံပွဲတစ်ခု စီစဉ်ထားရှိပြီး ယင်းသို့ စီစဉ်ပေးခြင်းကြောင့် ဆန်ရှင်စာရင်းမှ အနီးစပ်ဆုံး ၂၀၁၃ နှစ်ကုန်ပိုင်းတွင် ဖယ်ရှားပေးရန် ခရီုနီပါတီခေါင်းဆောင်ကြီးက အမေရိကန်အစိုးရ တာဝန်ရှိသူများကို ပြောကြားပေးရမည် ဖြစ်သည်။

အလားတူ လေလံပွဲတွင် ငွေပုံပေး၍ ပါတီကို အပိုင်ဝယ်ယူနိုင်ခဲ့သော ခရိုနီများသည် ၂၀၁၅ ရွေးကောက်ပွဲတွင် အောင်နိုင်ရေးအတွက် ပေးကမ်း စွန့်ကြဲရန် သဘောတူညီထားကြကြောင်း သိရှိရသည်။

ခရိုနီပါတီကြီးမှ နစ်နီကြီး ဦးဝင်းတင်သည်လည်း မူလက ခရိုရောင်စုံများကို ဆန့်ကျင်ဝေဖန်ခဲ့ခြင်းကြောင့် ခရိုနီပါတီခေါင်းဆောင်ကြီးက ပြင်းပြင်းထန်ထန် ဝေဖန်ပြောကြားခဲ့ရာ စိတ်အနာကြီးနာလျက် ဖောင်ဒေးရှင်းအလုပ်သာ လုပ်ဆောင်တော့မည် ဟု ခရိုနီပါတီ လူငယ်များကို ပြောကြားခဲ့သည်။

သို့သော်လည်း အကွက်မြင်လှသော ခရိုနီများက ဖောင်ဒေးရှင်းသို့ ပေးကမ်းစွန့်ကြဲရန် ချဉ်းကပ်လာခဲ့ရာ ဦးဝင်းတင်က လက်မခံဟု ငြင်းဆန်ထားသော်လည်း နာမည်(၂)လုံးပါ ခရိုနီ ဂေါ့ဖားသားကြီးက (၁)လ မခံ ဟု ကွယ်ရာတွင် လှောင်ပြောင် ပြောကြားလျက်ရှိကြောင်း သိရှိရသည်။

ခရိုနီပါတီခေါင်းဆောင်ကြီးက ခရိုနီများကို ကာကွယ်ပြောကြားသည့် သတင်း ထွက်ပေါ်လာသည့်နေ့တွင် ရန်ကုန်မြို့ရှိ ခရိုနီဟိုတယ်တစ်ခု၌ ခရိုနီဂေါ့ဖားသားကြီးများ အကြီးအကျယ် ပျော်ကြ ပါးကြ အောင်ပွဲခံကြရာ တက်သစ်စ မင်းသမီးအချို့(အကယ်ဒမီဗန်းကိုင်(၂)ဦးပါဝင်သည်) အစိမ်း အထပ်လိုက် ရရှိခဲ့ကြောင်း၊ ယင်းပွဲကို ဖိတ်ကြားခြင်း မခံခဲ့ရသဖြင့် ရနှင့်စသော နာမည်(၂)လုံး မင်းသမီးတစ်ဦးမှာ အရှက်မရှိ ပေါက်ကွဲခဲ့သည်ကိုလည်း ပလေတို၏ သတင်းထောက်က နားနှင့်ဆတ်ဆတ် ကြားခဲ့ရကြောင်း သိရှိရသည်။

အဆိုပါပွဲသို့ မမျှော်လင့်ဘဲ သွားရောက်ခဲ့သော သတင်းထောက်မှာ ခရိုနီဂေါ့ဖားသားကြီးများ အပြိုင်အဆိုင် စွန့်ကြဲကြသည့် အစိမ်းများကို ကြည့်ကာ အံမခမ်းဖြစ်ခဲ့ကြောင်း သိရှိရသည်။

(လုံးဝ သတင်းမှန် ဖြစ်ကြောင်း ပလေတို အာမခံသည်)

ပလေတို ဒီမို