လက်ရှိအချိန်တွင် မိုဘိုင်းဖုန်းဆင်းမ်ကတ်များ ရောင်းချမည့်နှုန်းထားကို သတ်မှတ်၍ သက်ဆိုင်ရာ ဝန်ကြီး ဌာနသို့ တင်ပြထားပြီး ဝန်ကြီးဌာနမှ ချမှတ်ပေးသော နှုန်း ထားအတိုင်း သာ ရောင်း ချပေးသွား မည် ဖြစ် သည်ဟု သိရသည်။
“တန်ဖိုးနည်းဖုန်းတွေမချထားမီ မီဒီယာများကတစ်ဆင့် ဖိတ်ခေါ်အသိပေးသွားမှာပါ” ဟု မြန်မာ့ဆက် သွယ်ရေးလုပ်ငန်းမှ၊ အင်ဂျင်နီယာချုပ် ဦးဌေးဝင်းက ပြောသည်။
၎င်းတန်ဖိုးနည်း ဖုန်းများမှာ ယခုလအတွင်း အမှန်တကယ်ချထားပေးမည်ဖြစ်သော်လည်း အကြောင်း အမျိုးမျိုးကြောင့် ကြန့်ကြာနေခြင်း ဖြစ်သည်ဟု ၄င်းကဆိုသည်။
မြန်မာ့ဆက်သွယ်ရေးလုပ်ငန်းမှ 2G, 3G ဆင်းမ်ကတ် အရေအတွက် ၁ ဒသမ ၄ သန်းကို တစ်နိုင်ငံလုံး အတိုင်းအတာဖြင့် ပုဂ္ဂလိကကုမ္ပဏီ၁၃ ခုနှင့် အကျိုးတူ ပူးပေါင်း၍ ရောင်းချပေးသွားမည် ဖြစ်သည်။
"ဒီမိုဘိုင်းကွန်ရက်တွေကို အကောင်းဆုံးဖြစ်အောင်တော့ လုပ်သင့်တယ်။ အဲဒီလိုဖြစ်အောင်လို့လည်း ဆက်သွယ်ရေး လုပ်ငန်းအနေနဲ့ လုပ်ဆောင်ပေးသင့်တယ်" ဟု မိုဘိုင်းဖုန်းအသုံးပြုသူ ကိုအောင်ဇော် က ပြောသည်။
မြန်မာ့ဆက်သွယ်ရေး လုပ်ငန်းအနေဖြင့် ယခုအခါ မိုဘိုင်းဖုန်းကဏ္ဍအား လက်ရှိထက်များစွာ တိုးတက်မှု ရှိစေရန်အတွက် ပြည်တွင်း၊ပြည်ပပုဂ္ဂလိကကုမ္ပဏီများအား ယှဉ်ပြိုင်လုပ်ကိုင်စေမည်ဖြစ်ကြောင်းကိုလည်း သိရသည်။
ထိုသို့ ဆောင်ရွက်ရာတွင် နိုင်ငံတော်၏ဘတ်ဂျက်ကိုမမှီခိုပဲ ဆက်သွယ်ရေးကဏ္ဍကို ကောင်းမွန်စေ ရန် ဆောင်ရွက်သွားမည် ဖြစ်သည်။
(မြစ်မခ)
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။