၎င်းက “နိုင်ငံရေးက နိုင်ငံရေးနဲ့ပဲ သက်ဆိုင်ပါတယ် ၊ မြန်မာပြည် နိုင်ငံရေး အခြေအနေမတည်ငြိမ်မှု စစ်ပွဲတွေ အဲဒီအခြေအနေ တွေက ဒီဂုဏ်ထူးဆောင်ဆုတံဆိပ်နဲ့ဘယ်လိုမှ ဆက်စပ်မှုမရှိဘူး လို့ကျွန်မ မြင်တယ်၊ ကျွန်မတို့ အခုလို ဆုတံဆိပ် ပေးအပ်တာကလည်း ပညာရေးကဏ္ဍနဲ့ပဲတွက်ချက် စဉ်းစားပြီး ပေးအပ်ခြင်း ဖြစ်တယ်” ဟု မဇ္ဈိမအား ပြောသည်။
စီမံ ခန့်ခွဲမှု နည်းပညာ ဂုဏ်ထူးဆောင် ပါရဂူဘွဲ့ (Honorary Doctor of Philosophy in Technology Management) ခေါ် ဂုဏ်ထူးဆောင် ပါရဂူဘွဲ့ကို သမ္မတဦးသိန်းစိန်အား ဇန်န၀ါရီလ ၂၃နေ့ ညနေ ငါးနာရီ တွင် သမ္မတအိမ်တော် ၌ ပေးအပ်ခဲ့ကြောင်း သမ္မတရုံး ၀ဘ်ဆိုက်တွင်ဖော်ပြထားသည်။
( Bansomdej chaopraya Rajabhat University - BSRU) တက္ကသိုလ်မှ အဓိပတိ ဘုတ်အဖွဲ့ ဝင်နှင့် တက္ကသိုလ် အကြံပေး အဖွဲ့များ ပါဝင်သည့် (၉) ဦးပါ ကိုယ်စားလှယ်အဖွဲ့အား တက္ကသိုလ်တွဲဖက် ပါမောက္ခ ဒေါက်တာဖွန်လာဆစ် နူချူချိုင်းမှ ဦးဆောင်ကာ နေပြည်တော်ရှိ သမ္မတအိမ်တော် သဘင် ဆောင်၌ သမ္မတအား ပေးအပ် ခဲ့ခြင်း ဖြစ်သည်။
သမ္မတ ဦးသိန်းစိန်က မိမိအား ယခုကဲ့သို့ဂုဏ်ထူးဆောင်ဆုတံဆိပ် ပေးအပ် ခြင်းသည် မိမိ တို့ နိုင်ငံနှင့် ပြည်သူများ၏ ဒီမိုကရေစီအသွင်ကူးပြောင်း ရေးနှင့် ဖွံ့ဖြိုးတိုးတက်ရေးကြိုးပမ်းအားထုတ်မှုများ အပေါ် အသိအမှတ် ပြုမှုတစ်ရပ်အဖြစ်ခံယူကြောင်း ဆုပေးအပ်ပွဲအခမ်းအနားတွင် ပြောခဲ့သည် ဟုသမ္မတ ရုံး ၀ဘ်ဆိုက်တွင် ဖော်ပြထားသည်။
ဆက်လက်၍လည်း ထိုင်း မြန်မာနှစ်နိုင်ငံကြား ပညာရေးကဏ္ဍပူးပေါင်းလုပ်ဆောင် မှု မြင့်မား စေရန် မြန်မာ တက္ကသိုလ်နှင့် မိမိတို့တက္ကသိုလ်များအကြားပညာသင်ကြားမှု ဖလှယ်ရေးအစီအစဉ် သဘောတူစာချူပ်များ ဆက်လက်ချုပ်ဆိုသွားရန်ရှိကြောင်းလည်း ( Bansomdej chaopraya Rajabhat University - BSRU) မှ တက္ကသိုလ် အဓိပတိ ဘုတ်အဖွဲ့ လက်ထောက် အတွင်း ရေးမှူးမှ မဇ္ဈိမအား ပြောသည်။
၎င်းက “အနာဂါတ်မှာအာဆီယံ နိုင်ငံတွေအကြား ကူးလူးဆက်သွယ်မှု ကောင်းမွန်လာရင်၊ တစ်နိုင်ငံနဲ့ တစ်နိုင်ငံကြား ဘာသာစကားဖလှယ်သင်ကြားမှုတွေရှိလာမယ်၊ ဒါ့ပြင်ကို ပညာရေးကဏ္ဍနဲ့ ပတ်သက် ပြီးတော့မြန်မာ နိုင်ငံနဲ့ ကျွန်မတို့ တက္ကသိုလ်ကြားမှာလည်း MOU စာချုပ်တွေ ဆက်လက်ချုပ်ဆို ကြဖို့ ရှိပါတယ်၊ ချုပ်ဆို နိုင်မယ် လို့လည်း မျှော်လင့် ပါတယ်” ဟု ပြောကြားခဲ့သည်။
ထို့ပြင် တက္ကသိုလ်အနေနှင့် ယခုဘွဲ့တံဆိပ်ကို အခြားအာဆီယံ အဖွဲ့ဝင် နိုင်ငံ အသီးသီး ရှိ နိုင်ငံ ဥသျှောင်ခေါင်းဆောင်များအား ပေးအပ်ခဲ့ပြီး ဖြစ်ကာ မြန်မာနိုင်ငံအား အာဆီယံ နိုင်ငံ အတွင်း နောက် ဆုံး ပေးအပ်နိုင်ခဲ့ခြင်းလည်း ဖြစ်ကြောင်း မစ္စစ် ဝလင်းလက်စ် မှ ပြောကြားခဲ့ပါသည်။
သမ္မတ ဦးသိန်းစိန်အား အဆိုပါဆု ပေးအပ်နိုင်ရန် ဗန်ကောက် မြန်မာသံရုံးမှ တဆင့် ၂၀၁၂ နှစ်ဆန်းပိုင်း ခန့်ကပင် ဆက်သွယ် ခဲ့သော်လည်း ဒီဇင်ဘာလ မှသာ သမ္မတမှ လက်ခံရန် အကြောင်းပြန်ခဲ့သဖြင့် ၂၀၁၃ ဇန်န၀ါရီလ ၂၃ ရက်နေ့ တွင် ပေးအပ် နိုင်ခဲ့သည်။
Mizzima - News in Burmese
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။