တစ်နိုင်ငံလုံး အပစ်အခတ်ရပ်စဲရေး သဘောတူညီချက် လက်မှတ်ရေးနိုင်မယ်ဆိုရင် နိုင်ငံရေး ဆွေးနွေးပွဲတွေ ဖြစ်မြောက်ဖို့အတွက် အာမခံချက်ရရှိတာဖြစ်တယ်လို့ ကေအဲန်ယူ ကရင်အမျိုးသား အစည်း အရုံးဥက္ကဌ ဗိုလ်ချုပ်ကြီး မူတူးဆေးဖိုးက ပြောလိုက်ပါတယ်။
ဒီနေ့ ကေအဲန်ယူ ကရင်အမျိုးသားအစည်းအရုံး ထိန်းချုပ်နယ်မြေ လေးဝါးစခန်းမှာ ကျင်းပနေတဲ့ တိုင်းရင်း သား လက်နက်ကိုင်အဖွဲ့ ၁၇ ဖွဲ့ ညီလာခံမှာ ဗိုလ်ချုပ်ကြီး မူတူးဆေးဖိုးက အခုလို ပြောလိုက်တာပါ။
တိုင်းရင်းသားအားလုံးလိုလားတဲ့ အမျိုးသားရေးတန်းတူညီမျှမှု၊ ကိုယ်ပိုင်ပြဌာန်းခွင့်စတဲ့ နိုင်ငံရေးပြဿနာ တွေကို လက်နက်ကိုင်ဖြေရှင်းတာထက် နိုင်ငံရေးဆွေးနွေးပွဲတွေကနေ အဖြေရှာကြဖို့ကိုလည်း တိုက်တွန်း လိုက်ပါတယ်။
နှစ်ပေါင်း ၆၀ ကျော်ကြာ ပြည်တွင်းစစ်အတွေ့အကြုံအရ အရင်အစိုးရအဆက်ဆက်ဟာ လက်နက်နဲ့ ငြိမ်းချမ်းရေးလဲလှယ်ဖို့ကိုသာ ပြောဆိုခဲ့ကြောင်း သမ္မတဦးသိန်းစိန် အစိုးရလက်ထက်မှာ တန်းတူမှု၊ လွတ်လပ်မှု၊ တရားမျှတမှုကိုအခြေခံပြီး ငြိမ်းချမ်းတဲ့နည်းလမ်းနဲ့ အဖြေရှာဖို့ ပြောဆိုနေကြောင်း၊ လက်တွေ့ ဆန်တဲ့ ချဉ်းကပ်မှုနဲ့ ဖက်ဒရယ်ပြည်ထောင်စုကို တည်ဆောက်ကြဖို့ကိုလည်း ပြောဆိုနေပြီဖြစ်ကြောင်း အဲဒီအချက်တွေဟာ လုံလောက်တယ်လို့ မဆိုနိုင်ပေမယ့် နည်းလမ်းမှန်နဲ့အစပျိုးတဲ့ အပြောင်းအလဲတွေ ဖြစ်တယ်လို့လည်း ဗိုလ်ချုပ်ကြီး စောမူတူးဆေးဖိုးက ပြောခဲ့ပါတယ်။
ဒီနေ့ကစပြီး ၃ရက်ကြာကျင်းပမယ့် တိုင်းရင်းသား လက်နက်ကိုင်အဖွဲ့တွေရဲ့ ဒုတိယအကြိမ်မြောက် ညီလာခံ မှာ တိုင်းရင်းသားလက်နက်ကိုင်အဖွဲ့ ၁၇ ဖွဲ့အပြင် မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦးကလည်း လေ့လာသူအဖြစ် တက်ရောက်နေပါတယ်။
RFA Burmese
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။