လွတ်လပ်စွာ စုဝေးခွင့်၊ ဆန္ဒဖော်ထုတ်ခွင့်ဆိုရာတွင်

၁။ ”နိုင်ငံသား တိုင်းသည် နိုင်ငံတော် လုံခြုံရေး၊ တရားဥပဒေ စိုးမိုးရေး၊ ရပ်ရွာ အေးချမ်း သာယာ ရေး (သို့မဟုတ်) ပြည်သူ တို့၏ ကိုယ်ကျင့်တရား အကျိုးငှာ ပြဋ္ဌာန်း ထားသည့် ဥပဒေ များနှင့် မဆန့် ကျင်လျှင် လက်နက် မပါဘဲ ငြိမ်းချမ်းစွာ စုဝေးခွင့်၊ စီတန်း လှည့်လည်ခွင့် ရှိသည် ဟု” ဖွဲ့စည်းပုံ အခြေ ခံ ဥပဒေပုဒ်မ -၃၅၄ တွင် ဖော်ပြ ထားရှိပါသည်။ ဤပြထားချက် မှာ နိုင်ငံတကာ ဒီမိုကရေ စီ စံနှုန်း များနှင့်အညီ ပြည်သူလူထု ထံ လွတ်လပ်စွာ ဆန္ဒ ဖော်ထုတ်ခွင့် ကို အပ်နှင်းလိုက်ခြင်းပင် ဖြစ်သည်။ သို့ရာ တွင် ဒီမိုကရေစီ စနစ်ကို အံဝင်အောင် မကျင့်သုံးနိုင်လျှင် ဥပဒေမဲ့၊ ကျင့်ဝတ်မဲ့၊ ဆူပူ ရမ်းကားမှုများ ဖြစ်လာနိုင်သဖြင့် မြန်မာနိုင်ငံ၏ ဖွဲ့စည်းပုံ အခြေခံ ဥပဒေ ၂ဝဝ၈ တွင် ”စစ်မှန်၍ စည်းကမ်းပြည့် ဝသော ဒီမိုကရေစီ” ဟု အခြေခံမူ ချ မှတ် ထားခြင်း ဖြစ်နိုင်ပါသည်။

၂။ ”စစ်မှန်၍ စည်းကမ်း ပြည့်ဝသော ဒီမိုကရေစီ စနစ်ထွန်းကားရေး”ဆိုသည် မှာ ဒီမိုကရေစီ စနစ်ကို မိမိတို့ လူ့အဖွဲ့ အစည်း ပတ်ဝန်းကျင်နှင့် လိုက်လျော ညီထွေဖြစ်အောင် ကျင့်သုံးရန် လိုအပ် ပါသည်။ ဒီမိုကရေစီ အသွင်ကူးပြောင်း မှု ကာလသည် ဆတ်ဆတ် ထိမခံနိုင် သော အနေအထား ဖြစ်သည်။ ကမ္ဘာ့ နိုင်ငံ များတွင် ဒီမိုကရေစီ လှုပ်ရှားမှု များ မရပ်မနား ဖြစ်ပွားနေသော် လည်း ဆုတ်ယုတ် ကျဆင်းမှုများက ရှိနေဆဲပင် ဖြစ်သည်။ ဒီမိုကရေစီ ဟူသည် အနောက် နည်း အနောက် ဟန်ဖြစ်ပြီး အနောက် စတိုင် အတိုင်း အတင်းအဓမ္မ သွတ်သွင်း ရန်လည်း မဖြစ်နိုင်ပေ။ ထို့ကြောင့် ဒီမို ကရေစီ စနစ်ကို ဖော်ဆောင် ရာတွင် မိမိ နိုင်ငံ၏ အစဉ်အလာ၊ ယဉ်ကျေးမှု၊ ဓလေ့၊ အယူအဆ ၊အတွေးအခေါ် များနှင့် လိုက် လျောညီထွေ ရှိအောင် အထိန်း အကွပ် ဖြင့် ကျင့်သုံးရန် လိုအပ်ပါသည်။

၃။ ဒီမိုကရေစီ ဆိုသည်မှာ ဥယျာဉ် ကြီးတစ်ခုနှင့် တူပြီး ထာဝစဉ် စိမ်းလန်း ဝေဆာအောင် အမြဲမပြတ် ထိန်းသိမ်း စောင့်ရှောက်ရန် လိုပေသည်။ ကမ္ဘာ ပေါ်တွင် ဒီမိုကရေစီနှင့် ကင်းသော နိုင်ငံ မရှိသလောက် ဖြစ်လာသည်။ ဒီမို ကရေစီ ဟူသည် ပြည်သူ့ဆန္ဒ၊ ပြည်သူ့ သဘော တစ်နည်း အားဖြင့် အများဆန္ဒ အများ သဘောဖြစ်၍ အမှားပေါသည် ဆိုသော်လည်း အများ ဆန္ဒနှင့်အညီ ဒီမို ကရေစီအတွက် သင့်လျော်သည့် ပုံစံများ ကို အကြမ်းဖက်မှု မရှိဘဲ ပြုပြင်ပြောင်း လဲ ပုံသွင်း ယူသွားရန် အရေး ကြီးပေ သည်။

၎။ ဒီမိုကရေစီ သဘောတွင် လွတ်လပ်ခွင့်ကို အပြည့်အဝ ခံစားချင်ကြ၍ ထမ်းဆောင် လိုက်နာရမည့် ကျင့်ဝတ် တာဝန်များကို လျစ်လျူ ရှုတတ်ကြပါ သည်။ အခွင့် အရေးနှင့် တာဝန်ဝတ္တရား (Rights & Duties) တွင် အခွင့်အရေး ကိုသာ ခံစားချင်ကြ၍ တာဝန်ကိုမူ မသိကျိုးကျွံ ပြုလိုကြသည့် သဘော ရှိ ပေရာ ကန့်သတ်ချက် များဖြင့် ထိန်းကွပ် ထားရန် လိုအပ်ပေသည်။ နိုင်ငံတော်မှ ပေးအပ်သည့် လွတ်လပ်စွာ ဆန္ဒဖော် ထုတ်နိုင်သည့် အခွင့်အရေးကို ခြွင်းချက် မရှိ ကျင့်သုံး လိုကြသော်လည်း တစ်ဖက် က ပြန်လည် လိုက်နာရမည့် ကျင့်ဝတ် တာဝန်ကို မူ လိုက်နာရန် ငြင်းဆိုနေကြ ခြင်းသည် ဒီမိုကရေစီ အသွင်ကူးပြောင်း စ နိုင်ငံ အတွက် ကြီးမားသည့် အန္တရာယ် ပင် ဖြစ်သည်။ ဒီမိုကရေစီ အသားကျ နေသော အမေရိကန်နိုင်ငံ မှာပင် ဆန္ဒ ဖော်ထုတ်ခွင့်ကို ပြည်နယ် အလိုက် ဥပဒေများ ပြဋ္ဌာန်း ကန့်သတ် ထား ကြောင်း တွေ့ရှိရပါသည်။

ပြင်သစ်၊ အစ္စရေး စသည့် နိုင်ငံများတွင် ဆန္ဒဖော် ထုတ်မှု ကို ပိတ်ပင်သည့် ဆုံးဖြတ်ချက်ကို ဆန္ဒပြပွဲ မတိုင်မီ ထုတ်ပြန်နိုင်ပြီး ကြို တင် အသိပေး တင်ပြခြင်း မရှိသည့် ဆန္ဒဖော်ထုတ် ပွဲများကို ရဲတပ်ဖွဲ့က လူစု ခွဲနိုင်သကဲ့သို့ ပွဲစီစဉ် သူများကို တရား စွဲ အရေး ယူနိုင်ကြောင်း တွေ့ရှိရပါသည်။ နိုင်ငံ၏ အရေးကြီး နေရာများတွင် ဆန္ဒဖော်ထုတ်ပွဲ မပြုလုပ်နိုင်အောင် ပိတ်ပင်ထားပြီး အများ ပြည်သူကို ထိ ခိုက်မှု ရှိ၊ မရှိကို အခြေခံကာ အချိန် နှင့်နေရာကို ခွင့်ပြုပေး ကြကြောင်း တွေ့ ရှိရပါသည်။ ထို့အတူ ကနေဒါ နိုင်ငံ တွင်လည်း ဆန္ဒဖော်ထုတ်ပွဲ ဆောင် ရွက်လိုပါက ၂၁ ရက်ကြိုတင် တင်ပြ ရကြောင်း လေ့လာတွေ့ ရှိရပါသည်။

ဒီမိုကရေစီ စနစ်နှင့် ယဉ်ပါးနေသော အထက်ပါ ကမ္ဘာ့နိုင်ငံကြီး များမှာပင် လွတ်လပ်စွာ ဆန္ဒ ဖော်ထုတ်ခွင့်နှင့် စပ်လျဉ်း၍ ဆန္ဒဖော်ထုတ် ပွဲမှ အစပြု၍ ဆူပူရမ်းကား မင်းမဲ့ စရိုက်မဖြစ်စေရေး ဥပဒေ ကျင့်ဝတ်များဖြင့် ကန့်သတ်ထား ကြရကြောင်း တွေ့ရှိရသဖြင့် နိုင်ငံရေး စနစ်သစ် တစ်ခုသို့ ကူးပြောင်းနေသည့် ဒီမိုကရေစီ ကျင့် သုံးစ မြန်မာနိုင်ငံအ နေဖြင့်လည်း လွတ်လပ်စွာ ဆန္ဒဖော် ထုတ်ရာမှ တစ်ဆင့် အထိန်းအကွပ်မဲ့ မင်းမဲ့စရိုက် မျိုးထိ ရောက်ရှိ မသွားစေ ရေး ဥပဒေ ကျင့်ဝတ် များဖြင့် ထိန်းသိမ်း ရန် အရေးကြီးပေသည်။

၅။ ဖွဲ့စည်းပုံ အခြေခံ ဥပဒေပုဒ်မ ၃၅၄ ပုဒ်မခွဲ (ခ)အရ ပြဋ္ဌာန်းပေးခဲ့ သည့် ငြိမ်းချမ်းစွာ စုဝေးခွင့်နှင့် ငြိမ်းချမ်း စွာ စီတန်း လှည့်လည် ခွင့်ဆိုင်ရာ ဥပဒေပုဒ် မ (၁၈)နှင့် စပ်လျဉ်း၍ ပယ်ဖျက်သင့် ကြောင်း၊ ဖြေလျှော့ သင့်ကြောင်း၊ ဒီမိုက ရေစီနှင့် မကိုက်ညီကြောင်း၊ လူ့အခွင့် အရေး ချိုးဖောက်မှု ဖြစ်ကြောင်း စသည် ဖြင့် ဝေဖန်မှု များ ပေါ်ပေါက် လာသကဲ့ သို့ ပုဒ်မ (၁၈)အား ဆက်လက် ထားရှိ ကျင့်သုံးသင့်ကြောင်း သုံးသပ် ဝေဖန်မှု များလည်း ရှိနေပါသည်။ ပုဒ်မ (၁၈) သည် ငြိမ်းချမ်းစွာ စီတန်း လှည့်လည်ခွင့် နှင့် စပ်လျဉ်း၍ ခွင့်ပြုမိန့် မရရှိဘဲ ဆောင်ရွက်ခြင်း အပေါ် ကန့်သတ်ထား ခြင်းဖြစ်သည်။ တစ်နည်း အားဖြင့် ဆန္ဒ ဖော်ထုတ်မည့် ကိစ္စ အခြေခံ အကြောင်း အရင်းပေါ် မူတည်၍ အများပြည်သူ အ ကျိုးနှင့် သက်ဆိုင်ခြင်းရှိ၊ မရှိ၊ အများ ပြည်သူကို စိတ်ငြိုငြင်မှု၊ အနှောင့်အ ယှက် ဖြစ်ခြင်း ရှိ၊ မရှိပေါ် မူတည်၍ ဆန္ဒဖော်ထုတ်မှု ခွင့်ပြု၊ မပြု သတ်မှတ် ထားခြင်း ဖြစ်ပါသည်။ အသွင်ကူး ပြောင်းစ ကာလတွင် ဒီမိုကရေစီ စနစ်နှင့် ကျင့်သားရမှု မရှိသေးသော ပြည်သူများ အနေဖြင့် အယူအဆ လွဲမှား စွာ လွတ် လပ်စွာ ဆန္ဒဖော် ထုတ်ခွင့် ကျင့်သုံးခြင်း ကို တားမြစ် ကန့်သတ်ထားခြင်းပင် ဖြစ် ပါသည်။

၆။ လွတ်လပ်စွာ ဆန္ဒဖော်ထုတ်ရန် ခွင့်ပြုချက် တောင်းခံရန် မလိုတော့ပါက လွတ်လပ်စွာ ဆန္ဒ ဖော်ထုတ်မှုကို အစ ပြု၍ တစ်နိုင်ငံလုံး အုံကြွမှုများကို အလွယ်တကူနှင့် အချိန် မရွေး လုပ် ဆောင်နိုင်တော့ မည်ဖြစ်သည်။ စိတ်ပညာ သဘောအရ လူဟူသည် လူနည်းစု စည်းရုံး လှုပ်ရှားမှုများ ဆောင်ရွက်ရာ တွင် သတိအစဉ် ရှိသော်လည်း လူအုပ် များလာပါက ရဲတင်း လာကာ ဥပဒေမဲ့ လုပ်ရပ် များကို အလွယ်တကူ လုပ် ဆောင်လာနိုင်ကြောင်း ကမ္ဘာ့နိုင်ငံများ တွင် ဖြစ်ပွားခဲ့၊ ဖြစ်ပွားဆဲ အဓိကရုဏ်း များကို စံ နမူနာယူ လေ့လာနိုင်ပါသည်။ လူအုပ်များလာပါက မိမိတို့မကျေနပ် ချက်များကို ရောနှောဖောက်ခွဲကာ အ ဖျက်လုပ်ငန်းများ၊ အကြမ်းဖက်မှု မင်းမဲ့ စရိုက်များ လုပ် တတ်ကြကြောင်း တွေ့ရှိ နိုင်ပါသည်။

၇။ ပုဒ်မ (၁၈)ဖြင့် ကန့်သတ် ထားချိန် မှာပင် ကန့်သတ်ချက် အား ချိုးဖောက် ကာ ဆန္ဒပြမှုများ ရှိနေခဲ့ပြီး ချစ်ခြင်း၊ မုန်းခြင်းများ အလွန်အမင်း ဖြစ်စေခဲ့ သည့် မြန်မာ့နိုင် ငံရေး အခြေအနေများ အရ ပုဒ်မ (၁၈)ကို ပယ်ဖျက် လိုက်ပြီး သည့်နောက်တွင် ဥပဒေအရ ကန့်သတ် ချက်ကြောင့် ဆန္ဒပြမှုတွင် ပါဝင်ခြင်းမရှိ သူများပင် အနှစ်နှစ် အလလ ပုဂ္ဂိုလ်ရေး မကျေနပ်ချက် များကို အလွယ်တကူ ဖော်ထုတ် ဆန္ဒပြမှုများ ရှိလာနိုင်ပြီး လူထု ဆူပူအုံကြွမှုများ ကြီးထွားလာပါက နိုင်ငံတော် တည် ငြိမ်အေး ချမ်းရေး ၊ ပြည် သူလူထု အသက် အိုးအိမ် လုံခြုံအေးချမ်း ရေးကို ထိခိုက်လာစေနိုင်ပါသည်။

၈။ အဓိကရုဏ်း နှိမ်နင်းမှု များတွင် ကျွမ်းကျင်ပိုင်နိုင်မှုမရှိဟု ဝေဖန်ခံထား ရသည့် လုံခြုံရေး တပ်ဖွဲ့ဝင် များအနေဖြင့် လည်း ယခုမှ စွမ်းရည် ပြန်လည် တည် ဆောက်နေ ရကြောင်း တရားဝင် ဝန်ခံ ထားပေရာ အလွယ်တကူ စုရုံးဆူပူမှု မပြုစေရန် ကန့်သတ် ထားသော ပုဒ်မ (၁၈)ကို ပယ်ဖျက် လိုမှုသည် ဒီမိုကရေ စီနုနယ် သည့် မြန် မာနိုင်ငံ အတွက် ကြီး မားသော စိန်ခေါ်မှု တစ်ရပ်ပင် ဖြစ် သည်။

၉။ အစိုးရ ဆိုသည် နိုင်ငံတော် တည် ငြိမ် တိုးတက်ရေးအတွက် ပြည်သူကို အ တင်းအကျပ် ပြုပြင်ပြောင်းလဲ ခိုင်းရသည့် သဘော၊ အဓမ္မ တိုက်တွန်းစေခိုင်း ရသည့် သဘောများ ရှိသောကြောင့် ပြည်သူများ က သဘော မကျတတ်သည်က များသည်။ ဒီမိုကရေစီ အစိုးရဆိုသည်မှာ လည်း တစ်ခါတစ်ရံ အာဏာရှင် မျက်နှာ ဖုံးကို အငှား သုံးသင့်လျှင် သုံးကြရသည်။ အဘယ်ကြောင့် ဆိုသော် လိုက်လျော လွန်းသည့် အစိုးရသည် အုပ်ချုပ်၍ မရ နိုင်သည့် သဘောကိုလည်း သတိထား ရမည်ဖြစ် သည်။ နိုင် ငံတော် တည်ငြိမ် အေးချမ်းရေး၊ ပြည်သူလူထု၏ အသက် အိုးအိမ် လုံခြုံရေးသည် အစိုးရ၏ တာဝန် ဖြစ်သကဲ့သို့ တည်ငြိမ် အေးချမ်း စွာ နေထိုင်ရေး သည် လည်း ပြည် သူ လူထု ၏ တာဝန်ပင်ဖြစ်သည်။ အစိုးရက အစိုးရ အလုပ်ကို လုပ်သကဲ့သို့ ပြည်သူ ကလည်း ပြည်သူ့ အလုပ်ကို လုပ်ရန် လိုပေသည်။

၁ဝ။ ဒီမိုကရေစီ စနစ်တွင် မိမိတို့ ကြိုက်ရာကို လွတ်လပ်စွာ ဆောင်ရွက် နိုင်သော်လည်း မိမိ၏ ဆောင်ရွက်မှု အတွက် တာဝန် ယူနိုင်သည့် ဒီမိုကရေစီ ကျင့်ဝတ် ရှိရန် လိုအပ်ပြီး မိမိဆောင်ရွက် ရသည့် အပြုအမူ တစ်ခုသည် အခြားသူ များကို ထိခိုက်မှု ရှိ၊ မရှိ နိုင်ငံယဉ်ကျေး မှု၊ ဓလေ့ စရိုက်ကို ထိခိုက်မှု ရှိ၊ မရှိကို ဆန်းစစ်ရန် လိုအပ် လှပါသည်။ လူတစ် ဦးချင်း၊ နိုင်ငံသား တစ်ဦးချင်း အနေဖြင့် ကိုယ်ပိုင်ဘဝ ရပ်တည်ရေးတွင် စောင့် ထိန်းရသည့် ကျင့်ဝတ်များ ရှိသကဲ့သို့ အများနှင့် သက်ဆိုင်သည့် ကိစ္စ များတွင် မိမိ ကျေနပ်နှစ်သိမ့်မှုကို တစ်ကိုယ် ကောင်းဆန်ဆန် ဦးစားပေးခြင်း မရှိ အောင် ကျင့်ဝတ် များဖြင့် သတိပေး တား မြစ်ထားပါသည်။ ထို့အတူ ကျင့်ဝတ် များ သည် လူ့လောကကြီး အတွက်လည်း အကာအကွယ် တစ်ရပ်ဖြစ်ပြီး ယဉ်ကျေး သည့် လူ့အသိုင်း အဝိုင်း အတွက်လည်း အမှန် တကယ် ရှိသင့် ရှိထိုက်သော အရာဖြစ်သည်။ ထို့အတူ အစိုးရက ပြည်သူများ မိမိဆန္ဒကို လွတ်လပ်စွာ တင်ပြနိုင်သည့် အခွင့်အရေး ကို သုံးစွဲ ရာတွင် အစိုးရက သတ်မှတ်ပေးထား သော ကျင့်ဝတ် စည်းကမ်း များနှင့်အညီ ခံစားရန် လိုပေသည်။ ဤသည်မှာ အစိုးရ နှင့်ပြည်သူ အပြန်အလှန် ကျင့်ဝတ် စောင့်ထိန်းခြင်း ပင်ဖြစ်သည်။ ပြည်သူ များကလည်း ဒီမိုကရေစီ အလေ့ အထ ကို ကျင့်သားရရန် လိုသည်။

၁၁။ ဒီမိုကရေစီ စံများက ကမ္ဘာ တစ်ဝန်းလုံး ပျံ့နှံ့လွှမ်းမိုးလာသည်။ ခေတ်က သတင်း အချက် အလက်တော်လှန်ရေး ခေတ်ဖြစ် သည်။ နေရာတိုင်း တွင် လောင်စာဆီ များ က တောက်လောင်ရန် အသင့်ရှိနေသည်။ သို့ဖြစ်ရာ ဒီမိုကရေစီ လမ်းကို ဖြောင့်ဖြောင့် တန်းတန်း လျှောက်လှမ်း သွားနိုင်ရေး အစိုးရနှင့် ပြည်သူ အပြန်အလှန်ဖေး ကူနိုင် မှသာ ထိုအတားအဆီး၊ အတိုက်အခိုက်၊ အ နှောင့်အယှက် များကို အောင်မြင်စွာ ကျော်လွှားနိုင် မည်ဖြစ်သည်။ ဒီမိုကရေ စီမှ လွင့်ပါးလာမည့် မီးပွားများကို အချိန် မီ ရေဖျန်းထားရန် လိုအပ်သကဲ့ သို့ ပုဒ်မ (၁၈)ပယ်ဖျက်ရေး ကို စဉ်းစားရန် မသင့်သေးကြောင်း အကြံပြု ရေးသား လိုက်ရပေသည်။

မင်းခေါင်

(ပေါ်ပြူလာနယူးစ်အယ်ဒီတာ အဖွဲ့၏ အာဘော်မဟုတ်ပါ။ တပ်မတော်သား တစ်ဦးမှ ပေးပို့လာသော စာမူဖြစ်ပြီး တပ်မတော်တစ်ခုလုံးကို ကိုယ်စားပြု၊ မပြုမဆိုထားသော်ငြားပုဒ်မ (၁၈) ပယ်ဖျက်လိုသူများနှင့် အမြင် ကွဲပြားသော သဘောထားဖြစ်၍ နှိုင်းယှဉ်ဖတ်ရှုနိုင်ရန် ”စာရေးသူ၏ အာဘော်” အဖြစ် တင်ပြခြင်း ဖြစ်ပါသည်။)

Popular Myanmar News Journal