နိုင်ငံရေးလုပ်စား၊ မီဒီယာလုပ်စားများအား ပြင်းထန်စွာ အရေးယူဖို့ လိုပြီ

ပန်းလှိုင်တံတားအဆင့်(တွံတေးဘက်ခြမ်း)နှင့် လှိုင်သာယာ-တွံတေးလမ်းမ ပေါ်ရှိ ကျူးကျော်တဲ ၂၀၀၀ ကျော်ကို ဇန်န၀ါရီလ ၁၄ ရက်နေ့ နံနက်အစာပိုင်းတွင် သက်ဆိုင်ရာက ဖယ်ရှားခဲ့ကြောင်း သိရသည်။

ကျူးကျော်နေထိုင်သူများကို မြေနေရာပြုလုပ်ပေးပြီး အိမ်ထောင်စုစာရင်း ပြုလုပ်ပေးသည် ဟု ဆိုကာ တစ်အိမ် ကျပ်တစ်သောင်းနှုန်းဖြင့် ဒီမိုကရက်တစ် ပါတီ(မြန်မာ)မှ ကျော်ထက်နိုင် ဆိုသူထံ ပေးချေခဲ့ရပြီး ထိုသူက နေထိုင်နိုင်ရန် အတွက် ကျူးကျော်များကို အာမခံပြောကြားခဲ့ကြောင်း ကျူးကျော်နေထိုင်သူများထံမှ ပြန်လည်သရကြောင်း ယနေ့ထုတ် Eleven နေ့စဉ်သတင်းစာတွင် ဖော်ပြထားသည်။

ယင်းကဲ့သို့ တစ်အိမ် တစ်သောင်းနှုန်း ပေးရခြင်းအပြင် ယခု ဖျက်သိမ်းခံလိုက်ရသည့် ကျူးကျော်အိမ်များမှာ လှိုင်သာယာ-တွံတေးလမ်းမပေါ်တွင် တစ်ကွက်လျှင် အနည်းဆုံး ကျပ်တစ်သိန်းမှ ငါးသိန်းအထိ ပေါက်ဈေးရှိနေပြီး ပွဲစားများထံမှ အကွက်ရိုက်လက်လွှဲ ရောင်းချခြင်းများလည်း ဖြစ်ပေါ်ခဲ့ကြောင်း ဖော်ပြထားသည်။

ဒီမိုကရက်တစ် ပါတီ(မြန်မာ)မှ ကျော်ထက်နိုင်နှင့် အပေါင်းအပါ ခြောက်ဦးကို တွံတေးရဲစခန်းမှ အမှုဖွင့်အရေးယူထားကြောင်း သိရှိရသည်။

အလားတူ နိုင်င်ငံရေးပါတီများက မြှောက်ပင့်ပေးသည့် မြေယာပြဿနာများလည်း ရှိနေကြောင်း၊ The Street View ဂျာနယ်မှ သတင်းထောင်အချို့ အပါအ၀ငင် အချို့သော မီဒီယာသမားများသည် မြေယာကိစ္စများတွင် ပွဲစားသဖွယ် ပါဝင်ဆောင်ရွက်လျက် ရှိကြောင်း သိရှိရသည်။ ထိုသို့ လုပ်စား မီဒီယာများကိုလည်း ထိထိရောက်ရောက် တားဆီးအရေးယူသင့်ပြီ ဖြစ်ကြောင်း မီဒီယာသမား တစ်ဦးက ပြောကြားသည်။

"သတင်းထောက်တစ်ချို့ပေါ့ဗျာ။ မြေယာကိစ္စတွေမှာ ပြန်ရရင် ဘယ်လောက် ဆိုတာမျိုး၊ ဘယ်အထိ စာတင်ပေးမယ် ဆိုတာမျိုး၊ နောက် သတင်းစာ ရှင်းလင်းပွဲ လုပ်ဖို့ စီစဉ်ပေးတာ၊ သွားဖို့ လာဖို့ စီစဉ်ပေးတာ၊ နောက်ကနေ မြှောက်ပေးနေတာတွေ ရှိတယ်။ လွှတ်တော်ဥက္ကဌ သူရဦးရွှေမန်းရဲ့ မိသားစုက ထုတ်တဲ့ The Street View ဂျာနယ်တို့၊ ကြံ့ခိုင်ရေးက ထုတ်တဲ့ Union Daily သတင်းစာတို့ စတဲ့ သတင်းထောက်တွေ အများဆုံး ပါတယ်။ သူတို့က မြေယာကိစ္စတွေပေါ့ဗျာ အထူးသဖြင့်တော့.. လိုက်လှုပ်နေတာ။ နိုင်ငံရေးပါတီတွေ ပါလာအောင် လိုပ်ခေါ်တယ်။ လွှတ်တော်အမတ်တွေ ၀င်လာအောင်ပေါ့ဗျာ။ သူတို့ကမှ မီဒီယာရှင်းလင်းပွဲတွေ ဖြစ်အောင် ရွာသားတွေဆီက လည်ပင်းညှစ်ထားတဲ့ ပိုက်ဆံတွေနဲ့ လုပ်ပေးတာ။ လုပ်စား မီဒီယာတွေ တော်တော်ကြီးကို ဆိုးတယ်" ဟု ၄င်းက ပြောဆိုသည်။

နိုင်ငံရေးလုပ်စား၊ မီဒီယာလုပ်စားများ၏ မြှောက်ပင့်ပေးမှုများကို ထိထိ ရောက်ရောက် ပြင်းပြင်းထန်ထန် အရေးယူပေးရန် လိုလားလျက် ရှိကြောင်း သိရှိရသည်။