/*FB*/
/*FB*/
ကြွရောက်လာသူအပေါင်း ကိုယ်စိတ်နှစ်ဖြာ ကျမ်းမာချမ်းသာကြပါစေ

Friday, January 2, 2015

.

ဒီမိုကရေစီဟူသည် အဘယ်နည်း

ကျွန်တော်တို့နိုင်ငံသည် ဒီမိုကရေစီဟူသောစကားကို ကမ္ဘာပေါ်တွင် အများဆုံးပြောသော နိုင်ငံဖြစ်မည် ထင်ပါသည်။ ဒီမိုကရေစီဟူသည် အဘယ်နည်း။ ကျွန်တော်တို့နိုင်ငံရှိပြည်သူအားလုံးက မိမိတို့လိုရာ အဓိပ္ပာယ်ဖွင့်ဆိုမည်ထင်သည်။ အရက်သမားကလမ်းတကာ လျှောက်ဆဲလို့ရသည်ဟု အဓိပ္ပာယ်ဖွင့်လိမ့် မည်။ ဆိုက်ကားသမားက ကားများနှင့်တန်းတူ မြို့ထဲတွင်ခရီးသည်တင်ဆောင်ကာ စီးနင်းခွင့်ရှိမည်ဟု ထင်လိမ့်မည် ။ ဒီမိုကရေစီကို မိမိတို့သက်ဆိုင်ရာနယ်ပယ်အလိုက် အဓိပ်္ပာယ် ဖော်ဆောင်မည်ဟု ကျွန်တော်ထင်မိပါသည်။

ကျွန်တော်ဖတ်ရှုလေ့လာခဲ့ရသည့် ဒီမိုကရေစီဆိုသည် မှာ ထိုသို့မဟုတ်ချေ။ ဒီမိုကရေစီသည် ဂရိနိုင်ငံမှ စတင်မွေးဖွားလာခြင်းဖြစ်ပြီး DemoKratia ဟုခေါ်ဆိုပြီးDemoသည် (people) ပြည်သူkratos သည် (Rule of Power) စည်းမျဉ်းဥပဒေ (သို့မဟုတ်)အုပ်ချုပ်ရေးအာဏာဟု အဓိပ်္ပာယ်သတ်မှတ်နိုင်ပြီး ပြည်သူ ကအုပ်ချုပ်ခြင်း၊ ပြည်သူ့ အုပ်ချုပ်ရေး၊ ပြည်သူ့အစိုးရဟုခေါ်ဆိုနိုင်သည်။ သို့သော် နိုင်ငံတိုင်းနှင့် ယှဉ်လျှင် ဒီမိုကရေစီချင်းတော့ ထပ်တူကျမည်မဟုတ်ပေ။ လူမျိုးချင်းမှမတူတာကိုး။ အခြေခံအားဖြင့် အများ ဆန်္ဒအရဖြစ်ရမှာပဲ။ ဒီမိုကရေစီကို ငြိမ်းချမ်းရေးလို့ဆိုချင်ပါတယ်။ အများဆန်္ဒအရအုပ်ချုပ်ရင် လွတ်လပ်မှုရှိ ပြီးတော့ မတည်မငြိမ်မှုတွေအတော်နည်းသွားပါမယ်။

ဒီမိုကရေစီစနစ်သည် ရလာမည့်အခွင့်အရေးကို အမိအရဆုပ်ကိုင်ပြီး အသုံးချရမှာဖြစ်သလို နိုင်ငံသား တစ်ဦးချင်းစီ တာဝန်ယူမှုအပိုင်းများကိုလည်း မသိကျိုးကျွန်ပြုနေမည်၊ တာဝန်ယူမှုမရှိဘူးဆိုလျှင်တော့ ဒီမိုကရေစီဟုခေါ်တွင်မည်မဟုတ်ဟု ကျွန်တော်ထင်မိပါသည်။ ယနေ့ကျွန်တော်တို့နိုင်ငံရှိ လူအတော် များများသည် ဒီမိုကရေစီဟူသော ခေါင်းစဉ်တပ်ပြီး လုပ်ချင်ရာလုပ်ကာ ဒီမိုကရေစီ၏ အနစ်သာရကို မသိဘဲလိုရာဆွဲကာပြောနေကြ သည်ကို မကြာခဏကြားနေရပါသည်။ ဒီမိုကရေစီ ကို စော်ကားနေခြင်း ဟုပင်ထင်မိသည်။ ဘိုးအေ ဒီမိုကရေစီနိုင်ငံများနှင့်ယှဉ်နေမည့်အစား ခေတ်မီဖွံ့ဖြိုးတိုးတက်သော ဒီမိုကရေစီနိုင်ငံသစ်ဆီလက်တွဲညီညီနဲ့လျှောက်လှမ်းကြလျှင် ကျွန်တော် တို့နိုင်ငံသည် မကြာမီအချိန် အတွင်း အခြားနိုင်ငံများ နှင့်တန်းတူရင်ဘောင်တန်းနိုင်မည်မှာ မုချပင်ဖြစ်ပါသည်။

ဒီမို

No comments:

Post a Comment

မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။