ချင်းပြည်နယ်တောင်ပိုင်းရှိ ပလက်ဝမြို့တွင် စက် တင်ဘာလ ဒုတိယပတ်အတွင်း ငါးထောင်ကျပ်တန် အတုတွေ့ရှိမှုနှင့် ပတ်သက်ပြီး ပါဝင်သည်ဟု ယူဆ ရသူ ငါးဦးကို ပလက်ဝမြို့နယ် ရဲတပ်ဖွဲ့စခန်းတွင် ဖမ်းဆီး ထိန်းသိမ်းထားကြောင်း အဆိုပါ ရဲတပ်ဖွဲ့ စခန်းနှင့် ဒေသခံများထံမှ သိရသည်။
“လောလောဆယ် ဖမ်းထားတယ်။ တရားရုံး မတင်ရ သေးဘူး။ တရားရုံးတင်ပြီးမှ တရားခံ ဘယ်နှဦး ဆိုတာ ပြောလို့ရမယ်။ အခုဟာက သံသယရှိလို့ ဖမ်းဆီးထားတာ” ဟု ပလက်ဝမြို့နယ် ရဲတပ်ဖွဲ့စခန်း ဒုတိယရဲမှူး စိုးသိန်းက ပြောကြားသည်။
ပြီးခဲ့သည့် စက်တင်ဘာလ ၃ ရက်နေ့က ပလက်ဝမြို့ မြို့မရပ်ကွက်ရှိ ဒေါ်ဆုံးဘဲ (၃၇) နှစ်၏ နေအိမ်သို့ သတင်းအရ သွားရောက် ရှာဖွေစစ်ဆေးခဲ့ရာ နေအိမ်အောက် ထင်းပုံကြားတွင် ပလတ်စတစ် အဖြူ ရောင်ဖြင့် ထုပ်ပိုးထားသော ငွေစက္ကူ ငါးထောင်ကျပ်တန်အတု ၁၀ ရွက်ကို တွေ့ရှိ ခဲ့ကြောင်း၊ ယင်းအပြင် သတင်းပေး တိုင်ကြားသည်ဟု ယူဆရသော အဆိုပါ ရပ်ကွက်နေ ဦးဇာနီထွန်း (၄၅) နှစ်ကိုလည်း စက်တင် ဘာလ ၁၃ ရက်နေ့တွင် ဖမ်းဆီးခဲ့ကြောင်း အဆိုပါ ရဲတပ်ဖွဲ့စခန်းထံမှ သိရသည်။
“ဦးဇာနီထွန်းက ဒေါ်ဆုံးဘဲရဲ့ ညီမကို ယူထားတာ။ သူတို့နှစ်ယောက်ကြားမှာ တစ်ခုခုပြဿနာဖြစ်လို့ ဖြစ် မယ်။ ပလက်ဝဘက်မှာတော့ မနှစ်ကတုန်းကတော့ အခုလိုပဲ ငါးထောင်တန် အတုတွေ ဖမ်းမိခဲ့ဖူး တယ်” ဟု ပလက်ဝ ဒေသခံတစ်ဦးက ပြောကြားသည်။
အလားတူ အဆိုပါ ငွေစက္ကူ အတုနှင့် ပတ်သက်ပြီး ပလက်ဝမြို့ မြို့မရပ်ကွက်နေ ဦးဇော်လင်း၊ မွန်ထောင့် ရပ်ကွက်နေ ဦးသန်းရွှေနှင့် ရှင်မဒိန် ကျေးရွာနေ ဦးမင်းအောင်တို့ကို ဆက်လက်ဖမ်းဆီး အရေးယူထား ကြောင်း ယင်းမြို့နယ် ဒေသခံများထံမှ သိရသည်။
အဆိုပါ ဖြစ်ရပ်နှင့် ပတ်သက်၍ (ပ) နံပါတ်နှင့် ပြစ်မှုဆိုင်ရာ ဥပဒေပုဒ်မစသော အချက်အလက်များကို မထုတ်ပြန်နိုင်သေးကြောင်း၊ ဖမ်းဆီးထားသူများထံမှ အသေးစိတ် ထွက်ချက် ရယူနေကြောင်း ဒုရဲမှူး စိုးသိန်းက ဆက်လက်ပြောကြားသည်။
From : ..the voice
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။