နှောင့်နှေးကြန့်ကြာနေတဲ့ မြန်မာနဲ့ထိုင်း နှစ်နိုင်ငံ နယ်စပ်မျဉ်း တိုင်းတာရေးဆွဲရေးလုပ်ငန်းကို ပြီးပြတ် အောင် နှစ်နိုင်ငံ ပူးတွဲဆောင်ရွက်သွားမယ်လို့ မြန်မာ တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်က ပြောကြားကြောင်း ဘန်ကောက် ပို့စ် သတင်းစာက ဖော်ပြပါတယ်။
ထိုင်းဝန်ကြီးချုပ် ယင်လပ်ရဲ့ နှစ်နိုင်ငံ နယ်စပ် တိုင်းတာရေးဆွဲရေး အစီအစဉ်ကို ဗိုလ်ချုပ်မှူးကြီး မင်းအောင်လှိုင်က သဘောတူ ထောက်ခံခဲ့တယ်လို့ ထိုင်းအစိုးရ ပြောခွင့်ရပုဂ္ဂိုလ် က ပြောပါတယ်။
ဒါ့ပြင် ထိုင်း မြန်မာ နယ်စပ် ကုန်သွယ်ရေးဂိတ်တွေ တိုးချဲ့ဖွင့်လှစ်ရေး၊ နယ်စပ်ကျော် မူးယစ်ဆေး မှောင်ခို လုပ်ငန်း ချေမှုန်းရေးတွေ ပူးတွဲဆောင်ရွက်ဖို့လည်းသဘောတူညီခဲ့ကြတယ်လို့ ဆိုပါတယ်။
ထားဝယ် ရေနက်ဆိပ်ကမ်း အထူးစီးပွားရေးဇုန်တည်ဆောက်ရေး စီမံကိန်းကို ပြည်ပ ရင်းနှီးမြှုပ်နှံသူတွေ စိတ်ဝင်စား လာအောင် နှစ်နိုင်ငံ ပူးပေါင်းပြီး အရှိန်မြှင့်ဆောင်ရွက်ဖို့လိုအပ်ကြောင်း ထိုင်းဝန်ကြီးချုပ် ယင်လပ်က အလေးပေးပြောကြားခဲ့တယ်လို့ ထိုင်းအစိုးရ ပြောခွင့်ရပုဂ္ဂိုလ်က ပြောပါတယ်။
ထားဝယ် စီမံကိန်းဟာ ထိုင်းနိုင်ငံအတွက် အရှေ့အလယ်ပိုင်းနဲ့ ဥရောပကို ကုန်စည်တွေ တင်ပို့ဖို့ အတွက် အဓိက ဂိတ်တံခါးအဖြစ် ထိုင်းအစိုးရက ရှုမြင်ပါတယ်။
ပြီးခဲ့တဲ့ ဇူလိုင်လ (၆)ရက်နေ့က ထိုင်းဝန်ကြီးချုပ်ဟောင်း သက်ဆင် နဲ့ ထိုင်း ဒုကာကွယ် ရေး ၀န်ကြီး တို့ နှစ်ဦး ပြောဆိုခဲ့ကြတဲ့အသံ ဆိုပြီး ထွက်ပေါ်လာခဲ့တဲ့  အသံဖိုင်တစ်ခုမှာ - ထားဝယ်ရေနက် ဆိပ်ကမ်း စီမံကိန်း အောင်မြင်ရေးအတွက် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်ဟာ အခရာကျ တယ် လို့ ပြောဆိုထားပါတယ်။
မြန်မာ တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် ရဲ့ မနေ့က ထိုင်းခရီးစဉ်ဟာ အဲဒီအသံဖိုင် ထွက်ပေါ်လာခဲ့ပြီးတဲ့နောက် ပထမဆုံး ထိုင်းခရီးစဉ်ဖြစ်ပါတယ်။
RFA
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။