ကြားဖြတ်ရွေးကောက်ပွဲအပြီး ၂၀၁၂ ခုနှစ်၊ မေလ ၂ ရက်နေ့ NLD ရုံးချုပ်ရှေ့တွင် ဒေါ်အောင်ဆန်းစုကြည် ပြည်သူလူထုကို စကားပြောကြားနေစဉ် ရိုက်ကူးခဲ့တဲ့ မင်းဇေယျာရဲ့ ဓာတ်ပုံ လက်ရာ။
လူငယ်ဓာတ်ပုံ ပညာရှင်သုံးဦးက ဒေါ်အောင်ဆန်းစုကြည် မြန်မာနိုင်ငံအနှံ့ အပြားကို မဲဆွယ်စည်းရုံးရေးခရီးထွက်စဉ်က လိုက်ပါပြီးရိုက်ကူးခဲ့တဲ့ ဓာတ်ပုံများကို 'ဒေါ်အောင်ဆန်းစုကြည်နှင့် ဒီမိုကရေစီလမ်းမများ'ဆိုတဲ့အမည်နဲ့ ပြင်သစ်ယဉ်ကျေးမှုစင်တာမှာ မေလ ၁၇ ရက်နေ့ကနေ ၂၅ ရက်နေ့အထိ အများ ပြည်သူများ ကြည့်ရှုနိုင်အောင် ခင်းကျင်း ပြသသွားမှာ ဖြစ်ပါတယ်။ ပြပွဲမှာ ပါဝင်ပြသမယ့်ဓာတ်ပုံပညာရှင်တွေက ပြေကျော်မြင့်၊ မင်းဇေယျာနဲ့ အောင်ပြည့်တို့ ဖြစ်ကြပြီး သူတို့တွေဟာ ရန်ကုန် ဓာတ်ပုံပွဲတော်မှ ပြိုင်ပွဲဝင်များ ဖြစ်ကြပါတယ်။ လူငယ်ဓာတ်ပုံပညာရှင်တစ်ဦးဖြစ်တဲ့ ကိုပြေကျော်မြင့်က ပြပွဲမှာပြ သမယ့်ဓာတ်ပုံတွေဟာ ဂျာနယ်တော်တော်များများမှာ မဖော်ပြခဲ့ဖူးတဲ့ ဒေါ်အောင်ဆန်းစုကြည်ရဲ့ မြန်မာပြည်ခရီးစဉ်တစ်လျှောက်က ဓာတ်ပုံတွေကို မြင်တွေ့နိုင်မှာဖြစ်တယ်လို့ မြန်မာတိုင်း(မ်)ကို ပြော ပါတယ်။
"သတင်းသမားကတော့ ဒေါ်စု ခရီးစဉ်တွေကို သတင်းအနေနဲ့ ပေါ်အောင် အကောင်းဆုံးဖြစ်မယ့်နေရာကို ရွေးရိုက်တာ။ ကျွန်တော် တို့ကျတော့ နည်းနည်းပိုပင်ပန်းတာက နေရာစုံကို လိုက်ရိုက်တာ။ ဥပမာ - ကျွန်တော်တို့ အနေနဲ့ ဒေါ်စုစင်ပေါ်မှာ မိန့်ခွန်းပြော နေတာထက်စာရင် အောက်မှာ ဘယ်သူတွေနဲ့ တွေ့ပြီး ဘာလုပ်လဲဆိုတာ လိုက်ရှာပြီး ရိုက်တာပေါ့" လို့ ပြောပါတယ်။ ကိုမင်းဇေယျာကလည်း "ဒေါ်စုဒီလို ထွက်တယ်ဆိုတာ ကြုံရခဲတယ်။ သူလည်း အခု ၆၇ နှစ်ဆိုတော့ နောက် တစ်ကြိမ် ဒီလိုမျိုး ဘယ်တော့ထွက်နိုင်မယ်ဆိုတာ မသေချာဘူး။ သူနဲ့ပြည်သူတွေနဲ့ ဒီလိုမျိုးတွေ့တဲ့ အခိုက်အတန့်ကို ဓာတ်ပုံဆရာတစ်ယောက်အနေနဲ့ ရိုက် ထားဖူးချင်တယ်။ အဲဒီကနေစပြီး ရိုက်ဖြစ်တာ"လို့ ဒေါ်အောင်ဆန်းစုကြည်ရဲ့ ဓာတ်ပုံများ ရိုက်ကူးဖြစ်ပုံကို ပြောပြပါတယ်။ ပြပွဲမှာ ပြသသွားမယ့် ဓာတ်ပုံတွေ အားလုံးကို ၂၀၁၂ ခုနှစ်၊ ဖေဖော်ဝါရီလ ၁၁ ရက်နေ့က စတင်ခါ လိုက်ပါရိုက်ကူးခဲ့တာဖြစ်ပြီး ကော့မှူး၊ လှည်းကူး၊ ဖျာပုံ၊ ခရမ်း၊ သုံးခွ၊ မြစ်ကြီးနား၊ အောင်ပန်း၊ ကလော၊ မန္တလေး၊ စစ်ကိုင်း၊ နေပြည် တော်၊ မိတ္ထီလာ၊ မော်လမြိုင်၊ လားရှိုး၊ မြိတ် စတဲ့မြို့တွေကို သွားရောက်ခဲ့တဲ့ ဒေါ်အောင်ဆန်းစုကြည်ရဲ့ပုံရိပ်တွေ အားလုံးပါဝင်တယ်လို့ ဓာတ်ပုံဆရာတွေက ဆိုကြပါတယ်။
"ခရီးတစ်ခုနဲ့တစ်ခုမှာ အန်တီစုရဲ့ ကျန်းမာရေးအခြေအနေ ကွာခြားတာ တွေ့ရတယ်။ မန္တလေးမှာဆိုရင် ပထမ ရောက်ရောက်ချင်း တုန်းက နေမကောင်းဘူး။ နောက်နေ့စစ်ကိုင်းရောက်တော့ ကောင်းသွားတယ်။ လားရှိုးမှာတော့ နေကောင်းတယ်။ ဒါပေမယ့် ပရိသတ် နည်းသလို ခံစားရတယ်။ ဓာတ်ပုံတွေထဲမှာဆိုရင် တောက်လျှောက်မှာ အရမ်း သိသာတယ်"လို့ ကိုမင်းဇေယျာက ပြောပါ တယ်။
ပြင်သစ်ယဉ်ကျေးမှုစင်တာမှာ အနုပညာပိုင်းဆိုင်ရာ အကြံပေးနဲ့ ဓာတ်ပုံပြပွဲ စီစဉ်သူ Christophe Loviny က ဓာတ်ပုံ ဆရာ သုံးဦးရဲ့ဓာတ်ပုံများကို နိုင်ငံတကာ မဂ္ဂဇင်းများ၊ သတင်းစာများ အထူးသဖြင့် ပြင်သစ်နိုင်ငံမှ သတင်းစာများဖြစ်တဲ့ Le Monde ၊ Paris - Match၊ နဲ့ Point de vue တွေမှာလည်း ဖော်ပြခဲ့ကြတယ်လို့ ပြောပါတယ်။
"ဒီဓာတ်ပုံတွေက နိုင်ငံရေးတစ်ခုတည်း မဟုတ်ပါဘူး။ သမိုင်းဝင်ဓာတ်ပုံတွေပါ။ ဘာလို့လဲဆိုတော့ ဒါကနေ့စဉ် နိုင်ငံရေးလောကထဲမှာ ဖြစ်တာတွေ မဟုတ်ဘူး။ ဒါကြောင့်လည်း ဒီပွဲကို ကျင်းပတာပါ။ ဒီပွဲမှာပြမယ့် အကြောင်းအရာတွေကလည်း ဒေါ်အောင်ဆန်းစုကြည် နဲ့ ပြည်သူလူထုကြားမှာ အပြန် အလှန်ထားရှိတဲ့ မေတ္တာကို ပြချင်တာပါ" လို့ဆိုပါတယ်။
ဓာတ်ပုံတွေကိုလည်း တစ်ပုံလျှင် အမေရိကန်ဒေါ်လာ ၃၀၀ နဲ့ရောင်းချ ပေးသွားမှာဖြစ်ပြီး ရိုက်ကူးသူဓာတ်ပုံ ပညာရှင်များကိုယ်တိုင် လက်မှတ်ရေး ထိုးပေးမှာဖြစ်ပါတယ်။
ရောင်းချလို့ ရလာတဲ့ အမြတ်ငွေတချို့ကိုလည်း မင်္ဂလာတောင်ညွန့်မြို့နယ် လွှတ်တော် ကိုယ်စားလှယ် မဖြူဖြူသင်းရဲ့ အိပ်ခ်ျ အိုင်ဗီစင်တာနဲ့ ဒေါ်ခင်ကြည်ဖောင်ဒေး ရှင်းတို့မှာ သွားရောက်လှူဒါန်းမှာဖြစ်တယ်လို့ သိရပါတယ်။ ဓာတ်ပုံပြပွဲဖွင့်ပွဲအခမ်းအနားကို ဒေါ်အောင်ဆန်းစုကြည် တက်ရောက်မယ်လို့သိရပြီး ဓာတ်ပုံဆရာသုံးဦးရဲ့ ဓာတ်ပုံတွေကို လာမယ့် ဇူလိုင်လ ပထမပတ်မှာ ပြင်သစ်နိုင်ငံ၊ အားလ်စ်မြို့မှာကျင်းပမယ့် ကမ္ဘာ့အကြီးဆုံးဓာတ်ပုံပွဲတော်မှာ သွားရောက်ပြသကြမယ်လို့ Mr Loviny က ပြောပါတယ်။
မြန်မာ့တိုင်းမ်
မူရင်းသတင်းက ဒီမှာပါ။
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။