နိုင်ငံသားစိစစ်ရေး ကတ်ပြား မရှိသူတွေကို ပါတီဝင်အဖြစ်မှ ထုတ်ပယ်ဖို့ နိုင်ငံရေးပါတီတွေကို ညွှန်ကြား ထားပေမယ့် အခက်အခဲ ရှိတယ်လို့ ပါတီတွေက တင်ပြလာမယ် ဆိုရင် ရက်ထပ်မံ တိုးမြှင့်ပေးမယ်လို့ ပြည်ထောင်စုရွေးကောက်ပွဲ ကော်မရှင် ညွှန်ကြားရေးမှူး ဦးသောင်းလှိုင်က ပြောပါတယ်။နိုင်ငံရေး ပါတီတွေ မှာ နိုင်ငံသားစိစစ်ရေးကတ်ပြား ဒါမှမဟုတ် နိုင်ငံသားပြုခွင့်ရ လတ်မှတ်တွေ မကိုင်ဆောင်နိုင် တဲ့သူတွေကို ၂၀၁၅ ခုနှစ် ဇန်နဝါရီလ ၁၉ ရက်နေ့ နောက်ဆုံးထားပြီး သက်ဆိုင်ရာပါတီကနေ ထုတ်ပယ်ဖို့ ညွှန်ကြား ထားတာပါ။
“ကျွန်တော်တို့ လက်ရှိမှာ တစ်နိုင်ငံလုံး စည်းရုံးရေးဆင်းမယ်လို့ ပြောတဲ့ ပါတီတွေနဲ့ တိုင်းဒေသကြီး ပြည်နယ်တွေကို ပိုင်းခြားပြီး စည်းရုံးရေးဆင်းမယ် ဆိုတဲ့ ပါတီတွေရှိတယ်။ သူတို့တွေက လက်ရှိပါတီ ဝင်တွေ လျှော့လိုက်ရင် ထပ်ဖြည့်ရမယ့် အခြေအနေနဲ့ အခက်အခဲတွေ တင်ပြလာတာတွေ ရှိပါတယ်။ အဲ့ဒီတော့ ကန့်သတ်ရက်ကို ထပ်မံတိုးမြှင့် ပေးထားပါတယ်” လို့ ဦးသောင်းလှိုင်က ဆိုပါတယ်။အဲ့ဒီလို နိုင်ငံသား မဟုတ်သူတွေကို ပါတီဝင်အဖြစ် ထည့်သွင်းစည်းရုံးတာကို ကန့်သတ်လိုက်တာဟာ နိုင်ငံတော်ရဲ့ အမျိုးသားရေးကို ထိန်းသိမ်းစောင့်ရှောက်ခြင်း ဖြစ်တာကြောင့် ကြိုဆိုပေမယ့် စစ်ဆေးမှုမရှိဘူးဆိုရင် လိုက်နာ မှု အားနည်းနိုင်တယ်လို့ ရခိုင်အမျိုးသားပါတီ ANP ရဲ့ ဗဟိုကော်မတီဝင် ဦးအေးသာအောင်က ဆိုပါတယ်။
The Voice Weekly
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။