သရော်စာ ရှင်းတမ်း (သို့) မှူးဇော်မှ မင်းဒင်သို့

စစ်ကိုင်းတိုင်း မုံရွာခရိုင် လက်ပံတောင်းဒေသမှာ ပစ်ခတ်မှုဖြစ်ပြီး လယ်သူမကြီး ဒေါ်ခင်ဝင်း အသက် ဆုံးရှုံး ခဲ့ရပြီး အွန်လိုင်းပေါ်မှာ လူအများ ကြား အထူး စိတ်ဝင်စားစရာဖြစ်ခဲ့တဲ့ စာရေးဆရာ မင်းဒင်ရဲ့ သမ္မတရုံးရဲ့ သတင်းထုတ်ပြန်ချက် ဆိုတဲ့ အမည်နာမနဲ့ သရော်စာနဲ့ ဆက်စပ်ပြီး သမ္မတရုံး ညွှန်ကြားရေးမှူး ဦးဇော်ဋ္ဌေး ခေါ် မှူးဇော်ရဲ့ ပြန်လည် တုံ့ပြန်လာတဲ့ သရော်စာရှင်းတမ်းဖြစ်ပါတယ်။

ဆရာ မင်းဒင်ရဲ့ သရော်စာနဲ့ အတူ အွန်လိုင်းပေါ် ထွက်ပေါ်လာတဲ့ လက်ပံတောင်းအရေး NLD ကြေညာ ချက် အတု တို့ကို သမ္မတရုံးညွှန်မှူး ဦးဇော်ဋ္ဌေးက သူ့ရဲ့ မှူးဇော်ဆိုတဲ့ ဖေ့စ်ဘုတ်မှာ ပူးတွဲဖော်ပြခဲ့လို့ ဆရာမင်းဒင်က ဝေဖန်ရေးသားခဲ့ပါတယ်။ 

အဲဒီလို ဆရာ မင်းဒင်ရဲ့ ဝေဖန်ရေးသားချက် ပေါ်ထွက်လာပြီး ဒီကနေ့မှာတော့ မှူးဇော်ရဲ့ သရော်စာ ရှင်းတမ်းဆိုတာ ထွက်ပေါ်လာတာပါ။ 

အပြည့်အစုံကို မှူးဇော် ရဲ့ ဖေ့စ်ဘုတ်က ပြန်လည် ကူးယူဖော်ပြပေးလိုက်ပါတယ်။ 

သရော်စာ ရှင်းတမ်း 

ပထမဦးစွာ ဆြာမင်းဒင် ကို ၄င်းရေးသားသောစာများမှတစ်ဆင့် လေးစားသမှုရှိကြောင်း၊ ၄င်းအား လူချင်း မတွေ့ဘူးသော်လည်း မည်သို့မျှ သဘောမရှိပါကြောင်း ပြောလိုပါတယ်။ 

ပဋိပက္ခ ပုံရိပ်တွေ မြင်တွေ့ ကြားသိလိုက်ရတဲ့အချိန်မှာ ဖြစ်ပေါ်လာတဲ့ စိတ်ခံစားချက်ကို နားလည် စာနာ ပါကြောင်း ပဏာမအနေနဲ့ ပြောလိုပါတယ်။ ယခုလို ရှင်းလင်းခြင်း မပြုလိုသေ်ာလည်း “သရော်စာကို သရော်စာမှန်းမသိ” ဟူသော ရေးသားချက်၊ ပြောကြားချက်တွေကြောင့်လည်းကောင်း၊ တချို့ ရည်ရွယ်ချက် ရှိရှိ လိုရာဆွဲနေသူ အချို့ကြောင့်လည်းကောင်း ယခုလို ရှင်းရခြင်း ဖြစ်ပါတယ်။ 

Satire ဆိုတဲ့စကားက လက်တင်စကား Satur ကနေ ဆင်းသက်လာတာ ဖြစ်ပါတယ်။ (၁၇) ရာစု ကတည်း က တွင်တွင်ကျယ်ကျယ် ဖြစ်လာခဲ့တာ ဖြစ်ပါတယ်။ 

ဒီကနေ့ ခေတ်မှာ တော့ သရော်ခြင်းကို စာပေ၊ ကာတွန်း၊ ဂီတ၊ ပြဇာတ်၊ ရုပ်ရှင် အစရှိတဲ့ အနုပညာဖန်တီး မှု အမျိုးမျိုးမှာ တွေ့မြင်နိုင်ပါတယ်။

ြ

ပည်ပနိုင်ငံအချို့မှာဆိုရင် လူအများကြားမှာ သရော်တဲ့ လုပ်ဆောင်ချက်တွေ လုပ်နေတာကိုလည်း တွေ့ရှိ ရ ပါ တယ်။ 

သရော်ခြင်းရဲ့ အဓိကအချက်က သက်ဆိုင်ရာလူ့အဖွဲ့အစည်းက နားလည်ရလွယ်ကူစေခြင်းပဲ ဖြစ်ပါတယ်။ 

မြန်မာနိုင်ငံမှာ ပေါ်ထွက်ခဲ့တဲ့ သရော်စာတွေကို အဓိကအားဖြင့် ဦးဘဂျမ်းရဲ့ ကာတွန်းတွေမှာ အများစု တွေ့ ရှိခဲ့ရပါတယ်။ 

သရော်စာရေးသားကြရာမှာ အများစုက စံနမူနာပြု ရည်ညွှန်းလေ့ရှိကြတာကတော့ ဆရာကြီး သော်တာဆွေ ဖြစ်ပါတယ်။ 

ကျွန်တော်တို့ ငယ်စဉ်ကတည်းက ဒီဆရာကြီးတွေရဲ့ လက်ရာတွေကို ဖတ်ရှုသိမ်းဆည်းခဲ့ကြတာလည်း ဖြစ် ပါ တယ်။ 

သရော်စာရဲ့ အဓိပ္ပါယ်ဖွင့်ဆိုချက်၊ စရိုက်လက္ခဏာ အမျိုးမျိုး ရှိနေကြပါတယ်။ 

သရော်စာ ရေးရတာလည်း ခက်ခဲပါတယ်။ မြန်မာစာ၊ မြန်မာစကား နှံ့စပ်ဖို့သာမက သက်ဆိုင်ရာ ဘာသာရပ်ဆိုင်ရာ တွေကိုလည်း နားလည်သိမြင်ရမှာ ဖြစ်တဲ့အပြင် ဖန်တီးတီထွင်နိုင်တဲ့ စိတ်ကူးစိတ်သမ်း ကောင်းလည်း ရှိဖို့ လိုပါတယ်။ သာသာနဲ့ နာနာနှက်နိုင်ဖို့ ဇ၀နဥာဏ် ရင့်သန်ဖို့ လိုပါတယ်။ 

“သရော်စာ မရေးတတ်ရင် ဆဲသလိုဖြစ်တတ်တယ်” ဆိုတဲ့ စကားလည်း ရှိပါတယ်။ သရော်ခြင်း ခံလိုက်ရတဲ့ သူတွေမှာ ရယ်ရမလိုလို၊ စိတ်ပဲဆိုးရတော့မလိုလို စိတ်ဆိုးရခက် နာလိုခံခက် ခံစားချက်ကို ဖြစ်ပေါ်စေပါ တယ်။ 

သရော်လိုက်တဲ့ကိစ္စ မှန်နေတော့လည်း အောင့်သက်သက်နဲ့ ဖြစ်စေတယ် လို့ ဆိုကြပါတယ်။ ဒီသရော်မှုကို ကြုံတွေ့ရပြီးတဲ့နောက် လူအများက တပြုံးပြုံးဖြစ်နေချိန်မှာ သက်ဆိုင်သူတွေက အိုးမလုံအုံပွင့် ရှက်ရွံ့စိတ် တွေ ခံစားစေတယ် လို့လည်း ဆိုပါတယ်။ 

သရော်စာနဲ့ ဟာသ မတူပါ။ သရော်စာဟာ ဟာသပြက်လုံးလိုပါပဲ။ လူအများကို ရယ်မောစေပါတယ်။ 

တစ်ဆက်တည်းမှာပဲ အဲဒီ ရယ်မောစရာတွေရဲ့နောက်မှာ စဉ်းစားဆင်ခြင်းစရာတွေ တစ်ပုံတစ်ပင် ဖြစ်ပေါ် လာစေပါတယ်။ ဒါဟာ သရော်တာနဲ့ ဟာသပြက်လုံးတွေရဲ့ အဓိက ခြားနားချက်ပဲ ဖြစ်ပါတယ်။ 

သရော်စာနဲ့ ကောလဟာလ ဖြန့်ချိမှု မတူပါ။ သရော်စာဟာ ဖန်တီးပြောကြားနေတာကို သိသာထင်ရှား စေ ပါ တယ်။ ကောလဟာလကတော့ ယုံထင်ကြောင်ထင် ဖြစ်စေအောင် တွန်းပို့ပေးတာဖြစ်ပါတယ်။ 

သရော်စာရဲ့ အဓိကဦးတည်ချက်က မှားနေတာတွေ တည့်မတ်လာအောင်၊ လိုနေတာတွေ သတိပြုမိ အောင်၊ လုပ်မှားကိုင်မှားတွေကို ရှက်ရွံ့သွားအောင် ဖြစ်ပေမယ့် ကောလဟာလကတော့ အထင်အမြင် တွေ လွဲ မှားလာအောင်၊ အမှန်တကယ် မဖြစ်ခဲ့တာတွေ ဖြစ်ခဲ့တယ် ထင်မြင်ယူဆလာအောင် သတင်း မှား ဖြန့်ချိခြင်း ဖြစ်ပါတယ်။ 

ဆြာမင်းဒင် စတင်တဲ့ ရည်ရွယ်ချက် သူ့ဘာသာသူ သိပါလိမ့်မယ်။ 

ပဋိပက္ခ စတင်ဖြစ်ပွားပြီး ခံစာချက် တွေ တောက်လောင်နေချိန်မှာ အချိန်အခါအကိုက် ရေးလိုက်တဲ့ Status ဖြစ်နေပါတယ်။ 

ဒီစာကို Like ပေါင်း (၄၇၀) ထပ်ဆင့်ဝေမျှShare သူပေါင်း (၃၁၉)ဦး ရှိပါတယ်။ ဆင့်ပွား ဖြန့်ချိမှုတွေကို ထည့်တွက်ရင် ဒီထက်ပိုပြီး များနိုင်ပါတယ်။ (ဥပမာအားဖြင့် မိုးသီးဇွန်က ဒီ Status ကို ဟန်ဝင်းအောင်ရဲ့ Wall မှာ သွားတင်ခဲ့ပါတယ်။ ဒါ့အပြင် ဆြာဒင်ရဲ့ Status ကို Screen Shot ရိုက်ပြီး ဖြန့်ချိမှုတွေ ရှိခဲ့ပါ တယ်) 

ဒီလိုထပ်ဆင့် ပွားလိုက်တဲ့ အချိန်မှာတော့ ကျွန်တော်တို့ ရည်ညွှန်းခဲ့တဲ့ တတိယအုပ်စုတွေ ပါလာပါပြီ။ ဒီပြန့်နှံ့မှုကို လိုက်ပြီးကြည့်ရင် ထင်ထင်ရှားရှား တွေ့မြင်နိုင်ကြပါလိမ့်မယ်။ 

ပဋိပက္ခ ဖြစ်အပြီး အွန်လိုင်းမှာ ပြန့်နှံ့လာနေတဲ့ ပဋိပက္ခမှတ်တမ်း ဓါတ်ပုံတွေကြောင့် ပြည်သူအားလုံးက စိတ်ဝင်တစား ဖြစ်နေချိန်မှာ သမ္မတရုံး ကြေညာချက် ဆိုပြီး ထွက်ပေါ်လာခဲ့တာပဲ ဖြစ်ပါတယ်။ 

ေ

နာက်တစ်ခါ ကောလဟာလလို့ ယူဆကြသလား၊ သရော်စာလို့ ယူဆကြသလား ဆိုတာကို ဆြာ မင်းဒင်ရဲ့ “သရော်စာ”ပါ ဆိုပြီး ပြောနေတဲ့ Status အောက်က Comment ပေါင်း (၈၄)ခုကို ဖတ်ကြည့်စေ ချင်ပါတယ်။ 

သမ္မတရုံးထုတ်ပြန်ချက်ပဲ ဆိုပြီး အခိုင်အမာ ယူဆထားကြတဲ့ ပရိတ်သတ်က ရာခိုင်နှုန်းအများစု ဖြစ်နေ ပါတယ်။ အခြား ပြန့်နှံ့သွားတဲ့ နေရာတွေမှာလည်း အလားတူ တွေ့ရှိရပါတယ်။ တော်တော်များ များ ပြန့်နှံ့ပြီးတော့မှ ကာယကံရှင်က သရော်စာပါ ဆိုပြီး ရှင်းချက် ထုတ်ပါတယ်။ 

လူမှုကွန်ရက်၊ အထူးသဖြင့် မြန်မာနိုင်ငံက လူမှုကွန်ရက် အသုံးပြုသူတွေအကြား ပြန့်နှံ့မှုအနေအထားကို ကြည့်လိုက်ရင် ပဋိပက္ခကြောင့် အားလုံး စိတ်မကောင်းဖြစ်ရ၊ ဒေါသဖြစ်ရ ဖြစ်နေကြတဲ့အချိန်မှာ “သရော်စာ ဟုဆိုသည့် ထိုရေးသားချက်” က ထင်ယောင်ထင်မှား ဖြစ်စေခဲ့တယ် ဆိုတာတော့ ငြင်းလို့ မရပါဘူး။ 

မီဒီယာသမားတချို့ဆိုရင် ကျွန်တော်တို့ဆီကို ဖုန်းဆက်ပြီး သမ္မတရုံး ကြေညာချက်အကြောင်း မေးလာခဲ့ပါ တယ်။ တချို့လည်း တစ်ကယ် ထင်သွားတာတွေ ရှိခဲ့တာလည်း တွေ့ရှိနိုင်ပါတယ်။ 

ကာယကံရှင်က သဘောရိုး မည်သို့ပင် ရှိရှိ၊ ဒီကြေညာချက်ကို နိုင်ငံရေး အသုံးချသွားသူတွေ အများကြီး ရှိနေပါတယ်။ အသွင်ကူးပြောင်းစ ဒီမိုကရေစီနိုင်ငံမှာ အဆင်သင့် မဖြစ်သေးတဲ့ လူ့အဖွဲ့အစည်းပေါ်ကို လှုံ့ဆော်နေသူတွေ၊ သွေးထိုးနေသူတွေ ရှိပါတယ်။ 

ဒီလူတွေ ဒီကြေညာချက်ကို အသုံးချခဲ့ကြပါတယ်။ ဒါက အမှန်တရား ဖြစ်ပါတယ်။ 

တစ်ဆက်တည်းမှာပဲ NLD ကြေညာချက် အတု ထွက်လာပါတယ်။ NLD ပါတီက ဆရာကြီး မုံရွာအောင်ရှင် က “ဒါဟာ နိုင်ငံရေးလုပ်ကြံမှု” ဆိုပြီး မှတ်ချက် ပြုပါတယ်။ 

အဲဒီ ကြေညာချက်ကိုရော “သရော်စာ” ပါ လို့ အမည်ပေး ကင်ပွန်းတပ်နိုင်ပါသလား။ 

နောက် ဒုတိယ မေးချင်တဲ့မေးခွန်း က “သရော်စာ” ဟုတ်ပါရဲ့လား ဆိုတာပါပဲ။ 

This’s Satire ဆိုပြီး တံဆိပ်တပ်ပြီး ပြောတော့မှာ သြော် ဒါက သရော်စာပါလား ဆိုပြီး သိစေနိုင်တာ ကရော “သရော်စာ မှန်ပါရဲ့လား” 

ေ

နာက်ဆုံး တတိယအနေနဲ့ မေးချင်တာက ဒီကြေညာချက်ကို အသုံးချပြီး နိုင်ငံရေးအရ အချိန်ကိုက် ထိုးနှက်တိုက်ခိုက်ခဲ့တာတွေ၊ သတင်းမှား အဖြစ် ပြန့်နှံ့ခဲ့တာတွေ ရှိခဲ့တယ်ဆိုတာ သတိပြုမိပါရဲ့လား ဆိုတာပါပဲ။ 

ေ

ကျးဇူးတင်ပါတယ်။