မူးယစ်ဆေးဝါး ရောင်းသူများကို ရဲများ မျက်ကွယ်ပြုနေဟု ဒေါ်စုဦးဆောင်သည့်ကော်မတီ တွေ့ရှိ

ရဲများက မူးယစ်ဆေးဝါးသုံးစွဲသူများကိုသာ အဓိကထား ဖမ်းဆီးနေပြီး ရောင်းချသူများကိုမူ ဖမ်းဆီးခြင်းမ ရှိ ဘဲ မျက်ကွယ်ပြုထားသည်ကို လေ့လာတွေ့ရှိကြောင်း ဒေါ်အောင်ဆန်းစုကြည် ဥက္ကဋ္ဌအဖြစ် ဆောင်ရွက် နေ သည့် ဥပဒေစိုးမိုးရေးကော်မတီက သြဂုတ် ၁၂ ရက်တွင် အောက်လွှတ်တော်တွင် အစီရင်ခံစာ တင်ပြ ခဲ့သည်။

ထိုသို့ ရဲများက မူးယစ်ဆေးရောင်းသူများကို မျက်ကွယ်ပြုနေမှုကြောင့် မူးယစ်ဆေးပြဿနာမှာ ကြီးထွား နေရသည် ဟုလည်း အစီရင်ခံစာတွင် ပါရှိသေးသည်။

ဥပဒေစိုးမိုးရေးနှင့် တည်ငြိမ်အေးချမ်းရေးကော်မတီသည် ပြီးခဲ့သည့်၂၀၁၂ခုနှစ် စက်တင်ဘာလမှ စတင်၍ မန္တလေး တိုင်း၊ ရန်ကုန်တိုင်း၊ နေပြည်တော်၊ ဧရာဝတီတိုင်းများသို့ ကွင်းဆင်းခဲ့ရာ မြို့နယ်နှင့် ခရိုင်တရား ရုံး များမှ တရားစီရင်မှု များအပါအ၀င် အမှုသည်များ၊ ရှေ့နေများနှင့်လည်း တွေ့ဆုံကာ လေ့လာမှုများ ပြု လုပ်ခဲ့သည်ဟု အစီရင်ခံစာတွင် ထည့်သွင်းဖော်ပြထားသည်။

ယင်းကော်မတီသည် စတင်ဖွဲ့စည်းပြီး သက်တမ်း တစ်နှစ်အကြာတွင် ယခုအစီရင်ခံစာကို ထုတ်ပြန်ခဲ့ခြင်း ဖြစ်ရာ ထိုတစ်နှစ်အတွင်း တရားစီရင်ရေး၊ အုပ်ချုပ်ရေးတို့နှင့် ပတ်သက်၍ ပြည်နယ်နှင့် တိုင်း အသီးသီးမှ မကျေနပ်၍ တိုင်ကြားစာပေါင်း တစ်သောင်းကျော် လက်ခံရရှိခဲ့သည်ဟု ဆိုသည်။

အဖွဲ့ဝင် ၁၅ ဦးပါဝင်သည့် ထိုကော်မတီက တင်သွင်းသည့် အစီရင်ခံစာအပေါ် အောက်လွှတ်တော် အမတ်များက ဆက်လက် ဆွေးနွေးလိုလျှင် ဆွေးနွေးကြရန်၊ ဆွေးနွေးလိုသည့် အမတ်များအနေဖြင့် သြ ဂုတ် ၁၂ ရက်တွင် အမည်စာရင်း ပေးသွင်းကြရန် လွှတ်တော်ဥက္ကဋ္ဌ ဦးရွှေမန်းက ညွှန်ကြားထားသည်။

ယခုနှစ်အတွင်း ရန်ကုန်တိုင်း၊ ပဲခူးတိုင်း၊ ကရင်ပြည်နယ်နှင့် မွန်ပြည်နယ်များတွင် ဘိန်းဖြူသုံး ကီလိုဂရမ် ကျော်၊ဆေးခြောက် ၁၇ ကီလိုဂရမ်ကျော်၊ စိတ်ကြွဆေးပြား ၈၄၀၀၀၊ ဘိန်းစာမှုန့် ၁၃၀၀ ကီလိုဂရမ်ခန့်၊ ဖမ်းဆီးရမိခဲ့ရာ ယင်းတို့ကို မီးရှို့ဖျက်ဆီးခဲ့ကြောင်း ဇွန်လအတွင်းက ပြုလုပ်သည့် မူးယစ်ဆေးတရားမ၀င် ရောင်းဝယ်ဖောက်ကားမှု တိုက်ဖျက်ရေးနေ့ အခမ်းနားတွင် အစိုးရက ထုတ်ပြန်ကြေညာခဲ့သည်။

ကမ္ဘာပေါ်တွင် အာဖဂန်နစ်စတန်နိုင်ငံသည် မူးယစ်ဆေး အများဆုံးထုတ်သည့် နိုင်ငံဖြစ်သော်လည်း မြန် မာနိုင်ငံသည် မူးယစ်ဆေးဝါးလုပ်ငန်းဖြင့် အသက်မွေးသည့်မိသားစု အများဆုံးရှိသည့် နိုင်ငံဖြစ်ကြောင်း ကုလသမဂ္ဂ မူးယစ်ဆေးနှင့် ရာဇ၀တ်မှုဆိုင်ရာရုံးက ယခုနှစ်အတွင်း ထုတ်ပြန်ထားသည်။

အမျိုးသားဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်ကလည်း လက်ရှိ မြန်မာနိုင်ငံ၏ မူးယစ်ဆေး ၀ါးသုံးစွဲမှု အခြေအနေမှာ လွန်ခဲ့သော သုံးနှစ်ကထက် ပိုမိုများပြားလာကြောင်း ပြည်နယ်နှင့်တိုင်းများမှ သူ့ ပါတီ၏ ဗဟိုကော်မတီဝင်များ၏ တင်ပြချက်ကို ကိုးကား၍ မေလကုန်ပိုင်းက ထုတ်ဖော် ပြောကြားခဲ့ ဖူး သည်။

“မေးခွန်းထုတ်ရမှာက ဘာဖြစ်လို့ ဒီ မူးယစ်ဆေးဝါးတွေရဲ့ကိစ္စဟာ ပိုပြီးတော့ဆိုးလာသလဲ။ အုပ်ချုပ်ရေး ပိုင်းဆိုင်ရာက ထိထိမိမိ မလုပ်ကိုင်နေလို့လား။ ထိထိမိမိ ဒီကိစ္စတွေကို မချဉ်းကပ်လို့လား၊ မကိုင်တွယ်လို့ လားဆိုတာ ကျွန်မတို့မေးရမှာဖြစ်ပါတယ်။ နိုင်ငံတကာရဲ့ထောက်ခံမှု လိုချင်နေတယ်ဆိုလို့ရှိရင် ဒီမူးယစ် ဆေးဝါးကိစ္စကို လျစ်လျူရှုထားလို့ မရပါဘူး”ဟု ထိုစဉ်က သူမက မှတ်ချက်ပြုခဲ့သေးသည်။

မဇ္ဈိမ သတင်းဌာန