မြန်မာ့ကျောက်စိမ်း ဈေးကွက်ကို တရုတ် ကုန်သည် အချို့ စနစ်တကျ ဖျက်ဆီးနေဟု အကြိမ်
(၅၀) မြောက် မြန်မာ့ကျောက်မျက်ရတနာ ရောင်းချပွဲ အပြီး ပြည်တွင်းကုန်သည်များက သုံးသပ်ပြော ကြားခဲ့သည်။
ယင်းပြပွဲတွင် ကျောက်မျက်အတွဲ ၂၇၂ တွဲကို တင်ဒါစနစ်၊ ၁၀၇ တွဲကို လေလံစနစ်ဖြင့် ကျင်းပခဲ့ရာ ၀ယ်ယူမည့် ပြည်ပကုန်သည်များသည် အာမခံစပေါ်ငွေ ယူရို ၅၀၀၀၀၊ ပြည်တွင်းကုန်သည်များက အာမခံစပေါ်ငွေ ၂၀၀၀၀၊ ကျောက်မျက် အတွဲများကို ၀ယ်ယူမည့် ပြည်တွင်း၊ ပြည်ပ ကုန်သည်များသည် အာမခံစပေါ်ငွေ ယူရို ၁၀၀၀၀ အား မြန်မာ့စီးပွားရေးဘဏ် (နေပြည်တော်) သို့ ပေးသွင်းပြီး ၀ယ်ယူခွင့် ပြုခဲ့သည်။ အဆိုပါ ပြပွဲတွင် တရုတ်ကုမ္ပဏီ အချို့သည် ကျောက်စိမ်းတွဲ များကို ပေါက်ဈေးထက် အဆပေါင်းများစွာ ပိုပေး၍ လေလံကြေး အမြင့်ဆုံးပေးခဲ့ကြကာ ပစ္စည်းမရွေးဘဲ အာမခံ စပေါ်ငွေ အဆုံးခံကာ ဈေးကွက်ဖျက်သည့် သဘောမျိုး ပြု လုပ်ခြင်းဖြစ်ကြောင်း ပြည် တွင်းကျောက် စိမ်း ကုန်သည်များက ဆိုကြသည်။
တရုတ်ကုမ္ပဏီ အချို့သည် ကျောက်စိမ်းတွဲများကို ပေါက်ဈေးထက် အဆပေါင်းများစွာ ပိုပေး၍ လေလံကြေး အမြင့်ဆုံးပေးခဲ့ကြကာ ပစ္စည်းမရွေးဘဲ အာမခံ စပေါ်ငွေ အဆုံးခံကာ ဈေးကွက်ဖျက်သည့် သဘောမျိုး ပြုလုပ်ခြင်းဖြစ်ကြောင်း ပြည်တွင်းကျောက်စိမ်း ကုန်သည်များက ဆိုကြ . . . . .
"တစ်လျှောက်လုံး မြန်မာ့ကျောက်စိမ်းကို သူခိုးဈေးသာသာ ပေးဝယ်ခဲ့ပြီး အနောက်နိုင်ငံ ဈေးကွက်တွေ မှာ အဆပေါင်းရာချီ မြတ်နေခဲ့တာပါ။ နိုင်ငံရေး အခြေအနေကြောင့် ဖြစ်ခဲ့တာကို လက်ခံပါတယ်။ ဒီအချိန်နိုင်ငံရေး ပွင့်လင်းလာလို့ တန်းတူဈေး ပြိုင်ပေးမ၀ယ်ဘဲ မသမာတဲ့ နည်းလမ်းကို မလုပ်သင့် ပါဘူး။ အခုပြပွဲမှာ အနောက်နိုင်ငံတွေက ပေးဝယ်မယ့် ဈေးတန်းထက် အဆ ၁၀ ဆလောက် ပိုပေး တယ်။ နောက်ပြီးကျောက်ကို မရွေးတော့ဘူး။ အဓိကကတော့ အနောက်နိုင်ငံတွေကပေး တဲ့ ဈေးတန်း ကို တရုတ်က လိုက်ပေးမ၀ယ်ချင်လို့ဘဲ။
(၄၉) ကြိမ်မြောက် ပြပွဲထိ တရုတ်က သူတစ်ဦး ပဲ ဈေးကွက်မှာ ရှိခဲ့တာ။ အခုတစ်ကြိမ်မှာတော့ နိုင်ငံ တကာက လာကြတဲ့အခါ သူတို့ဈေးကွက် ပျောက် သွားမှာ စိုးလို့ စနစ်တကျနဲ့ကို ဈေးကွက်ဖျက်ဖို့ အုပ်စု လိုက် ကြိုတင်ပြင်ဆင်တယ် လို့ကို ပြောလို့ ရပါတယ်" ဟု နေပြည်တော် ကျောက်မျက်ပြပွဲတွင် ကျောက်စိမ်း အတွဲများ ရောင်းချခဲ့သူ ဦးလင်းက ဆိုသည်။
နေပြည်တော် ကျောက်မျက်ပြပွဲတွင် လေလံဆွဲပြီး လာမရွေးသည့် ကုမ္ပဏီ နှစ်ခုသာ ရှိသော် လည်း ကျောက်စိမ်းလော့ အတွဲပေါင်း ၂၀၀ ခန့် ရှိသည်ဟု သိရသည်။ လေလံအမြင့်ဆုံး ကြေးပေးကာ လာမရွေးသည့် ဖြစ်စဉ်များကြောင့် ပြည်တွင်းကုန်သည်များ နစ်နာခဲ့ပြီး နောက်ဆုံးတွင် ရွှေလီဈေး ကွက်မှ တစ်ဆင့် တရုတ်နိုင်ငံသို့သာ ပြန်လည်ရောင်းချ ရမည်ဖြစ်ကြောင်း သိရသည်။
From...EMG
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။