မန္တလေးတိုင်းဒေသကြီး၊ အမျိုးသားဒီမိုကရေစီ အင်အားစုပါတီ (NDF)က အမျိုးဘာသာ သာသနာ ထိန်းသိမ်းစောင့်ရှောက်ရေး ဆရာတော်များ စီစဉ် နေသော မျိုးစောင့်ဥပဒေ ပေါ်ထွက်ရေးအဆိုကို ထောက်ခံသည့် လှုပ်ရှားမှုတစ်ခု မန္တလေးခရိုင် လေးမြို့နယ်တွင် ဇွန်လ ၂၆ရက်နေ့က ပြုလုပ်ခဲ့ ကြောင်း ယင်းပါတီထံမှ သိရှိရသည်။
“ကျွန်တော်တို့ မန္တလေး လေးမြို့နယ်မှာ မျိုးစောင့် ဥပဒေကို ထောက်ခံခြင်းနဲ့ တိုင်းမ်မဂ္ဂဇင်းကို ကန့်ကွက်တဲ့ Campaign လုပ်ပါတယ်။ ထောက်ခံ ကြောင်းနဲ့ ဆန့်ကျင်ရှုတ်ချကြောင်းပါတဲ့ စာရွက် တစ်သောင်းခန့် ဝေပါတယ်။”ဟု ယင်းပါတီ ကော်မတီ ဝင် မန္တလေးတိုင်းဒေသကြီး လူငယ်တာဝန်ခံ ဦးစည်သူအောင်က The voice သို့ ပြောကြားသည်။
ယင်းပါတီမှ အဖွဲ့ဝင် အင်အား (၅၀)ခန့် ပုသိမ်ကြီး၊ မဟာအောင်မြေ၊ အောင်မြေသာစံ၊ ချမ်းမြသာစည် မြို့နယ်တို့ရှိ ဈေးနှင့် လူစည်ကားသည့် နေရာများတွင် ယင်းအစီအစဉ်ကို ပြုလုပ်ခဲ့ကြောင်း ၄င်းက ဆိုသည်။
တိုင်းမ်မဂ္ဂဇင်း၏ ဖော်ပြချက်သည် နှစ်ပေါင်းထောင်ချီ၍ တည်တံ့ခိုင်မြဲလာသော မြန်မာနိုင်ငံသား အများစု ကိုးကွယ်ရာ ဗုဒ္ဓဘာသာအပေါ် အထင်အမြင်လွဲမှားစေပြီး လက်ရှိဆောင်ရွက်နေသည့် ဘာသာပေါင်းစုံ ညီညွှတ်ရေးအကြား အပြန်အလှန် ယုံကြည်မှု တည်ဆောက်နေမှုကို ထိခိုက်စေခြင်း၊ ဖြူစင်သန့်ရှင်း လွတ်လပ်ပွင့်လင်းသည့် မြတ်ဗုဒ္ဓ၏ ငြိမ်းချမ်းသော ဘာသာတရားကို အကြမ်းဖက်ဝါဒီအဖြစ် အရုပ်ဆိုး အကျည်းတန်အောင် ရေးသားချက်များအားလုံးကို အမျိုးသားဒီမိုကရေစီအင်အားစုပါတီက ရဲဝံ့ပြတ်သားစွာ ရှုတ်ချကန့်ကွက်ကြောင်းနှင့် NDF ပါတီမှ လွှတ်တော်ကိုယ်စားလှယ်များ လွှတ်တော်အသီးသီးသို့ တင်ပြ၍ သဘောထား ကြေညာချက်တစ်ရပ် အမြန်ထုတ်ပေးရန် တင်ပြသွားမည့်အဆိုကို ကြိုဆိုပါကြောင်း ယင်းပါတီက ပြုလုပ်သည့် လှုပ်ရှားမှုတွင် ဖြန့်ဝေသောစာ၌ ဖော်ပြပါရှိသည်။
From:The Voice
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။