မဟာမဲခေါင်ဒေသ နိုင်ငံများအကြား အလုပ်သမား ကျွမ်းကျင်မှု "စံ" များ ပူးပေါင်းဆောင်ရွက်ရန် အတွက် ထိုင်း-မြန်မာနှစ်နိုင်ငံ အစည်းအဝေးကို ဇူလိုင် ၂ ရက်က မြန်မာနိုင်ငံ အင်ဂျင်နီယာ အသင်း၌ ကျင်းပပြု လုပ်ခဲ့ကြောင်း သိရသည်။
အဆိုပါ အစည်းအဝေးကို အလုပ်သမား၊ အလုပ် အကိုင်နှင့် လူမှုဖူလုံရေး ၀န်ကြီးဌာန၊ မြန်မာနိုင်ငံ အလုပ် သမားများ ကျွမ်းကျင်မှု "စံ" သတ်မှတ်ပြ ဌာန်းရေးအဖွဲ့ (NSSA)၊ ထိုင်းအလုပ်သမား ၀န်ကြီးဌာန၊ ကျွမ်းကျင် မှု ဖွံ့ဖြိုးတိုးတက်ရေး ဦးစီးဌာနတို့ တက်ရောက်ခဲ့ကြကြောင်း သိရသည်။
"ဒီဆွေးနွေးပွဲကနေတစ်ဆင့် အနာဂတ် အာဆီယံ ဒေသတွင်းနှင့် သင့်တော်မယ့် မဟာမဲခေါင်ဒေသ နိုင်ငံ များအကြား ကျွမ်းကျင်မှု"စံ"များကို ဖော်ဆောင်ပြဌာန်းနိုင်ဖို့ ဦးတည်သွားမှာဖြစ်ပါတယ်"ဟု ယင်းဆွေးနွေး ပွဲ အလုပ်သမား ၀န်ကြီးဌာန၊ ဒုဝန်ကြီးက ပြောကြားခဲ့သည်။
အလုပ်သမား၊ အလုပ်အကိုင်နှင့် လူမှုဖူလုံရေး ၀န်ကြီးဌာနလက်အောက် အလုပ်သမား လေ့ကျင့်ရေး သင်တန်းကျောင်းမှ ကျောင်းအုပ်ကြီးဒေါ်ခင်မာအေးက "မြန်မာနိုင်ငံမှာ ကျွမ်းကျင်လုပ်သားတွေ ရှိပေမယ့် သူတို့ကို အသိအမှတ်ပြု ထောက်ခံပေးမယ့် လက်မှတ်ထုတ်ပေးတာ မရှိဘူး နိုင်ငံခြား ရင်းနှီးမြှုပ်နှံမှုတွေ ၀င်လာတဲ့အခါ သူတို့တတ်မြောက်ထားတဲ့ ပညာရပ်တွေကို အလုပ်ရှင် ယုံကြည်အောင် ထောက်ခံပေးမယ့် လက်မှတ်လိုလာပြီ။ အဲဒီအတွက် အာဆီယံကသတ်မှတ်ထားတဲ့ စံနှုန်းနဲ့ အာဆီယံအသိအမှတ်ပြု လက်မှတ် ထုတ်ပေးဖို့ စီစဉ်နေပါတယ်" ဟု ဆိုသည်။
မြန်မာနိုင်ငံ လုပ်သားများကျွမ်းကျင်မှု "စံ" သတ်မှတ်ပြဌာန်းရေးအဖွဲ့ (NSSA) အနေဖြင့် အလုပ်အကိုင် "စံ" ၁၇၃ မျိုးကို မှတ်တမ်းတင်ရေးဆွဲပြီးဖြစ်ကြောင်းနှင့် ၉၃ မျိုးအား အစိုးရအဖွဲ့ ခွင့်ပြုချက်ဖြင့် အတည်ပြုပြဌာန်း ပြီးဖြစ်သည်ဟု သိရသည်။
eleven media group
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။