အ၀ါရောင်မီဒီယာ ဘယ်လိုထိန်းမလဲ

မီဒီယာလွတ်လပ်ခွင့်ကို ခုတုံးလုပ်ပြီး ပုဂ္ဂိုလ်ရေး တိုက်ခိုက်မှုများ မပြုလုပ်ရန် သမ္မတဦးသိန်းစိန်က သတိပေးပြောကြားပြီးနောက် မကြာမီ သတင်း မီဒီယာကျင့်ဝတ်နှင့်မညီသည့် ပုဂ္ဂိုလ်ရေးတိုက်ခိုက် မှုများ ရေးသားထုတ်ဝေနေသော ဂျာနယ်အချို့ကို အရေးယူပေးရန် သမ္မတထံသို့ တိုင်တန်းသည့် အိတ်ဖွင့်ပေးစာတစ်စောင် ပေါ်ထွက်လာသည်။

ကျင့်ဝတ်နှင့်မညီသော သတင်းရေးသား တင်ဆက် သည့် ဂျာနယ်အချို့ကြောင့် မီဒီယာလွတ်လပ်ခွင့်အပေါ် မေးခွန်းထုတ်ခံနေရချိန်ဖြစ်ပြီး ပြည်တွင်း မီဒီယာအသိုင်းအအ၀ိုင်းက ယင်းဂျာနယ်များကို ဝေဖန်မှုများရှိနေချိန်လည်းဖြစ်သည်။

ထိုအချိန်၌ပင် သမ္မတထံ လိပ်မူတိုင်တန်းခံရသော ဂျာနယ်လေးစောင်ခန့်ကို အစိုးရအဖွဲ့က ဥပဒေ ကြောင်းအရ အရေးယူရန် နည်းလမ်းများ ရှာဖွေနေပြီဖြစ်ကြောင်း ပြန်ကြားရေးဝန်ကြီးဌာန ဒုတိယ၀န်ကြီး ဦးရဲထွဋ်က ပြောကြားသည်။

ပုဂ္ဂိုလ်ရေးအရ ဝေဖန်တိုက်ခိုက်မှုများအပါအ၀င် ခိုင်လုံမှုမရှိသည့် သတင်း၊ ဆောင်းပါးအကြောင်းအရာများ ပုံနှိပ်ဖော်ပြမှုကို အစိုးရအဖွဲ့က တိုက်ရိုက်ကိုင်တွယ်ဖြေရှင်းမည်ကို မီဒီယာအသိုင်းအ၀ိုင်းက မလိုလားပေ။

နိုင်ငံတကာတွင် သတင်းတစ်ပုဒ်ကြောင့် နစ်နာသည်ဆိုပါက နစ်နာသူကာယကံရှင်က စာနယ်ဇင်း ကောင်စီကဲ့သို့ အဖွဲ့အစည်းထံ တိုင်ကြားနိုင်ပြီး ယင်းအဖွဲ့များ၏ဖြေရှင်းမှုကို မကျေနပ်ပါက တရားဥပဒေ လမ်းကြောင်းအရ တရားစွဲဆိုခြင်းမှာ ထုံးစံပင်ဖြစ်သည်။ မြန်မာနိုင်ငံတွင်မူ အစိုးရအဖွဲ့ထံ အထူးသဖြင့် သမ္မထံ တိုက်ရိုက်တိုင်ကြားခြင်းကို အံ့သြရကြောင်း သတင်းစာဆရာ ဦးရဲနိုင်မိုးကပြောကြားသည်။

“သမ္မတထံ တိုင်တယ်ဆိုတာဟာ သတင်းမီဒီယာတွေရဲ့ အခန်းကဏ္ဍကို သေးသိမ်အောင် ပြုလုပ်တာ ဖြစ်ပါတယ်။ စတုတ္ထမဏ္ဍိုင်ဖြစ်တဲ့ သတင်းမီဒီယာတွေကိုဆုံးမဖို့၊ အရေးယူဖို့ သမ္မတမှာ တာဝန်လည်း မရှိဘူး။ လုပ်ပိုင်ခွင့်လည်းမရှိဘူး။ ဒါကတရားရုံးရဲ့ကိစ္စဖြစ်ပါတယ်”ဟု ဦးရဲနိုင်မိုးကပြောကြားသည်။

ယခုတိုင်ကြားခံရသည်ဆိုသော ဂျာနယ်များ၏နောက်ကွယ်တွင် မည်သူတွေရှိနေသည်ဆိုခြင်းကို မပြောတတ်သော်လည်း အပြောင်းအလဲကာလကို ကျော်ဖြတ်ရသည့် နိုင်ငံတိုင်းတွင် တန်ခိုးအာဏာ ကြီးထွားလာသည့် မီဒီယာလောကထဲသို့ ၀င်ရောက်အသုံးချလိုသူများရှိစမြဲဖြစ်သည်။

သတင်းမီဒီယာလောကထဲသို့ နာမည်ကြီးချင်သူ၊ ပိုက်ဆံလိုချင်သူ၊ သြဇာအာဏာထူထောင်ချင်သူများက မီဒီယာလွတ်လပ်ခွင့်ကို အသုံးချလာကြမည်သာဖြစ်ပြီး အစိုးရက ၀င်ရောက်ဖြေရှင်းပေးရန် သီးသန့် တာဝန်မရှိကြောင်း ဦးရဲနိုင်မိုးကပြောကြားသည်။

လက်ရှိဂျာနယ်ဈေးကွက်အတွင်း ယခင်စစ်အစိုးရဟောင်းအကြီးအကဲများ၊ ၎င်းတို့၏ မိသားစုဝင်များ၊ အစိုးရနှင့်နီးစပ်သည့် စီးပွားရေးလုပ်ငန်းရှင်ကြီးများ၏ နောက်ကွယ်က အကြောင်းအရာများနှင့် လက်ရှိအစိုးရအဖွဲ့ဝင်များကို ဝေဖန်ရေးသားသည်ဆိုသော ဂျာနယ်အချို့ အရောင်းသွက်နေသည်။

ယင်းဂျာနယ်များ၏ ရေးသားချက်များမှာ သတင်းမီဒီယာကျင့်ဝတ်နှင့်မညီကြောင်း အစိုးရအဖွဲ့က ထောက်ပြပြောကြားလာသကဲ့သို့ စာနယ်ဇင်းအသိုင်းအ၀ိုင်းနှင့် အဖွဲ့အစည်းများကလည်း ဝေဖန်ထောက်ပြလာကြပြီဖြစ်သည်။ မကြာသေးမီက သူရိယအလင်းအပတ်စဉ်ထုတ်ဂျာနယ်၏ ပုဂ္ဂိုလ်ရေးဆန်ဆန် အလွန်အကျွံ ရေးသားဖော်ပြမှုများသည် စာနယ်ဇင်းကောင်စီက ထုတ်ပြန်ထားသော ကျင့်ဝတ်နှင့် ကိုက်ညီခြင်းမရှိဘဲ မြန်မာ့သတင်းမီဒီယာလောက၏ ဂုဏ်သတင်းကို ထိခိုက်စေနိုင်သည့် ဖော်ပြမှုများဖြစ်ကြောင်း မြန်မာဂျာနယ်လစ်ကွန်ရက်က ကြေညာချက်ထုတ်ပြန်လာခဲ့သည်။

“မီဒီယာသမားအားလုံး ညီလာခံလုပ်ပြီး အားလုံးသဘောတူထုတ်ပြန်ထားတဲ့ မီဒီယာဥပဒေမရှိသေးဘူးလို့ ကျွန်တော် နားလည်ထားတယ်။ ကျွန်တော်ကတော့ ကျင့်ဝတ်ကိုဘေးဖယ်ပြီး လူထုဘက်ကို ရပ်တည်ရေးသားတာဖြစ်ပါတယ်”ဟု MJN ၏ ထုတ်ပြန်ချက်အပေါ် သူရိယနေ၀န်းအမည်ဖြင့် ပြောင်းလဲထုတ်ဝေလိုက်သူ ဦးမိုးဟိန်းက သတင်းစာရှင်းလင်းပွဲတွင် ပြတ်သွားစွာတုံ့ပြန်ပြောကြားသည်။

မြန်မာပြည်သူများသည် နှစ်ပေါင်းငါးဆယ်နီးပါး အာဏာရှင်စနစ်အောက် ကျရောက်ခဲ့ရပြီး ဖိနှိပ်ခံရသူများဖြစ်ခဲ့ရခြင်းကြောင့် ယခင်အစိုးရဟောင်း၏ ကျဆုံးမှု၊ အပုပ်နံကို သိချင်မြင်ချင်သည်ကို အပြစ်မဆိုသာသော်လည်း စာလုံးပြူးတူးပြဲတဲနှင့် အစိုးရအဖွဲ့အပါအ၀င် ထင်ရှားသူတိုင်းကို တိုက်ခိုက်ခြင်း၊ ပုဂ္ဂိုလ်ရေးထိခိုက်အောင် ရေးသားခြင်းတို့ဖြင့် လူစိတ်ဝင်စားအောင် ပြုလုပ်ခြင်းမှာ နိုင်ငံတကာတွင် အ၀ါရောင်စာနယ်ဇင်းအဆင့် (Yellow Journalism) အဆင့်သာရှိကြောင်း ဦးရဲနိုင်မိုးကပြောကြားသည်။

“အ၀ါရောင်ဂျာနယ်လစ်ဇင်ကိုမှ စွဲလမ်းတယ်ဆိုရင်တော့ စတုတ္ထတန်းစား လူ့အဖွဲ့အစည်းကိုပဲရမယ်။ စာဖတ်သူတုိ့ ၂၀၀ (သို့မဟုတ်) ၅၀၀ နဲ့ ၀ယ်လိုက်တဲ့ စာစောင်ဟာ သူတို့ရဲ့အနာဂတ်နဲ့ တိုက်ရိုက်အချိုးကျတယ်။ လွယ်လွယ်ကူကူ ပြူးတူးပြဲတဲလုပ်ပြီးရောင်းတဲ့ ပုဂ္ဂိုလ်တွေဟာလည်း ပြည်သူရဲ့အိတ်ထဲက ပိုက်ဆံကို နှိုက်ယူရုံတင်မကဘူး။ လူ့အဖွဲ့အစည်းရဲ့အနာဂတ်ကိုပါ ချိုးဖောက်ဖို့ကြိုးစားတာ။ စာဖတ်သူက အလိုမလိုက်သင့်ဘူး”ဟု ၎င်းကပြောကြားသည်။

လက်ရှိဈေးကွက်အတွင်း စာဖတ်သူအများစု၏ တောင်းဆိုမှုမှာ ယခင်အစိုးရဟောင်းများနှင့် ပတ်သက်ဆက်နွှယ်သော သတင်းများ၊ ဆောင်းပါးများနှင့် နိုင်ငံရေးအကျဉ်းသားဟောင်းများ၏ ထောင်တွင်းဖြတ်သန်းမှု အတွေ့အကြုံများပါဝင်သော ဂျာနယ်များဖြစ်နေကြောင်း ဂျာနယ်လက်ပွေ့ရောင်းချသူများ၊ ကိုယ်စားလှယ်များနှင့် စာဖတ်သူများကပြောကြားသည်။

“နိုင်ငံရေးဆောင်းပါးတွေပါရင် လူစိတ်ဝင်စားတယ်။ စာရွက်တွေထူပြီး စာမျက်နှာတွေကြီးရင်လည်း ၀ယ်ကြတာများတယ်။ ရပ်ကွက်ဥက္ကဋ္ဌကို ဝေဖန်တာတို့၊ နောက်ဖြစ်ရပ်မှန်တွေကို ဝေေ၀ဆာဆာနဲ့ရေးပြီး သတင်းစုံစုံလင်လင်ပါရင် ၀ယ်ကြတာပဲ။ လိုသလောက်မရလို့ မိတ္တူရောင်းတာတောင် တစ်စောင်ကျပ် ၁၂၀၀ ပေးဝယ်ကြတဲ့ စာတစ်စောင်လည်းရှိတယ်”ဟု သတင်းစာပို့သမား ကိုကျော်နန္ဒအောင် က ပြောကြားသည်။

ပြီးခဲ့သည့်စက်တင်ဘာလအတွင်းကလည်း မြန်မာသံတော်ဆင့်ဂျာနယ်၏ ပြည်ထောင်စုဝန်ကြီး တစ်ဦးအပေါ် ရေးသားချက်နှင့်ပတ်သက်၍ ယင်းပြည်ထောင်စုဝန်ကြီးမှ တရားစွဲရန် သမ္မတရုံးသို့ စာတင်သည်အထိဖြစ်ပွားခဲ့သည်။

နိုင်ငံခြားဘဏ်များတွင် ငွေစာရင်း ၅ ခုဖွင့်လှစ်ထားသည်ဆိုသော ၁၁ ဘီလီယံတွင် သမ္မတရုံး ၀န်ကြီးဦးစိုးသိန်း ပိုင်ဆိုင်သော ငွေများပါဝင်သည်ဟု သတင်းများထွက်ပေါ်ဆိုသည့် ခေါင်းစဉ်ဖြင့် မြန်မာ သံတော်ဆင့် အပတ်စဉ်ထုတ်ဂျာနယ်တွင်ဖော်ပြခဲ့သည်။

ယင်းသတင်းဖော်ပြချက်တွင် ဦးစိုးသိန်းအား မေးမြန်းချက်များမပါဝင်ဘဲ ကြားသိရသည်ဆိုသည့် ပြောကြားချက်များကို စုစည်းဖော်ပြခဲ့သည့်ပုံစံဖြင့် ဖော်ပြခဲ့သဖြင့် ဦးစိုးသိန်းက ယင်းသတင်းသည် နိုင်ငံရေးအရလုပ်ကြံခြင်းဖြစ်ပြီး မဟုတ်မှန်ကြောင်း ပြန်လည်ဖြေရှင်းခဲ့ရသည်။

လက်ရှိလူကြိုက်များနေသော အစိုးရဟောင်းများနှင့် ပတ်သက်သည့် ရေးသားပုံနှိပ်မှုများနှင့်ပတ်သက်၍ The Voice နေ့စဉ်သတင်းစာ၏ အယ်ဒီတာချုပ်ဦးကျော်မင်းဆွေက ဗုဒ္ဓဟောကြားခဲ့သည့် အဆုံးအမစကားကြီးခြောက်ခွန်းတွင် ဆောင်ရမည့် အဓိကစကားနှစ်ခွန်းကို ဥပမာပေးပြောကြားသည်။

“ကိုယ်ပြောတဲ့စကား၊ ကိုယ်ရေးတဲ့အကြောင်းဟာ ပြောခံရသူအတွက် နာလည်းနာခံလိုတယ်။ အများ အတွက်လည်း အကျိုးရှိတယ်။ ဟုတ်မှန်တယ်ဆိုရင်လုပ်ပါ။ နောက်တစ်ခုက ခံရသူအတွက် အခံရ ခက်ပေမယ့် ဟုတ်မှန်တယ်။ အကျိုးလည်းရှိတယ်ဆိုရင်ဖော်ပြပါ။ အကျိုးမရှိတာဆို မျှဝေစရာကိုမလိုပါဘူး”ဟု ဦးကျော်မင်းဆွေကပြောကြားသည်။

လတ်တလောတွင် ယင်းသို့သော အမျိုးအစားဂျာနယ်များကို လူကြိုက်များမည်ဖြစ်သော်လည်း ရေရှည်ရပ်တည်နိုင်မည်မဟုတ်ကြောင်း အငြိမ်းစားအရာရှိတစ်ဦးဖြစ်သူ ဦးမျိုးလွင်ကပြောကြားသည်။

“ဒီလိုပုဂ္ဂိုလ်ရေးဆန်တဲ့ သတင်းမျိုးတွေက လတ်တလော လူကြိုက်များမယ်။ ဖတ်ချင်သိချင်မယ်။ ဒါကတစ်ရက်၊ နှစ်ရက်ပဲ။ တိုင်းပြည်ရဲ့ ပြုပြင်ပြောင်းလဲရေးအတွက်လည်း ဒါကတိုက်ရိုက် သက်ရောက်မှု မရှိဘူးလို့ ကျွန်တော်မြင်တယ်။ လူတွေက ဒီလိုဟာမျိုးကို သိပ်ကြာကြာ စိတ်ဝင်စားမှာမဟုတ်ဘူး။ ပျောက်သွားမှာပါ”ဟု ဦးမျိုးလွင်ကပြောကြားသည်။

ယခင်က မြန်မာမီဒီယာလောကတွင် အစိုးရနှင့် နီးစပ်ပတ်သက်သူများ၊ စီးပွားရေးလုပ်ငန်းရှင်များနှင့် ပတ်သက်ရာပတ်သက်ကြောင်းတို့ကိုသာ ဂျာနယ်ထုတ်ဝေခွင့်ပေးထားခဲ့သော်လည်း အစိုးရသစ် တက်လာပြီး ၂၀၁၁ နှစ်ကုန်ပိုင်းမှစ၍ ဂျာနယ်၊ သတင်းစာထုတ်ဝေလိုသူမှန်သမျှကို ခွင့်ပြုပေးခဲ့ခြင်းဖြင့် ဂျာနယ်၊ သတင်းစာအသစ်များ ၀င်ရောက်လာခဲ့ကြသည်။

အစိုးရသစ်လက်ထက် ၂၀၁၁ ခုနှစ်ဒီဇင်ဘာမှ ၂၀၁၃ ခုနှစ် အောက်တိုဘာအထိ ပုဂ္ဂလိကသတင်းစာ၊ ဂျာနယ်အပါအ၀င် ထုတ်ဝေခွင့်အမျိုးအစားအစုံ ၆၄၈ မျိုး ခွင့်ပြုထားသည်။

ယခုသမ္မတထံ အဓိကတိုင်ကြားခံရသည့် ဂျာနယ်အချို့ကို ထုတ်ဝေသူများမှာ ယခင်က စာနယ်ဇင်း လုပ်ငန်းနှင့် မည်သို့မျှမပတ်သက်ဖူးဘဲ ၎င်းတို့၏ နိုင်ငံရေး၊ စီးပွားရေး အကျိုးစီးပွား (သို့မဟုတ်) မကျေနပ် သည့်ပုဂ္ဂိုလ်၊ အဖွဲ့အစည်းများကို တိုက်ခိုက်ဖို့ ဦးတည်လုပ်ဆောင်လာကြောင်း တွေ့ရသည်ဟု ဦးရဲထွဋ်က စွပ်စွဲပြောကြားသည်။

ထို့အပြင် ယင်းဂျာနယ်များသည် လက်ရှိတာဝန်ထမ်းဆောင်ဆဲ ၀န်ကြီးများ၊ အငြိမ်းစားဝန်ကြီးများ၊ တပ်မတော်အရာရှိကြီးများနှင့် ဆက်သွယ်ပတ်သက်နေသော ဂျာနယ်များဖြစ်ကြောင်း ဦးရဲထွဋ်ကဆိုသည်။

“အစိုးရအဖွဲ့က ဒီဂျာနယ်တွေကို ဥပဒေကြောင်းအရ အရေးယူဖို့ နည်းလမ်းတွေ ရှာဖွေဆောင်ရွက် နေပါတယ်။ အဲဒီလိုဆောင်ရွက်တဲ့အခါ ဒီဂျာနယ်တွေနဲ့ ပတ်သက်ဆက်နွှယ်နေတဲ့ တာဝန်ထမ်းဆောင်ဆဲနဲ့ အငြိမ်းစားအရာရှိကြီးများအပေါ်မှာလည်း သက်ရောက်မှုရှိမှာဖြစ်ပါတယ်”ဟု ဦးရဲထွဋ်ကပြောသည်။

လက်ရှိဂျာနယ်ဈေးကွက်တွင် ကျင့်ဝတ်နှင့်မညီသည့် ပရမ်းပတာရေးသားဖော်ပြမှုများ ပြုလုပ်နေသည် ဆိုသော သတင်းဂျာနယ်များထဲတွင် လွန်ခဲ့သည့် နှစ် ၂၀ မှ ယနေ့အထိ တောက်လျှောက် လုပ်ကိုင်လာသော မီဒီယာသမားများမပါဝင်ကြောင်း The Voice နေ့စဉ်သတင်းစာ၏ အယ်ဒီတာချုပ် ဦးကျော်မင်းဆွေက ပြောကြားသည်။

“အခုရေးနေတဲ့ အဲဒီဂျာနယ်တွေဟာလည်း မီဒီယာကို တမင်နာမည်ပျက်အောင် လုပ်နေတာပဲ။ သူတို့ချင်းခွပ်တဲ့ကိစ္စ၊ အာဏာခွဲဝေမှုကိုမကျေနပ်လို့၊ ရနေတဲ့အနေအထားကို မရောင့်ရဲလို့၊ ရှိထားတဲ့ ဒဏ်ရာတွေ၊ အစဉ်အဆက်ဖိနှိပ်မှုတွေကို ရတဲ့နေရာက မီဒီယာထောင်ပြီး လက်စားချေချင်လို့ လုပ်နေတာ။ ဒါဟာအစိုးရနဲ့ လက်ဝါးချင်းရိုက်ပြီး လုပ်သလားဆိုတာတော့ သူတို့ပဲ သိပါလိမ့်မယ်”ဟု ၎င်းကပြောကြား သည်။

သို့သော်မီဒီယာကို ပြန်လည်ထိန်းချုပ်ရန် အစိုးရက ဥပဒေအရ အရေးယူမည်ဆိုခြင်းမှာမူ ကောင်းသည့် အလားအလာမဟုတ်ကြောင်း ၎င်းကပြောကြားသည်။

စင်ကာပူဝန်ကြီးချုပ်လီကွမ်းယု၊ အင်ဒိုနီးရှားသမ္မတဟောင်း ဆူဟာတို စသည့် နိုင်ငံ့ခေါင်းဆောင် ကြီးများသည်လည်း ၎င်းတို့နှင့်ပတ်သက်သည့်သတင်းများ ရေးသားဖော်ပြမှုတို့ကြောင့် တိုင်းမ်မဂ္ဂဇင်းကို တရားစွဲဆိုမှုများရှိခဲ့ကြပြီး ကျင့်ဝတ်ပိုင်းချိုးဖောက်မှုများကို ဘယ်နိုင်ငံအစိုးရကမှ ဒိုင်လူကြီးလုပ် ၀င်ရောက်အရေးယူခြင်းမရှိကြောင်း မီဒီယာဖွံ့ဖြိုးရေးလုပ်ဆောင်နေသူ ဦးအောင်ထွန်းဦးကပြောသည်။

“ကျင့်ဝတ်ဖောက်ဖျက်တဲ့ မီဒီယာတွေရဲ့ တိုင်တန်းမှုတွေကို ကောင်းကောင်းကိုင်တွယ်နိုင်တဲ့၊ မီဒီယာ အားလုံး သဘောတူတဲ့၊ အားကောင်းတဲ့အဖွဲ့အစည်းတွေ ဖွဲ့စည်းဖို့လိုတယ်”ဟု ၎င်းကအကြံပြုသည်။

မီဒီယာပုံဖျက်သည်ဟုဆို၍ အစိုးရနှင့် စာနယ်ဇင်းသမားများ အပြန်အလှန်သံသယတို့ဖြင့် စောင့်ကြည့် နေချိန်တွင် ပြည်သူ့ဘက်က ရပ်တည်မည်ဆိုကာ ပြည်သူဆိုသောစကားလုံးကို ထပ်တလဲလဲ သုံးစွဲ ပြောဆို၍ ပြည်သူပိုင်အဖြစ် ပြောင်းလဲရပ်တည်မည့် မီဒီယာအချို့မှာ ယနေ့မီဒီယာလောက ကျင့်ဝတ် စောင့်ထိန်းမှုအတွက် ကြီးမားသော စိန်ခေါ်မှုအသစ်တစ်ရပ် ဖြစ်ပေါ်ဖွယ်ရှိနေသည်။

“ပြည်သူကို အသုံးချတာကတော့ လုံးဝလက်မခံနိုင်တဲ့ကိစ္စပါ။ ကျင့်ဝတ်ကို ချိုးဖောက်နေပြီး တရား လက်လွတ် ရေးနေတဲ့ ဂျာနယ်တစ်စောင်ဟာ ပြည်သူပိုင်လည်းလုပ်လိုက်ရင် ဒါဟာ ပြည်သူနဲ့ မီဒီယာ သမားတွေကို လှည့်တိုက်လိုက်တာပဲ။ မလုပ်သင့်ဘူး”ဟု နိုင်ငံရေးဆောင်းပါးရှင်တစ်ဦးကပြောကြားသည်။

ကျင့်ဝတ်ကိုချိုးဖောက်သော သတင်းစာ၏လုပ်ရပ်ကို စာနယ်ဇင်းကောင်စီလိုအဖွဲ့မျိုးက ထောက်ပြရမည်ဖြစ်ပြီး လုပ်ရပ်မှားယွင်းကြောင်း တစ်နိုင်ငံလုံးကသိအောင် ထုတ်ဖော်ကြေညာပေးခြင်းဖြင့် အဆိုပါသတင်းစာရပ်တည်မှုကို ထောက်ပြရမည်ဖြစ်ကြောင်း ဦးရဲနိုင်မိုးကအကြံပြုသည်။

အညှီအဟောက်နှင့် ပေါ်ပင်ကြိုက်သတင်းများကို ဦးစားပေးသော သတင်းစာနှင့် ပြည်သူ့ အကျိုးရှေးရှုရပ်တည်သော သတင်းစာတို့မှာ အချိန်တန်လျှင် ပြည်သူကပင် အဆုံးအဖြတ် ပေးသွားမည်သာဖြစ်ကြောင်း ဗြိတိသျှစာရေးဆရာ အေဂျေကရိုနင် ရေးသားပြီး သတင်းစာဆရာကြီး ဟံသာဝတီဦးဝင်းတင် ဘာသာပြန်ဆိုထားသည့် ဥတ္တရအလင်းစာအုပ်တွင် မီးမောင်းထိုးပြထားသည်။

ယနေ့သတင်းမီဒီယာလောကအတွင်း ရင်ဆိုင်နေသော ကျင့်ဝတ်ပိုင်းချိုးဖောက်မှုများ၊ ပုဂ္ဂိုလ်ရေး ထိပါးရေးသားမှုများအပါအ၀င် ပြဿနာအားလုံးအတွက် အခြေခံအကျဆုံးမှာ တရားစီရင်ရေးစနစ် အားနည်းခြင်းကြောင့်ဖြစ်ပြီး ထက်မြက်သော တရားစီရင်ရေးစနစ်သာ အမှန်တကယ်ဖွံ့ဖြိုးနေပါက ထိခိုက်နစ်နာသူများမှာ သမ္မတအထိ တိုင်ကြားရန်မလိုကြောင်း ဦးရဲနိုင်မိုးကပြောကြားသည်။

“တရားစီရင်ရေး တကယ်ထက်မြက်ရင် ဘယ်ရေးရဲမလဲ။ နစ်နာဆုံးရှုံးမှုအတွက်က သိန်းနဲ့ချီလျော်ရမှာ”

ဓာတ်ပုံ- ဂျေမောင်မောင် (အမရပူရ)