သီလရှင်တပါး သံဃနာယကဥက္ကဌဘုန်းကြီးကျောင်းတွင် တန်ခိုးဖြင့် ဆေးကုသခြင်းကို ကြံ့ခိုင်ရေးပါတီဝင်များပါဝင်

ဧရာဝတီတိုင်း ပုသိမ်မြို့ ၊ နိဂြောဓာလမ်း၊သံဃနာယက ဥက္ကဌကြီးရဲ့  ညောင်ပင်သာကျောင်းတိုက်မှာ (8.4.2012) မှ (11.4.2012) နေ့ထိ ပြုလုပ်တဲ့ (သာသနာတော်စည်ပင်ထွန်းကားပြန့်ပွားရေးရည်ရွယ်တဲ့) မယ်သီလရှင်ဆရာလေးဆိုသူရဲ့ ဆေးကုသပွဲကို တိုင်းဒေသကြီးဝန်ကြီးတွေတက်ရောက် ဆေးကုသ ခံယူခဲ့ပါတယ်။

ထိုပွဲမှာ ကုသိုလ်ယူဆောင်ရွက်ပေးကြတာက ကြံ့ဖွံ့ပါတီဝင်တွေပါ.. သူတို့က "ရေမန်း" ရောင်းပေးတယ်၊ စာရွက်ကလေးတွေဝေပေးတယ်.. စာရွက်ဆိုတာကလည်း လာမယ့်ကြားဖြတ်ရွေးကောက်ပွဲမှာ ပုသိမ်မှာအရွေးခံမယ့် ကြံ့ဖွံ့က ပုဂ္ဂိုလ်ရဲ့မဲဆွယ်ကြောင်း စာရွက်တွေ... ဒါတွေထားပါတော့...
ကျွန်တော်သိချင်တာက ဆရာလေးရဲ့ရေမန်း စွမ်း/မစွမ်းမဟုတ်ပါဘူး...
- ရွေးကောက်ပွဲမှာ ဘာသာ/သာသနာ ခုတုံးလုပ်လို့ရတယ်လား? ...
- တိုင်းအဆင့်သံဃာ့ အကြီးအကဲက ဗုဒ္ဓမြတ်စွာတားမြစ်တဲ့ သာသနာဝန်းကျင်ကပုဂ္ဂိုလ်တွေ ဆေးမကုသရဆိုတာကိုဆန့်ကျင်ပြီး ဗုဒ္ဓမြတ်စွာဟောတဲ့တရားတွေကို ပြန်ဟောတဲ့ ဓမ္မကထိက ဆရာတော်တွေကိုကျတော့ တရားဓမ္မဟောပြောခွင့် ပိတ်တာ ဖြစ်သင့်သလား?...(မဟန ၄၇ပါးက မမြင်တာလား/မသိ ချင်ယောင်ဆောင်သလား မသိ)
- ၂၂၇ သွယ်သောသိက္ခာပုဒ်တွေနဲ့ပြည့်စုံပါတယ်ဆိုတဲ့ ဆရာတော်တွေက သီလရှင်ရဲ့ အတို့(သူကကုရင်တို့ပြီးကုတယ်ပြောတယ်) ခံလိုက်ပြီး အားကိုးတကြီးဖြစ်နေသင့်သလား?...(ဒါဆို ကျွန်တော်တို့ သီလရှင်သရဏံ ဂစ္ဆ္တာမိလို့ထည့်မဆိုရတော့မယ်ထင်ရဲ... တကယ်သိက္ခာရှိသော သီလရှင်ဆရာကြီး။ ဆရာလေးများကို မဆိုလိုပါ)
-လွန်ခဲ့တဲ့နှစ်ပေါင်း ၂၆၀၀ ကတည်းက ဗုဒ္ဓမြတ်စွာက ဟောခဲ့တယ် နာမကျန်းရင် ဗောဇ္ဇင်သုတ် ရွတ်ပြီးခန္ဓာကို ရှု/မြင်အောင်ကြည့်ပါ ဆိုတာက မလေးစားတော့တာလား၊ ၀ဋ်ရှိရင်ခံရမယ်ဆိုတာကို နားမလည်တာလား၊ မမြဲသောအနတ္တ၀ါဒကို လစ်လျှူရှုတာလား .... ?
ကျွန်တော်မတွေးတတ်တော့ပါ...

ကျွန်တော်က မိရိုးဖလာ ဗုဒ္ဓဘာသာဝင်တစ်ယောက်ပါ ငယ်ငယ်ကတည်းကသာမာန် ဘာသာရေးအသိပဲရှိပါတယ်... နောက်ပိုင်းမှ ဗုဒ္ဓဘာသာအကြောင်း အခြေခံကစဟောပြောညွှန်ပြတဲ့ဆရာတော်တွေကြောင့် နည်းနည်းပဲသိလာရပါတယ်...
ဒါပေမယ့် ကျွန်တော် အခု ရေမန်းကိစ္စကို သိပ်မကြိုက်ပါဘူး... ဆရာလေးက သူဘာသာ လာရောက်ကုသတယ်ဆိုရင် ဘာမှမပြောချင်ပါဘူး... အခုက တိုင်းအဆင့်ဆရာတော်က ပင့်လို့လာရတာတွေ/ ပါတီနိုင်ငံရေးရောထွေးလာတာတွေ ...စသည်ဖြင့်ပေါ့...

ကျွန်တော်ဖတ်ဘူးတယ် အိန္ဒိယမှာ သာသနာကွယ်ခြင်းအစက ပျောက်စေကိုယ်တော်တွေ များလာလို့ သာသနာအတုအယောင်တွေ များလာလို့ ဖြစ်တယ်ဆိုတာ... ဒီအတိုင်းဆို မြန်မာပြည်သာသနာအတွက်(ကြီးကြီးကျယ်ကျယ်ပြောရရင် )ရင်လေးမိပါတယ်

အဲ့ဒါနဲ့ပဲ ပုသိမ်က တရားဟောဓမ္မကထိက ဆရာတော်တစ်ပါးဆီကို ဆက်သွယ်..ရင်ဖွင့်တဲ့အခါမှာ ဆရာတော်ကပြောပါတယ် "'ဒကာတို့ ဒီလိုစိတ်ရှိတာ ၀မ်းသာပါတယ်တဲ့၊ သစ်ပင်မှန်တိုင်းရေလောင်းတာ ကောင်းရဲ့လား စဉ်းစားကြည့်ပေါ့" တဲ့... ဒီလိုပါပဲ...ပုသိမ်က ကျောင်းထိုင် ဆရာတော်တွေခမျာ.. ဥက္ကဌကြီးကလုပ်တာမို့ပြောမရ...ဗုဒ္ဓဘာသာဝင်အစစ် ပြည်သူတွေခမျာ အစိုးရကခွင့်ပြုတာမို့ ပြောမရဖြစ်နေပါတယ်... ကြားထဲက ရေသန့်ဘူးကတော့ရောင်းကောင်းလိုက်တာမှ..လွန်ပါလေရော ဟုတ်ကဲ့ပါ...

-မနက်တိုင်း မြန်မာ့အသံကလွှင့်တဲ့ တောင်တန်းသာသနာပြုဆရာတော်ကြီးရဲ့ ရေမန်းထက် တန်ခိုးကြီးတဲ့ ရေမန်း ကျွန်တော်တို့ ပုသိမ်မှာ တစ်ဘူးကို ၅၀၀ ကျပ်နဲ့ ၀ယ်နိုင်ပါတယ်....
-ကြားကတော့ ကြံ့ဖွံ့ပ်ါတီက အမြတ်ယူသွားတာပေါ့....
သာသနာတော် ထွန်းကားပြန့်ပွားရေး လုပ်နေတယ်ဆိုတာ တကယ်လား... မဟန (၄၇) ပါးသောဆရာတော်များကိုမေးပါရစေ...
ကြားဖြတ်ရွေးကောက်ပွဲမှ တရားမျှတစွာ မဲဆွယ်ကြရဲ့လား ရွေးကောက်ပွဲကော်မရှင်ကိုမေးပါရစေ....
နောင်မျိုးဆက်တွေ နိုင်ငံရေးနှလုံးသွင်း... ဘာသာရေးနှလုံးသွင်းမှန်ကြစေဖို့...

(10.3.2012) နေ့မှာ ထိုသီလရှင်ဆိုသူမှာ နောက်ဆုံးနေ့ကုသပြီး ဧရာဝတီတိုင်းဒေသကြီးသံဃာ့နာယက ဥက္ကဌဆရာတော်နှင့် ရေသန့်ဘူးအမြတ်ခွဲရာမှ စကားများရာ ည (၁၀း၀၀) နာရီခန့်တွင် သူတော်ကောင်းဆရာလေးဆိုသူ စိတ်ဆိုးပြီး ကျောင်းမှ ပြန်သွားကြောင်း ကြားသိရပါသည်။

ပုသိမ်မြို့ သံဃနာယကဥက္ကဌကျောင်းမှာ သီလရှင်တစ်ပါး တန်းခိုးနှင့်ဆေးကုသနေပုံ

ပုသိမ်မြို့ ခံတဦးရေးသားပေးပို့ လာတာပါ။
Myanmar News Now


မူရင်းလင့်က ဒီမှာပါ။