မန်မာနိုင်ငံတွင် နိုင်ငံရေး ဖြစ်စဉ်တိုးတက်မှုများ ရှိလာသည်ဟု ပြောဆိုနေ သော်လည်း နိုင်ငံရေး အကျဉ်းသား ၈၀၀ ကျော် ဆက်လက် ကျန်ရှိနေသေးကြောင်းထိုင်းနိုင်ငံအခြေစိုက် နိုင်ငံရေး အကျဉ်းသားများ ကူညီစောင့်ရှောက်ရေး အသင်း (AAPP) တွဲဖက် အတွင်းရေးမှူး ကိုဘိုကြည်က ပြောသည်။
ယခုနှစ် ဇန်နဝါရီလ ၁၃ ရက်နေ့က လွတ်ငြိမ်းချမ်းသာခွင့်အရ လွတ်လာမည့်သူများကို အင်းစိန်ထောင်ရှေ့တွင် စောင့်ကြိုနေကြသူများ (ဓာတ်ပုံ - ဧရာဝတီ)
“အခု နိုင်ငံရေးအကျဉ်းသား ၈၀၀ ကျော် ကျန်နေသေးတယ်။ ၄၀၀ ကျော်ကို အခိုင်အမာ ပြောနိုင်ပြီး ကျန် ၄၀၀ ကျော် က ဆက်လက် စုံစမ်းနေဆဲပဲ” ဟု ကိုဘိုကြည်က ဧရာဝတီသို့ ပြောသည်။
မကြာခင်က သမ္မတဦးသိန်းစိန်၏ လွတ်ငြိမ်းချမ်းသာ အမိန့်ဖြင့် နာမည်ကြီး နိုင်ငံရေးအကျဉ်းသားများ အပါအဝင် လွတ်လာပြီး နောက်ပိုင်း နိုင်ငံရေးအကျဉ်းသား လွတ်မြောက်ရေး တောင်းဆိုမှုများ အသံတိတ်သွားကြောင်း၊ ကျန်ရှိ နိုင်ငံရေး အကျဉ်းသားများကိုလည်း ချွင်းချက်မရှိ အမြန်ဆုံး ပြန်လွှတ်ပေးရန်လိုကြောင်း ၎င်းက ဆက်လက်ပြောသည်။
မြန်မာစစ်အစိုးရ အဆက်ဆက်က နိုင်ငံရေးအကျဉ်းသား မရှိကြောင်း အစဉ်အဆက် ငြင်းဆိုလေ့ရှိသော်လည်း ပြန်လွှတ်ပေးချိန်များတွင် နိုင်ငံရေးအကျဉ်းသားများ ပါဝင်သည်ကို ဖော်ပြလေ့ရှိကြောင်း၊ နိုင်ငံရေးအကျဉ်းသား အဓိပ္ပာယ် သတ်မှတ်ချက် ကွဲလွဲမှုအပေါ် မူတည်ပြီး ကိန်းဂဏန်း ကွာဟမှုရှိကြောင်းနှင့် နိုင်ငံရေး အကျဉ်းသားစာရင်း ပြုစုရာတွင် အခက်အခဲများရှိကြောင်း သိရသည်။
ကိုဘိုကြည်က “ကျနော်တို့ မသိသေးတဲ့ နယ်စပ်ဒေသက ရွာသူရွာသားတွေ အဖမ်းခံနေရတာတွေ ရှိတယ်။ သူတို့ကို စာရင်းပြုစုလို့ မရသေးဘူး။ စစ်ဖြစ်နေတာကြောင့်လည်း ပါတယ်။ ဘာသာစကား အခက်အခဲတွေကြောင့်လည်း ပါတယ်။ ထင်ရှားသူတွေ လွတ်တာနဲ့ နိုင်ငံရေးအကျဉ်းသား ကုန်သွားတာ မဟုတ်ပါဘူး” ဟု ဆိုသည်။
ယခုနှစ် ဇန်နဝါရီလ အတွင်းက လွတ်ငြိမ်းချမ်းသာခွင့် ကြေညာပြီးနောက် ပြည်ထဲရေးဝန်ကြီး ဒု ဗိုလ်ချုပ်ကြီး ကိုကိုက “ကျနော်တို့ဆီမှာ နိုင်ငံရေးအကျဉ်းသားခေါ်ခေါ်၊ ယုံကြည်ချက်ကြောင့် အကျဉ်းကျခံရသူဆိုဆို မရှိပါဘူး။
နိုင်ငံရေးလုပ်လို့ ဖမ်းရမယ့် ဥပဒေလည်း မရှိပါဘူး။ နိုင်ငံတော်တည်ငြိမ်ရေး၊ တရားဥပဒေ စိုးမိုးရေးကို နှောင့်ယှက်သူတွေကိုသာ ဖမ်းဆီးထားတဲ့အတွက် ကျနော်တို့ဆီမှာ နိုင်ငံရေးအကျဉ်းသားရှိတယ်လို့ မဆိုနိုင်ပါဘူး” ဟု ပြောဆိုခဲ့သည်။
ကိုဘိုကြည်က စစ်အစိုးရအဆက်ဆက် နိုင်ငံရေးပုဒ်မများထဲတွင် ပုဒ်မ ၅ ည၊ ပုဒ်မ ၁၂၂၊ ၁၄၃၊ ၁၄၄၊ ၁၄၅ အစရှိသည်ဖြင့် ပုံနှိပ် အက်ဥပဒေလည်း ပါဝင်ကြောင်း၊ ယခု နောက်ပိုင်း ထပ်တိုးလာသည့် အီလက်ထရောနစ်အက် ဥပဒေ ပုဒ်မ ၃၃ (က) စသည့် ဥပဒေ ပုဒ်မများနှင့် အဖမ်းခံထားရလျှင်လည်း နိုင်ငံရေးအကျဉ်းသားဟု သတ်မှတ်၍ရကြောင်း ပြောသည်။
လွတ်မြောက်လာသော နိုင်ငံရေးအကျဉ်းသားဟောင်းများ ပြန်လည်ပြုစု ပျိုးထောင်ရေးနှင့် ပတ်သက်၍လည်း AAPP က လုပ်ဆောင်နေကြောင်း၊ အဆင့်အလိုက် အမှန်တကယ် ထောက်ပံ့မှု လိုအပ်သည့် နိုင်ငံရေးအကျဉ်းသားဟောင်း စာရင်းကို ပြုစုနေကြောင်း သိရသည်။
နိုင်ငံရေး အကျဉ်းသားဟောင်းများ၏ တဦးချင်း အရည်အချင်းမြှင့်တင်ရေး၊ ဘ၀ရပ်တည်ရေးအတွက် အဓိက တာဝန်ရှိသူမှာ အစိုးရဖြစ်ပြီး နိုင်ငံရေးအကျဉ်းသားကို အသိအမှတ်ပြုရန်လိုကြောင်း ကိုဘိုကြည်က ဆိုသည်။
“နိုင်ငံရေးအကျဉ်းသားဟောင်း ရှေ့နေတွေဆို လိုင်စင်ပြန်မရတာတွေ၊ ကျောင်းသားတွေ ကျောင်းပြန်တက်ခွင့် မရတွေဟာ နှစ်ခါ အပြစ်ပေးခံရသလို ဖြစ်နေတယ်။ မတရားလည်း အဖမ်းခံခဲ့ရတယ်။ လွတ်လာတော့လည်း ကျောင်းဆက်တက်လို့ မရဘူး။ မူအရ အစိုးရက နိုင်ငံရေးအကျဉ်းသားတွေကို အသိအမှတ်ပြုဖို့ လိုတယ်။ အစိုးရကိုယ်တိုင်က နစ်နာခဲ့သူတွေအတွက် ပြန်ပြီး လုပ်ပေးသင့်တယ်” ဟု ကိုဘိုကြည်က ပြောသည်။
စစ်ထောက်လှမ်းရေးအကြီးအကဲဟောင်း ဗိုလ်ချုပ်ကြီး ခင်ညွန့် တာဝန်ယူခဲ့စဉ် ၁၉၈၉ ခုနှစ်က သံလျင် ရေနံချက်စက်ရုံ ဗုံးခွဲသည်ဟုဆိုကာ စွပ်စွဲဖမ်းဆီးခဲ့သည့် သံလျင်မြ်ို့နယ် အမျိုးသားဒီမိုကရေစီ အဖွဲ့ချုပ် (NLD) ပါတီဝင် ကိုသန်းဇော်သည် သရက် အကျဉ်းထောင်ထဲ၌ ယနေ့အထိ ရှိနေကြောင်း၊ အတူဖမ်းဆီး အပြစ်ပေးခံခဲ့ရသည့် ကိုညီညီဦးသည်လည်း မကြာခင်ကမှ ပြန်လည်လွတ်မြောက်လာကြောင်း၊ ထိုကဲ့သို့သော နစ်နာခဲ့ရသူ များစွာရှိနေကြောင်း ကိုဘိုကြည်က ထောက်ပြသည်။
“ဒီလို နစ်နာခဲ့ရတဲ့ သူတွေကလည်း ဦးခင်ညွန့်ဆီက မှားယွင်းကြောင်း ၀န်ခံရန်နဲ့ တာဝန်ယူသင့်ကြောင်း စာရေးတောင်းဆိုသင့် ထင်တယ်” ဟု ၎င်းက ဆိုသည်။
မြန်မာနိုင်ငံတွင် တောင်အာဖရိက သင်ခန်းစာကဲ့သို့ အမှန်တရား ဖော်ထုတ်ရေးနှင့် အမျိုးသားပြန်လည်သင့်မြတ်ရေး ကော်မရှင်ကဲ့သို့ ဖွဲ့စည်းရန် လိုအပ်နေကြောင်းလည်း ကိုဘိုကြည်က ပြောသည်။
ယခုအခါ ကိုဘိုကြည်သည် “ရေဆန်လမ်း” အမည်ရှိ နိုင်ငံရေး အကျဉ်းသားများအကြောင်း သရုပ်ဖော် မှတ်တမ်းရုပ်ရှင် ပြသရန် အမေရိကန် ပြည်ထောင်စုသို့ ရောက်ရှိနေသည်။ အမေရိကန် ပြည်နယ် ၆ ခုနှင့် တက္ကသိုလ် ၂၀ ကျော်တွင် အဆိုပါ မှတ်တမ်းရုပ်ရှင်ကို ပြသမည်ဖြစ်ကြောင်း၊ အမေရိကန်အစိုးရ တာဝန်ရှိသူများနှင့်လည်း တွေ့မည်ဖြစ်ပြီး နိုင်ငံရေး အကျဉ်းသားများအရေး စည်းရုံးလှုံ့ဆော်မည်ဖြစ်ကြောင်း သိရသည်။
“နိုင်ငံရေးအကျဉ်းသားတွေ အကုန် မလွှတ်သေးဘဲနဲ့ Sanction (ပိတ်ဆို့အရေးယူမှု) ကို အကုန်ရုပ်သိမ်းဖို့ မဖြစ်နိုင်သေးဘူး။ အမေရိကန်၊ ဥရောပသမဂ္ဂတွေကို ဒါနဲ့ပတ်သက်ပြီး ပြောဆိုဖို့ရှိပါတယ်” ဟု ၎င်းက ဆိုသည်။
မကြာသေးမီက သမ္မတ၏ လွတ်ငြိမ်းချမ်းသာအမိန့်ဖြင့် ပြန်လည်လွတ်မြောက်လာကြသော နိုင်ငံရေးအကျဉ်းသား ရဟန်းတော် ဦးဝီရသူ၊ ၈၈ မျိုးဆက် ကျောင်းသားများ၊ နိုင်ငံရေး အကျဉ်းသားဟောင်းများကလည်း ကျန်ရှိနေသေးသော နိုင်ငံရေးအကျဉ်းသားများအား အမြန်ဆုံး လွှတ်ပေးရန် တောင်းဆိုလှုပ်ရှားမှုများ ပြုလုပ်နေကြသည်။
လွတ်ငြိမ်းချမ်းသာခွင့်ကို ရက်ကြီးရက်မြတ်မှ မဟုတ်ဘဲ အခွင့်သင့်သည့်နေ့တွင် ပြုလုပ်မည်ဖြစ်ပြီး နိုင်ငံရေးအကျဉ်းသား စာရင်းများရှိပါက ပေးပို့ရန်နှင့် ပြည်ထဲရေးဝန်ကြီးဌာနက စိစစ်သွားမည်ဖြစ်ကြောင်း ဒု ဗိုလ်ချုပ်ကြီး ကိုကိုက ယခုနှစ် ဇန်နဝါရီလ အစောပိုင်းတွင် ပြောဆိုထားသည်။
ဆက်စပ်သည့် သတင်း
နိုင်ငံရေးအကျဉ်းသားများ လွှတ်ပေးသည်မှာ တောင်းဆိုမှုကြောင့် မဟုတ်
(http://burma.irrawaddy.org/archives/4863)
မူရင်းလင့်က ဒီမှာပါ။
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။