၂၁.၅.၂၀၁၄ ရက်နေ့ နေ့လည် ၁ နာရီ ၂၅ မိနစ် ခန့်က အင်းလျားလမ်းပေါ် ဘင်္ဂလားဒေ့ရ်ှသံရုံး မျက်စောင်းထိုး ပညာရေးဝန်ကြီးဌာန၊ ကွန်ပျူတာ တက္ကသိုလ်(ဗဟန်း)ရှေ့တွင် ယာဉ်မောင်း ကိုစိုးမိုး မောင်းနှင် လာသော AA- 6670 နံပါတ် တိုယိုရိုတာ Fielder ယာဉ်ကို အမျိုးသားတစ်ဦးမှ တားသဖြင့် ယာဉ်မောင်းမှ ရပ်ပေးရန်ပြုစဉ် ကားမရပ်ခင် ဘီးလိမ့်နေစဉ်မှာပင် ကားတားသူမှ ကားနောက်ခန်းအား ဆွဲဖွင့်ဝင်ထိုင်ပြီး ယာဉ်မောင်း အား နောက်ဖက်မှ လည်ပင်းညှစ်ကာ အဆက်မပြတ် လက်သီးဖြင့်ထိုးသဖြင့် ယာဉ်မောင်းမှာ ကားတံခါးဖွင့် အတင်းပြေးဆင်းခဲ့ရသည် ဆို၏။
ယာဉ်မောင်းဆင်းသွားပြီးနောက် ကားနောက်ဖက်ခန်းရှိ ကားတားသူမှာ ကားရှေ့ခန်းသို့ ကျော်ဝင်၍ အင်းလျားလမ်းအတိုင်း တောင်မှမြောက်သို့ မောင်းနှင်ကာ ကားအားလုယူထွက်ပြေးသွားခဲ့ပါသည်။
ထိုသို့ မောင်းနှင်ထွက်ပြေးစဉ် ရှေ့ကားများအား ကျော်တက်ရန် လမ်းပြောင်းပြန်ဘက်ပါ ခွမောင်းသွား သဖြင့် မျက်နှာချင်းဆိုင်ကားများ နှင့် ဘေးချင်းကပ် ကားများကို ပွတ်တိုက်ကာ ယာဉ်တိုက်မှုများ ဖြစ်ပွားခဲ့ပြီး အင်းလျားလမ်း နှင့်တက္ကသိုလ်ရိပ်သာလမ်းထောင့် မီးပွိုင့်အနီးသို့အရောက် တာဝန်ကျ ယာဉ်ထိန်းရဲမှ ယာဉ်တိုက်မှုအား စစ်ဆေးရန် ရောက်လာစဉ် အဆိုပါ ယာဉ်ထိန်းရဲအား ကားတွင်းမှလှမ်း၍ အဆက်မပြတ် လက်သီးဖြင့် ထိုးကြိတ်ခဲ့ပါသည်။ ကမာရွတ် ယာဉ်ထိန်းရဲတပ်ဖွဲ့စုမှ တာဝန်မှူး ဒုရဲအုပ် စိုင်းထွန်းလင်းနိုင် နှင့်အဖွဲ့မှ စကားပြောစက်မှ သတင်းပို့ချက်ဖြစ်စဉ်များကြောင့် ၅ မိနစ်အတွင်း အခင်းဖြစ် နေရာသို့ ရောက်ရှိ ကာ အနီးရှိ ပြည်သူများ နှင့် ယာဉ်ထိန်းရဲတို့ ပူးပေါင်းပြီး ကားလုယက်သူအား ဖမ်းဆီးခဲ့ပါသည်။ ကားလုခံရသူ တက္ကစီ ယာဉ်မောင်းမှလည်း ကားပိုင်ရှင်နှင့်အတူ ရောက်ရှိလာပါသည်။
ယာဉ်မောင်း၏ လက်သီးများအဆက်မပြတ်ထိုးမှုကြောင့် တက္ကစီမောင်းသူ ပွန်းပဲ့ဖူးယောင်ဒဏ်ရာရရှိခဲ့ပြီး ယာဉ်ထိန်းရဲ၏ ယာဘက်မျက်ခွံကွဲသွားခဲ့ပါသည်။
ကားလုယက်သူမှာ စိုးပြည့်မွန်၊ ၂၇ နှစ်၊ မ/မရှိ၊ အလတ်ချောင်းကျေးရွာ၊ ကြည့်မြင်တိုင်တစ်ဖက်ကမ်းနေသူ ဖြစ်ကြောင်းသိရပြီး ကားလုယက်မှုအတွက် ပုဒ်မ ၃၈၂ ဖြင့်လည်းကောင်း၊ တာဝန်ထမ်းဆောင်နေသော ယာဉ်ထိန်းရဲအား ထိုးကျိတ်မှုဖြင့် ပုဒ်မ ၃၃၂ ဖြင့်လည်းကောင်း၊ ယာဉ်တိုက်မှုအတွက် ပုဒ်မ ၂၇၉ တို့ဖြင့် အသီးသီး အမှုဖွင့် ဆောင်ရွက်လျက်ရှိကြောင်း သတင်းရရှိပါသည်။
Thit Htoo Lwin
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။