UNFC နှင့် သီးသန့်တွေ့ဆုံရန် ပြည်တွင်းတိုင်းရင်းသား အဖွဲ့များ ထိုင်းနိုင်ငံသို့ထွက်ခွာ

ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ (UNFC)နှင့် သီးသန့်တွေ့ဆုံရန် ပြည်တွင်း တိုင်း ရင်းသားအဖွဲ့များ ဇူလိုင် ၂၆ ရက်တွင် ထိုင်းနိုင်ငံသို့ ထွက်ခွာသွားကြောင်း ရှမ်းတိုင်းရင်းသားများ ဒီမို ကရေစီ အဖွဲ့ချုပ် ပြောရေးဆိုခွင့်ရှိသူ ဦးစိုင်းလိတ်က The Daily Eleven သို့ ပြောကြားသည်။

ထိုင်းနိုင်ငံသို့ ထွက်ခွာသွားသော တိုင်းရင်းသား အဖွဲ့များမှာ ညီညွတ်သော တိုင်းရင်းသား လူမျိုးများ မဟာမိတ်(UNA) အဖွဲ့ဝင်များဖြစ်သော ရခိုင်ဒီမိုကရေစီ အဖွဲ့ချုပ်မှဥက္ကဋ္ဌ ဦးအေးသာအောင်၊ ဇိုမီးဒီမို ကရေစီ အဖွဲ့ချုပ်မှ ဥက္ကဋ္ဌ ဦးပူကျင့်ရှင်းထန်၊ ရှမ်းတိုင်းရင်းသားများ ဒီမိုကရေစီ အဖွဲ့ချုပ် အတွင်းရေးမှူး ဦးစိုင်းညွန့်လွင်နှင့် မွန်ဒီမိုကရေစီပါတီမှ ဒုတိယဥက္ကဋ္ဌ အပါအ၀င် စုစုပေါင်း အဖွဲ့ဝင်ကိုးဦး ပါဝင်ကြောင်း သိရသည်။

''UNFC အဖွဲ့နဲ့ UNA အဖွဲ့က သီးသန့်တွေ့ဆုံတာပါ။ တွေ့ဆုံမှု လုပ်ငန်းတွေ ပြီးပြတ်ရင် ဇူလိုင် ၂၇ ရက် လောက် မြန်မာနိုင်ငံကို ပြန်ရောက်ပါမယ်'' ဟု ရှမ်းတိုင်းရင်းသားများ ဒီမိုကရေစီအဖွဲ့ချုပ် ပြောရေးဆိုခွင့် ရှိသူ ဦးစိုင်းလိတ်က ပြောကြားသည်။

ညီညွတ်သော တိုင်းရင်းသား လူမျိုးများ မဟာမိတ် (UNA) အဖွဲ့သည် ထိုင်းနိုင်ငံ၌ UNFC အဖွဲ့နှင့် သီး သန့်တွေ့ဆုံ ဆွေးနွေးရန် ပြုလုပ်ထားသော်လည်း ဇူလိုင် ၂၈ ရက်မှ ၃၁ ရက်အထိ ထိုင်းနိုင်ငံတွင် လေး ရက်ကြာ ကျင်းပမည့် UNFC မှ ဦးဆောင်ပြုလုပ်မည့် တိုင်းရင်းသားညီလာခံသို့ တက်ရောက်ရန်ရှိကြောင်း စုံစမ်းသိရှိရသည်။

ညီလာခံသို့ တက်ရောက်ရန် ပြည်တွင်း၊ ပြည်ပမှ တိုင်းရင်းသား အဖွဲ့အစည်းများ၊ နိုင်ငံရေးပါတီများ၊ နိုင်ငံရေး အဖွဲ့အစည်းများ၊ လူထုအခြေပြု လူမှုအဖွဲ့များအား ဖိတ်ကြားထားကြောင်းနှင့် တက်ရောက် မည့်သူများ စာရင်းကို ညီလာခံ စတင်မည့် ဇူလိုင် ၂၈ ရက်တွင် ထုတ်ပြန်ပေးမည် ဖြစ်ကြောင်း UNFC အဖွဲ့ အထွေထွေအတွင်းရေးမှူး ဗိုလ်မှူးကြီး ခွန်ဥက္ကာက The Daily Eleven သို့ ပြောကြားသည်။

Eleven Media Group