ပြည်ထောင်စု လွှတ်တော်သို့ နိုင်ငံတော်သမ္မတမှ သဘောထား မှတ်ချက်များဖြင့် ပြန်လည်ပေးပို့သည့် လာဘ်ပေးလာဘ်ယူမှု ပပျောက်ရေး ဥပဒေကြမ်း အမည်ကို သမ္မတ၏ မှတ်ချက်အတိုင်း 'အဂတိ လိုက်စား မှု တိုက်ဖျက်ရေး ဥပဒေ' ဟု ပြောင်းလဲရန် ပြည်ထောင်စု လွှတ်တော်က အတည်ပြု လိုက်သည်။
ဇူလိုင် ၂၆ ရက်က ကျင်းပသည့် ပြည်ထောင်စု လွှတ်တော် အစည်းအဝေးတွင် နိုင်ငံတော်သမ္မတမှ ပြင်ဆင်
ရန် သဘောထား မှတ်ချက် ၁၂ ချက်အထိ ပါဝင်သော လာဘ်ပေးလာဘ်ယူမှု ပပျောက်ရေး ဥပဒေကြမ်း အပေါ် ပြင်ဆင် အတည်ပြုနိုင်ရန် လွှတ်တော် ကိုယ်စားလှယ်များက မဲခွဲဆုံးဖြတ် ခဲ့ကြသည်။
နိုင်ငံတော် သမ္မတ၏ သဘောထား မှတ်ချက် ၁၂ ချက်ထဲတွင် ပြည်ထောင်စု လွှတ်တော်မှ ယခင် အတည်
ပြုခဲ့သည့် လာဘ်ပေးလာဘ်ယူမှု ပပျောက်ရေး ဥပဒေကြမ်း အမည်အား 'အဂတိ လိုက်စားမှု တိုက်ဖျက်ရေး ဥပဒေ' ဟု ရေးသားရန် သင့်၊ မသင့် မှတ်ချက်ပါဝင်ခဲ့ပြီး ပြည်ထောင်စု လွှတ်တော်အတွင်း မဲခွဲဆုံးဖြတ်ရာ အများစုက ပြင်ဆင်ရန် ထောက်ခံခဲ့သည့် အတွက် ပြည်ထောင်စု လွှတ်တော်နာယကက နိုင်ငံတော် သမ္မတ ၏ မှတ်ချက်အတိုင်း ပြောင်းလဲရန် အတည်ပြုလိုက်ခြင်း ဖြစ်သည်။
ယင်းအပြင် ကျန်ရှိသည့် နိုင်ငံတော် သမ္မတ၏ သဘောထား မှတ်ချက် ၁၁ ချက်ကို ထပ်မံ၍ မဲခွဲဆုံးဖြတ်ခဲ့ ရာ လာဘ်ပေးလာဘ်ယူမှု ပပျောက်ရေး ဥပဒေကြမ်းပါ ပုဒ်မ (၃၂)ပါ 'စုံစမ်းထောက်လှမ်းရန် လိုအပ်သည်
ဟု ယူဆလျှင် စုံစမ်းစစ်ဆေးရေးအဖွဲ့ (သို့မဟုတ်) စစ်ဆေးရေးမှူး တစ်ဦးဦးအား ဘဏ်တစ်ခုခုကို စုံစမ်း
စစ်ဆေးရန် အောက်ပါလုပ်ပိုင်ခွင့်များ အပ်နှင်းနိုင်သည်' စကားရပ်တွင် ပါဝင်သည့် 'ဘဏ်တစ်ခုခုကို စုံစမ်း စစ်ဆေးရန်' စကားရပ်အစား 'ဘဏ်တစ်ခုခုရှိ စွပ်စွဲခံရသူနှင့် သက်ဆိုင်သော ဘဏ်စာရင်းများကို စုံစမ်း စစ်ဆေးရန်' ဆိုသည့် စကားရပ်အဖြစ် ပြင်ဆင်ရန်ဟူသော နိုင်ငံတော်သမ္မတ၏ သဘောထား မှတ်ချက်
တွင်လည်း ထောက်ခံမဲ အများစုဖြင့် သမ္မတ သဘောထားအတိုင်း ပြည်ထောင်စု လွှတ်တော်မှ အတည်ပြုခဲ့ သည်။
နိုင်ငံတော်သမ္မတ၏ သဘောထား မှတ်ချက်(၁၂)ချက်တွင် အဆိုပါ နှစ်ချက်ကိုသာ သမ္မတ သဘောထား မှတ်ချက်အတိုင်း ပြင်ဆင်ရန် ပြည်ထောင်စု လွှတ်တော်မှ ကျန် (၁၀)ချက်စလုံးအား ယခင် ပြည်ထောင်စု လွှတ်တော်မှ အတည်ပြုထားသည့် အတိုင်းသာ ပြန်လည်အတည်ပြုခဲ့ခြင်း ဖြစ်သည်။
ယခု ပြည်ထောင်စု လွှတ်တော်တွင် အတည်ပြုပြီးသည့် ဥပဒေကြမ်းအား နိုင်ငံတော်သမ္မတထံ ပြန်လည်
ပေး ပို့ သွားမည်ဖြစ်ကြောင်း၊ နိုင်ငံတော် သမ္မတမှ ပြင်ဆင်ရန် မရှိပါက ယခုအတိုင်းသာ အတည်ပြုမည် ဖြစ်ကြောင်း သိရသည်။
Eleven Media Group
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။