အခွင့်အလမ်းတွေ ကုန်ဆုံး အဆုံးသတ်ရတော့မည့် NLD

ဒေါ်အောင်ဆန်းစုကြည် အသက် ၇၀ နီးလာပါပြီ။ သူ့ပညာ သူ့အတွေ့အကြုံ နဲ့ သူ့အရည်အချင်း အစွမ်းကုန် ထုတ်ဖေါ်.မြန်မာနိုင်ငံအတွက် အသုံးချ ဖို့ အခွင့်အရေး ရပါဦးမလား..သံသယ ဖြစ်လာပါ၏။ နိုင်ငံရဲ့ အင်စတီကျူးရှင်း ကြီး ၂ခု ရဲ့ထောက်ခံမှု ရခဲ့လျှင် ဒေါ်စုအတွက် အခွင့်အလမ်းရနိုင်ခြေရှိပါသည်။ သို့သော်.. ယခုကား အရင်လိုမဟုတ်ပြီ။ ဒေါ်စုကို ယခင်က အသဲထဲနှလုံးထဲက လက်ခံမြတ်နိုး ယုံကြည်ကိုးစား သူအရေအတွက် တဖြေးဖြေး လျော့ကျလာသည်။ပြည်သူအချို့က NLD နှင့် မူဆလင် တွဲမြင်နေကြပြီး၊ ခွပ်ဒေါင်းကနေ .မွတ်ဒေါင်းဖြစ်သွားပြီဟု ပင် ပြောလာကြပါပြီ။

မြန်မာပြည်သူအများစုမှာ ကျေးလက်တောရွာတွင်နေထိုင်ကြပါ၏။ ကျေးလက်ပြည်သူအများစုမှာ အနေအေးပြီး ရိုးသားကြသည်။ ၂၀၁၁ ကြားဖြတ်ရွေးကောက်ပွဲ တွင် ဒေါ်စုပါတီ NLD. ပြည်သူ့ပါတီ NLD ဟုကြွေးကြော်. ကျွန်းစုမြို့နယ် ကြားဖြတ်ရွေးကောက်ပွဲတွင် NLD အမတ်လောင်း ဒေါ်တင်တင်ရီကို တခဲနက် မဲပေးကြပါ၏။ ငွေအား လူအား နှင့် အခွင့်အရေး သြဇာ.. USDA ကို NLD ဘယ်လိုမှ မယှဉ်နိုင်။ သို့သော် ပြည်သူတို့၏ နှလုံးသားတွင် ဒေါ်စု ရှိ၏။ သူတို့သည် ဒေါ်တင်တင်ရီကို မသိ. ဒေါ်စု ကို သိသည်။ ဒေါ်တင်တင်ရီကို မမြင်ဖူး..ဒေါ်စု ပုံကို အိမ်နံရံ ကပ်ချိတ်ထားကြသည်။ တစ်ချို့က မိမိ အိမ်ရှေ့ ဆိုင်းဘုတ်ချိတ်ပြီး NLD အမတ်လောင်းကို မဲပေးရန် အချင်းချင်းနိုးဆော် သတိပေး ရွေးကောက်ပွဲ နွဲခဲ့ကြပါ၏။ ထိုစဉ်က ပြည်သူ့လွှတ်တော် NLD အမတ်လောင်း ဒေါ်တင်တင်ရီ နှင့် USDA အမတ်လောင်း ဦးချစ်သန်း.တို့ ကျွန်းစုမြို့နယ်တွင် အပြိုင်အရွေးခံကြသည်။

ပညာ အတွေ့အကြုံ နှင့်အုပ်ချုပ်ရေး စွမ်းရည် ဦးချစ်သန်းက သာပါ၏။ သို့သော်..လူထုက ဒေါ်စုမျက်နှာဖြင့် NLD ကို တခဲနက်မဲပေးကြသည်။ ဒေါ်တင်တင်ရီ ရွေးကောက်ခံ အမတ် ဖြစ် လွှတ်တော်တက်နေရလေပြီ။ သို့သော်.... ယခုအခါ အခြေအနေတစ်ချို့ပြောင်းလဲစ ပြုလာနေပြီ။ ကျေးရွာလုံးကျွတ် NLD မှ NLD. သို့သော် အမျိုးဘာသာ နဲ့ စပ်လာရင် NLD က သာမည ဖြစ်သွားလေပြီ။ အမျိုးစောင့် ဥပဒေ ကို ထောက်ခံကြောင်းလက်မှတ်ထိုး..ရွာဦးဘုန်းတော်ကြီး နဲ့ အတူ တသားတည်းရှိနေသည်ဟု ကြားသိရပါ၏။

တကယ်တော့ သံဃာထုသည် အမျိုးသားရေးကို ဘယ်တော့မှ သစ္စာမဖောက်ခဲ့။ ၂၀၀၇ အရေးအခင်း..သံဃာထုသည် ပြည်သူနှင့် တသားတည်း.. ရပ်တည် ..န.အ.ဖ စစ်အစိုးရကို အံတု ရင်ဆိုင် ခဲ့ကြသည်။ ရဟန်း သံဃာတော် အချို့ သေသူ သေ. ပြေးသူပြေး.. ထောင်ကျသူကျ။ထိုစဉ်အခါက ဒီမိုကရေစီ ဘက်တော်သား များ သံဃာထု ကိုလက်ခုပ်တီး.. ၊ ပြည်သူ့ဘုန်းဘုန်း တို့ဘုန်းဘုန်း အဖြစ် ဂုဏ်တင်ကြွေးကြော်ခဲ့ပါ၏။

ထို့ကြောင့်ပင် လောကီ လောကုတ် စာပေအခြေခံ နည်းလှ တဲ့ ဦးဂမ္ဘီရ (အတန်းပညာ ၃ တန်း၊ ဘုန်းကြီးကျောင်း ပညာ ပထမငယ် တန်း.ဟုဆို) ဒီမိုကရေစီ ဘက်တော်သားတို့ရဲ့ သူရဲကောင်း ဖြစ်လာခဲ့ရ သည်။ ယခု ၂၀၁၃ တွင် အခြေအနေကား ပြောင်းပြန်ဖြစ်ပါ၏။သံဃာတော်များ အမျိုးဘာသာ သာသနာအရေး အတွက် ရတက်မအေး ဘ၀င်မကျတော့။ ခေတ်ပညာ နဲ့ လောကုတ္တရာ စာတတ် ကျမ်းတတ်အကျော် ဆရာတော် များ ပေါင်းစု အင်းစိန် အောင်ဆန်းတောရ တွင် စုစည်းမိကြပါပြီ။

ထိုဆရာတော်များတွင် နိုင်ငံခြားတက္ကသိုလ်များမှ BA.MA.PhD နှင့် လောကုတ္တရာစာပေ တိပိဋက.အဘိဝံသ ဘွဲ့ရ များပါဝင်ကြပါ၏။အမျိုးသားရေး သည် ပထမ ဟု သီတဂူဆရာတော်ကြီးက သြ၀ါဒပေးတော်မူ၏။ ဒီမိုကရေစီ ရှေ့ဆောင် အင်္ဂလန် နှင့် အမေရိကန် ပင်လျှင် အမျိုးသားရေးနှင့် ယှဉ်၊ လူ့အခွင့်ရေုးကို နောက်ပို့ ချောင်ထိုးထားသည်မှာ ပကတိအမှန်တရား။ သို့သော်ငြားလည်း Pro-NLD နှင့် လူ့အခွင့်ရေးသမား ဆိုသူများက အမျိုးသားရေး ပထမ ဆိုသည်ကို မကျေနပ်။ ၂၀၀၇ ခု အရေးအခင်း ကာလ န.အ.ဖ စစ်အစိုးရ နဲ့ မခြား ဒီမိုဖက်တော်သား ဆိုသူများ သံဃာထုကို ပြုမူ ပြောဆို စွပ်စွဲ ကဲ့ရဲ့ ကြလေပြီတည်း။ Time Magazine က ဦးဝီရသူကို Buddhist Terror ဟု စွပ်စွဲ၏။ Pro-NLD နှင့် လူ့အခွင့်ရေးသမား ဆိုသူများက လက်ခုပ်လက်ဝါးတီးချီးကျူး၊ Time Magazine ကို သူကောင်းပြုကြ၏။ ထိုစွပ်စွဲချက်ကို သံဃာထုက လက်မခံပေ။ ဦးဝီရသူဖက်မှ ရပ်တည် ပြန်လည်တုန့်ပြန်ချေပကြပါသည်။

အဘယ်ကြောင့်ပါနည်း။ အဖြေရှိပါသည်။ ထိုအဖြေကို ဒီမိုဖက်တော်သား ဆိုသူများ လေ့လာသင့်သည်။ တကယ်တော့ သံဃာအဖွဲ့စည်းသည် နှစ်ပေါင်း ၂၅၀၀ ကျော် ရှည်ကြာ တည်ရှိနေသော အင်စတီကျုကြီးဖြစ်ပါ၏။ စည်းမျဉ်းစည်းကမ်း ဥပဒေသ လုပ်ထုံးလုပ်နည်းများ စံ အတိအကျ ရှိပါ၏။ ထိုစံ နဲ့တိုက် ကိုက်ညီပါလျှင် ထိုသူသည် အပြစ်ကင်းသူဟု သာ မှတ်ယူပါ၏။ ထို စံ မသိ၊ စံ မညှိ သမျှ အဘယ်သူ ခွဲ ကွဲနိုင်ပါအံ့နည်း။ တကယ်တော့ ပြည်သူများကား သနားစရာ။

န.အ.ဖ ကို မကြိုက်ကြ။ ၂၀၁၀ ရွေးကောက်ပွဲ ဒီမို ဖက်တော်သား မပါ၍ ပြည်သူအများ မချိတင်ကဲ ဖြစ်ကြသည်။

တစ်ချိုပြည်သူများ မဲပေးခွင့်ပင်မရလိုက်ကြ။ ကျွန်းစု.တနင်္သာရီ.ဘုတ်ပြင်းမှ USDA အမတ်လောင်းတို့ အော်တို အမတ်ဖြစ်လာကြပါ၏။ ၂၀၁၁ ကြားဖြတ်ရွေးကောက်ပွဲ လစ်လပ်တစ်နေရာ ကျွန်းစု NLDအမတ်လောင်း ကို ပုံအောမဲပေးကြသည်။ ၂၀၁၅ အတွက် အားခဲ NLD ကိုပဲ မဲပေးမည်ဟု ကြိုတင် ကြံရွယ် ထားကြပြီးဖြစ်ပါ၏။ သို့သော်..အမျိုးဘာသာ သာသနာ နဲ့ စပ်လာသောအခါ တွင်မူကား...NLD အတွက် စိုးရိမ်စိတ်ဝင်လာရပေပြီ။ ရလာဒ်အဖြေအတွက် . ၂၀၁၅ စောင့်ကြည့်ရပေတော့မည်။

From:Myeik Voice