၁၁ နဲ့ ၃၉

ဗိုလ်ကြီးဟောင်း နေမျိုးဇင်က သူ လေးစား ကြည်ညိုမိတဲ့ တပ်မတော်သားဟောင်ကြီး တဦးဖြစ်သူ ဗိုလ်ချုပ် လွန်းမောင် ( ငြိမ်း ) ကို သွားရောက် နှုတ်ဆက်စကားပြောစဉ် ရိုက်ကူး ထားတဲ့ ဓာတ်ပုံလို့ သိရပါတယ်။

လူမှုရေးလုပ်ငန်းတွေကို လုပ်ကိုင်နေသူ နိုင်ငံရေး အကျဉ်းသားဟောင်းလည်း ဖြစ်တဲ့ ဦးနေမျိုးဇင်က အဲဒီဓာတ်ပုံ ကို သူ့ဖေ့စ်ဘုတ်မှာ တင်ထားပြီး မှတ်ချက်လေးတခုကိုလည်း အခုလို ရေးထားပါ တယ်။ 

“၁၁ ၏ အစဉ်အလာကောင်းများအား ၃၉ မှ ဆက်လက် ထိမ်းသိမ်းနိုင်ရန် ကြိုးစားမည်ဖြစ်ပါသည်” တဲ့။ 

၁၁ နဲ့ ၃၉ ဆိုတာ စစ်တက္ကသိုလ် အပတ်စဉ်တွေကို ဆိုလိုတာဖြစ်ပြီး အခုလို ပြည်သူချစ်ခင်လေးစားတဲ့ စစ်တက္ကသိုလ် ကျောင်းဆင်းတွေ ရှိနေတယ်ဆိုတာ ဖော်ပြလိုက်တာလည်းဖြစ်ပါတယ်။ 

ဗိုလ်ချုပ်ဟောင်း လွန်းမောင်နဲ့ပတ်သက်ပြီး ဧရာဝတီက တွေ့ဆုံမေးမြန်းခန်းတခုကိုလည်း လွန်ခဲ့တဲ့ လ အနည်းငယ်က ပြုလုပ်ပြီး ဧရာဝတီ မြန်မာပိုင်းစာမျက်နှာမှာ နောက်ကျော ဓားနဲ့ အထိုးခံခဲ့ရတာ (http://burma.irrawaddy.org/archives/40167) ဆိုတဲ့ ဧရာဝတီ သတင်းထောက် မေခ ရဲ့ အင်တာဗျူး ကဏ္ဍမှာ ဖော်ပြခဲ့ပါသေးတယ်။ 

တချိန်က စာရင်းစစ်ချုပ်၊ ဗိုလ်ချုပ်လွန်းမောင်ဟာ တာဝန်က အနားယူလိုက်ပြီးနောက်ပိုင်း ဇနီးသည်ရဲ့ ထမင်းဆိုင်မှာပဲ အတူတကွ ဘ၀ကို ဖြတ်သန်းနေသူတဦးလည်းဖြစ်ပါတယ်။ 

Credit : http://blog.irrawaddy.org/2013/07/blog-post_9032.html