၁၅ကြိမ်မြောက် NBF ညီလာခံတွင် တိုင်းရင်းသားများ၏ ရပိုင်ခွင့် ဆွေးနွေးမည်

လာမည့်ဇွန် ၁၁ရက်မှ ၁၂ရက်နေ့အထိ တောင်ကြီး မြို့၌ ညီနောင်တိုင်းရင်းသားများ ဖက်ဒရေးရှင်း (NBF)အဖွဲ့ဝင်များ၏ ၁၅ကြိမ် မြောက် ညီလာခံ ကျင်းပမည်ဖြစ်ပြီး ညီလာခံတွင် တိုင်းရင်းသား များ၏ ရပိုင်ခွင့်နှင့် ပတ်သက်၍ ဆွေးနွေးသွားမည် ဖြစ်ကြောင်း ယင်းအဖွဲ့ဝင် တိုင်းရင်းသားပါတီများက ယမန်နေ့ က ပြောကြား လိုက်သည်။

“ဒီဆွေးနွေးပွဲက တိုင်းရင်းသားပါတီတွေရဲ့  ဆွေးနွေး ပွဲဖြစ်တဲ့အတွက် တိုင်းရင်းသားကိစ္စတွေ ကိုပဲ ဆွေးနွေး မယ်။ ဆွေးနွေးပွဲမှာ ၂၀၀၈ ဖွဲ့စည်းပုံ ပြင်တဲ့အခါ တိုင်းရင်းသားများရဲ့ ရပိုင်ခွင့်နဲ့ အခွင့်အရေး၊ နောက် ဖက်ဒရယ်ပြည်ထောင်စုကိစ္စတွေကို ဆွေးနွေး သွားမယ်”ဟု NBF အဖွဲ့ဝင်ဖြစ်သည့် ရခိုင်တိုင်းရင်းသားများ တိုးတက်ရေးပါတီ(RNDP) အထွေထွေအတွင်းရေးမှူး ဦးဦးလှစော က ကေအိုင်စီသို့ ဆိုသည်။

NBF အဖွဲ့ဝင် တိုင်းလိုင်(ရှမ်းနီ)အမျိုးသားများ ဖွံ့ဖြိုးတိုးတက်ရေးပါတီမှ ပြောရေးဆိုခွင့်ရှိသူ ဦးစောထွန်းဝင်း က ဖွဲ့စည်းပုံ အခြေခံ ဥပဒေပြင်ဆင်ရာတွင် တိုင်းရင်းသားလူနည်းစုအခွင့်အရေးများ၏ ရပိုင်ခွင့်နှင့် ပတ်သက်၍ ပြင်ဆင်သင့်သည့်အချက်များကို ၎င်း တို့ပါတီမှ အဓိကထား ဆွေးနွေးရန် စီစဉ်ထားကြောင်း လည်း ပြောသည်။

ယခုပြုလုပ်မည့် ညီလာခံတွင် ညီနောင်တိုင်းရင်းသားများဖက်ဒရေးရှင်းအဖွဲ့ဝင် တိုင်းရင်းသားပါတီ (၁၃)ပါတီနှင့် ထပ်မံ တိုးလာ သည့် နှစ်ပါတီ အပါအ၀င် စုစုပေါင်း ၁၅ပါတီက ဆွေးနွေးဆုံးဖြတ် သွားမည်ဖြစ်ပြီး ဖွဲ့စည်းပုံအခြေခံဥပဒေပြင်ရာတွင် တိုင်းရင်း သားများ ရပိုင်ခွင့်ကို ပြင်ဆင် ဖြည့်စွက်နိုင် ရန် ဆွေးနွေးသွား မည်ဟု သိရသည်။

ရှမ်းတိုင်းရင်းသားများဒီမိုကရက်တစ်ပါတီ အထွေထွေအတွင်းရေးမှူး ဦးစိုင်းလှကျော်က “အဓိကကတော့ ဖက်ဒရယ်ပြည်ထောင် စုပါတီ တည်ထောင်ဖို့ ကျနော်တို့ ပြီးခဲ့တဲ့ နေပြည်တော်မှာ လုပ်တဲ့ NBF ရဲ့ ၁၄ကြိမ်မြောက် ဆွေးနွေးပွဲမှာ သဘောတူထားတာ လေ။ နောက် ဖွဲ့စည်းပုံ အခြေခံဥပဒေ ပြင်တဲ့အခါ တိုင်းရင်းသားရပိုင်ခွင့်နဲ့ ပတ်သက်ပြီး ပယ်ဖျက်သင့်တာ၊ ပြင်ဆင်သင့်တာ၊ ဖြည့်စွက်သင့်တာတွေနဲ့ ပတ်သက်ပြီး ထည့်သွင်းဆွေးနွေးသွားဖို့ ရှိပါတယ်။ ဖွဲ့ စည်းပုံပြင်တဲ့အခါ အခုဆွေးနွေးထားတဲ့ အချက် တွေကို တစ်ပါတီချင်းအနေနဲ့ရော NBF အနေနဲ့ပါ လွှတ်တော်မှာတင်ပြသွားဖို့ ရှိပါတယ်”ဟု ပြော သည်။

NBF ညီလာခံ၌ ၂၀၁၅ ရွေးကောက်ပွဲတွင် PR စနစ်ကျင့်သုံးမည်ဆိုပါက တိုင်းရင်းသားဒေသများအတွင်း မဲရရှိမှု မဆုံးရှုံးစေရန် ရည်ရွယ်ကာ အဖွဲ့ဝင် တိုင်းရင်းသားပါတီများ စုပေါင်း၍ ဖက်ဒရယ်ပါတီတစ်ခု ထူထောင်ရေးကိစ္စတို့ကိုလည်း ဆွေးနွေးသွားမည်ဟု NBF အဖွဲ့ဝင် ရှမ်းတိုင်းရင်းသားများ ဒီမိုကရက် တစ်ပါတီမှ ပြောခွင့်ရှိသူ ဦးစောသန်းမြင့်က ယခုနှစ် မေလဆန်းပိုင်း က ပြော ကြားခဲ့သည်။

ညီနောင်တိုင်းရင်းသားများ ဖက်ဒရေးရှင်း (NBF) ကို ၂၀၁၀ ရွေးကောက်အပြီး ရှမ်းတိုင်းရင်းသား များဒီမိုကရက်တစ်ပါတီ၊ ရခိုင်တိုင်းရင်းသားများဖွံ့ဖြိုးတိုးတက်ရေးပါတီ၊ မွန်ဒေသလုံးဆိုင်ရာ ဒီမိုကရေစီ ပါတီ၊ ချင်းအမျိုးသားပါတီနှင့် ဖလုံစဝေါ်ဒီမိုကရက် တစ်ပါတီများဖြင့် စတင် တည်ထောင်ခဲ့ပြီး ယခုအချိန်၌ အင်းအမျိုးသားပါတီ၊ ကယန်းအမျိုးသားပါတီတို့ အဖွဲ့ဝင်ဖြစ်လာကာ ၇ပါတီကို အမြဲတမ်းအဖွဲ့ ဝင်အဖြစ် သတ်မှတ်ထားသည်။

National Brothers Federation-NBF စတင် တည်ထောင်စဉ်ကတည်းက နှစ်လလျှင်တစ်ကြိမ် စုံညီအစည်းအဝေး ပြုလုပ်ခဲ့ပြီး ယခု ၁၅ကြိမ်မြောက် ညီလာခံကို ဇွန် ၁၁ရက်မှ ၁၂ရက်နေ့ အထိ တောင်ကြီးမြို့ ၌ ကျင်းပမည်ဖြစ်သည်။ လက်ရှိတွင် ၀၊ ဓနု၊ တအာင်း၊ တိုင်းလိုင်(ရှမ်းနီ) နှင့် ချင်း စသည့် တိုင်းရင်းသားပါတီများမှ လေ့လာသူအဖွဲ့ဝင်အဖြစ် ပါဝင်လျှက်ရှိကာ ယခုညီလာခံ တွင် အစည်းအဝေးလေးကြိမ် တက်ရောက်ပြီးသည့်ပါတီများကို အဖွဲ့ ဝင်အဖြစ် လက်ခံသွားမည်ဖြစ်ကြောင်း သိရသည်။

KIC (Karen Information Center)