လိုချင်တာသာ ယူပါ တိရိစ္ဆာန်များကိုတော့ ချမ်းသာပေးပါ။

သားသမီးမြေးမြစ်တွေကို နိုင်ငံခြားမှာထားပြီး မြန်မာနိုင်ငံတွင် သူ၏ဘ၀ကို မြုပ်နှံကာ အနစ်နာခံ၍ ပြည်သူ များအတွက် အလုပ်လုပ်ပေးနေသည့် ကျေးဇူးကြီးမားလှပါသော မြန်မာနိုင်ငံရင်းနှီးမြှုပ်နှံမှု ကော်မတီဥက္ကဌ၊ နိုင်ငံတော်သမ္မတရုံးဝန်ကြီးဦးစိုးသိန်းဟာ မြန်မာနိုင်ငံသူ နိုင်ငံသားများအတွက်သာမက ရန်ကုန် မြို့လယ်ခေါင်ရှိ တိရိစ္ဆာန်ဥယျာဉ်အတွင်း မှီတင်းနေထိုင်သော တိရိစ္ဆာန်များသည် လူနေထူထပ်သော ရန်ကုန်မြို့လယ်ခေါင်၌ နေရပါသောကြောင့် လေထုညစ်ညမ်းပြီး တိရိစ္ဆာန်များရဲ့ ကျန်းမာရေး ထိခိုက်စေနိုင်ပါသဖြင့် ရန်ကုန်မြို့ပြင် လှော်ကားဥယျာဉ်အတွင်းသို့ တိရိစ္ဆာန်များအား ပြောင်းရွေ့ရန် စေတနာများစွာဖြင့် စဉ်းစားစီစဉ်နေကြောင်း သိရှိရပါတယ်။

ကျေးဇူးကြီးလှပါသော ၀န်ကြီးရယ်. .. ၀န်ကြီးဟာ ရင်းနှီးမြှုပ်နှံမှုကော်မတီဥက္ကဋ္ဌဖြစ်လာပြီးမှ မြန်မာနိုင်ငံ ထဲမှာရှိတဲ့ အချက်အခြာနေရာအတော်များများကို ရင်းနှီးမြှုပ်နှံမှုအပေါ် ခုတုံးလုပ်လို့ လက်ညှိုးထိုး ရောင်းစားခဲ့တာလည်း တော်တော်များနေပါပြီ။ မိသားစုတွေလည်း ဆယ်သက်စားမကုန်လောက်တော့ ပါဘူး။ ဒါတောင်မှ တိရိစ္ဆာန်တွေရဲ့နေရာကိုလည်း ချမ်းသာမပေးဘဲ သိမ်းပိုက်ရယူဖို့ ဆင်ကြံကြံ နေပါသေးတယ်။ သြော် ... တိရိစ္ဆာန်တွေအပေါ်မှာ ဘ၀ဟောင်းက အညှိုးတွေများရှိခဲ့လေသလား ၀န်ကြီးရယ်။

လှော်ကားဥယျာဉ်အတွင်း တိရိစ္ဆာန်များထားဖို့ စီမံကိန်းအသစ် အကောင်အထည်ဖော်ရာမှာ ရင်းနှီးသောလုပ်ငန်းရှင်များကို လက်ဆောင်ပဏ္ဍာဈေးပြိုင်စနစ်နဲ့ စီမံကိန်းလုပ်ငန်းချထားပေးနိုင်သလို လစ်လပ်သွားတဲ့ တိရိစ္ဆာဥယျာဉ်နေရာဟောင်းကိုလည်း ရင်းနှီးမြှုပ်နှံမှုဆိုတဲ့ ခေါင်းစဉ်ပြကာ နိုင်ငံခြားရှိ သားသမီးများရဲ့ အဆက်အသွယ်နဲ့ မိတ်ဆွေနိုင်ငံခြားသားကုမ္ပဏီလုပ်ငန်းရှင်များကို မျက်နှာမလိုက်ဘဲ ရင်းနှီးမြှုပ်နှံခွင့်ပြုသွားနိုင်တဲ့ ၀န်ကြီးရဲ့ နှစ်သီးစားအကြံတွေကို လေးစားနေမိပါတယ်။

ငယ်စဉ်ကကျောင်းပိတ်ရက်တွင် မိဘများနဲ့ မောင်နှမတတွေ ပျော်ပွဲစားခရီးသွားကြတဲ့အခါ ရွှေတိဂုံဘုရား ကြီးကို အရင်ဆုံး ဖူးမြော်ရပါတယ်။ ပြီးရင် တိရိစ္ဆာန်ဥယျာဉ်အတွင်း တိရိစ္ဆာန်များအကြောင်းကို ဖေဖေက လိုက်ရှင်းပြတဲ့အခါ ကျွန်တော်တို့မှာ တအံ့တသြနဲ့ပေါ့ဗျာ။ ပြီးတော့မှ အိမ်ကပါလာတဲ့ အစားအသောက် များနဲ့ ပျော်ပျော်ပါးပါး စားသောက်ကြရင်း ပန်းခြံထဲမှာ ဆော့ကစားခဲ့ကြတာဟာ ညနေစောင်းတဲ့ အထိပါဘဲ။ ယခုအချိန်အထိလည်း ပြည်သူများဟာ မိသားစုဆွေမျိုးများအလိုက် ပျော်ရွှင်စွာသွားလာ နေတာကို မြင်ရပြီး ငယ်စဉ်ကာလကို ပြန်လည်သတိရမိပါတယ်။ ပြည်သူများရဲ့ ပျော်ရွှင်ကြည်နူး ချမ်းမြေ့မှုတွေကို ဘယ်လို ပိုမိုပျော်ရွှင်အောင် အဆင့်မြှင့်တင်ဆောင်ရွက်ပေးရမလဲဆိုတာ မစဉ်းစားဘဲ ပြည်သူတွေရဲ့ သာယာပျော်ရွှင်မှုကို မနာလို မရှုစိမ့်တဲ့စိတ်နဲ့ သူတော်ကောင်းစကားတွေပြောပြီး မလှိမ့် တပတ်နဲ့ ကြံစည်နေတာဟာ အစိုးရအဖွဲ့ဝင် လူကြီးလူကောင်းအဆင့်နဲ့တောင် မတန်မရာ လုပ်နေသူ လို့သာ ထင်မြင်မိပါတယ်။

နိုင်ငံတကာမှာလည်း တိရိစ္ဆာန်ဥယျာဉ်တွေ မြို့လယ်ခေါင်မှာ တည်ရှိနေတာကို နိုင်ငံတကာသို့ လှည့်လည် သွားလာခဲ့ဖူးသော ၀န်ကြီးအနေနှင့် မလေ့လာခဲ့တာဘဲလား။ ပြည်သူတွေ အပန်းပြေမှု၊ အသိပညာရရှိမှု၊ သုတေသနလုပ်ငန်းတွေမှာ အထောက်အကူဖြစ်စေမှု၊ သဘာဝကို အခြေခံသော ခရီးသွားနေရာဖြစ်စေမှု၊ မြို့တွင်းမှာ သဘာဝပတ်ဝန်းကျင်ထိမ်းသိန်းမှုတွေကို အကျိုးရှိနေစေတယ်ဆိုတာရော လေ့လာမိပါသလား။ ကမ္ဘာလှည့်နိုင်ငံခြားသားများအတွက် ခရီးသွားနေရာတစ်ခုဖြစ်အောင် အဆင့်အတန်းမြှင့်တင်ပေး ရမယ် ဆိုတာရော စဉ်းစားမိပါသလား။

ဒါတွေကို သိလျက်သားနဲ့ လျစ်လျူရှုပြီး လောဘဇောတက်ကာ ဘယ်သူသေသေ၊ ငတေမာရင် ပြီးရောဆိုတဲ့စိတ်နဲ့ လုပ်နေတာလားလို့ မေးချင်ပါတယ်။ ၀န်ကြီးရဲ့ မြေးမြစ်တွေက ဒီနိုင်ငံမှာ မရှိတော့ လည်း ခင်ဗျားအနေနဲ့က ဘာမှထောက်ထားညှာတာစရာ မရှိတော့ဘူးပေါ့ဗျာ။

ပြည်သူအများရဲ့ ဝေဖန်ထောက်ပြမှုကြောင့် ရှက်ရမ်းရမ်းပြီး ၀န်ကြီးဦးစိုးသိန်းအနေနှင့် သမ္မတကို ပိုင်တယ် ဆိုပြီး အပြောကောင်းကောင်းနဲ့ တိရစ္ဆာဥယျာဉ်ကို လေလံပစ်လိုက်ရင် နိုင်ငံတော်နှင့် ပြည်သူများဘဲ ဆုံးရှုံးနစ်နာရမှာ ဖြစ်ပါတယ်။ ဒါကြောင့် အစိုးရအဖွဲ့ တာဝန်ရှိသူများခင်ဗျာ … ရန်ကုန်တိရိစ္ဆာန်ဥယျာဉ်ကို အဆင့်မမြှင့်တင်မပေးရင်နေပါ၊ မြန်မာလူမျိုးများရဲ့ သဘာဝပတ်ဝန်းကျင်နဲ့ သားငှက်တိရိစ္ဆာန်များ အပေါ်တွင် ချစ်ခင်မြတ်နိုးစွာ ထိန်းသိမ်းထားသော ပြယုဂ်ကို မဖျက်ဆီးပါနဲ့လို့ ဆန္ဒပြုတင်ပြလိုက် ရပါတယ်။

ဦးစိုးသိန်းသည် စက်မှု(၁/၂)၀န်ကြီးလုပ်စဉ်ကာလတုန်းက ဂိုဒေါင်မှကားထုတ်လုပ်ရေးလုပ်ငန်းစဉ်ကို အကောင်အထည်ဖော်ခဲ့သူဖြစ်ပြီး ရေချုပ်လုပ်စဉ်ကာလတုန်းက သုံးစားမရသော ဖရီးဂိတ်နှစ်စင်းကို ၀ယ်ယူခဲ့ကြောင်းသိရှိရပါသည်။ နိုင်ငံခြားမှ အစိတ်အပိုင်းအလိုက်ဝယ်ယူပြီး မြန်မာပြည်တွင်တပ်ဆင်သော မော်တော်ကားများကို စက်မှု(၂)ထုတ်ဟု လိမ်လည်ရောင်းစားခဲ့သည်များကို ယင်းကာလက နိုင်ငံတော် တာဝန်ရှိသူများမသိရှိဘဲ နှပ်ချခြင်းကိုခံခဲ့ရကြောင်းသိရှိရပါသည်။

သဘာဝပတ်ဝန်းကျင်ကို ချစ်မြတ်နိုးသူတစ်ဦး။

ဖြည့်စွက် -

ပြောပြန်ရင်လဲလွန်တော့မယ်(၁)
ပြောပြန်ရင်လဲလွန်တော့မယ်(၂)
ပြောပြန်ရင်လဲလွန်တော့မယ်(၃)
ပြောပြန်ရင်လဲလွန်တော့မယ်(၄)

Credit : Here