အမှန်အတိုင်း ပြောရရင် ယနေ့ မြန်မာနိုင်ငံမှာ ဖြစ်ပွားနေတဲ့ အကြမ်းဖက် လုပ်ရပ်များကို အဖွဲ့ အစည်း တခုခုက ဦးဆောင်ပြီးပုံဖော်နေတယ်လို့ ယုံကြည်ပါတယ် ။ လုပ်ကိုင် ဆောင်ရွက်ပုံများကို ကြည့်ရင်လည်း ဘယ်သူတွေက ဦးဆောင်နေလည်း ဆိုတာ အတော်လေးကို သိသာထင်ရှားနေပါတယ် ။
ဒါကြောင့် စွမ်းအားရှင်တွေရှိသေးလား ဆိုတာ ကြံ့ဖွံ့ပါတီကို ပွင့်ပွင့် လင်းလင်းဘဲ မေးခွန်းထုတ် ကြရမဲ့ အချိန်ရောက်နေပါပြီ
၁။ စွမ်းအားရှင် အဖွဲ့အစည်းဟာ ယနေ့အထိ ရှိနေဆဲလား။ ဖျက်သိမ်းလိုက်ပြီလား ?
၂။ ရှိခဲ့တယ်တဆိုရင် တရားဝင် မှတ်ပုံတင်ထားရဲ့လား၊ ရည်ရွယ်ချက်ကဘာလဲ၊ ဘယ်လိုအလုပ်တွေကို
အဓိကထား လုပ်ကိုင်နေကြသလဲ၊ အဖွဲ့ဝင် အင်အား နဲ့ အဖွဲ့အစည်းမှာ ဘယ်သူတွေ ဦးဆောင်ပါဝင်
ကြသလဲ၊ ဆိုတာကို သိအောင် မေးမြန်းသင့်ပါပြီ ?
၃။ သီးခြားအဖွဲ့အစည်း တခုအဖြစ် ရပ်တည်နေဆဲ မဟုတ်ဘဲ၊ ယခင်ကလိုဘဲ ပြည်ထောင်စု ကြံ့ခိုင်ရေး နှင့်
ဖွံ့ဖြိုးရေး အသင်းလက်အောက်မှာဘဲ ထားရှိတယ်ဆိုရင်၊ ဘယ်သူတွေက အဲဒီ စွမ်းအားရှင် အဖွဲ့အစည်း
ကို ချယ်လှယ် အုပ်ချုပ်နေတာလဲ ?
၎။ အကယ်၍ ဖျက်သိမ်းလိုက်ပြီ ဆိ်ုရင်လဲ၊ ယခင်က အဲဒီအဖွဲ့ကို အသက်သွင်းဖွဲ့စည်းခဲ့တဲ့ ကြံ့ဖွံွှံပါတီ ကိ်ု
မေး မြန်းချင်တာက-
(က) ဘယ်လိုရည်ရွယ်ချက်ကြေင့် စွမ်းအားရှင် အသင်းအဖွဲ့ကို ဖွဲ့စည်းခဲ့တာလဲ ?
(ခ) ထိုအသင်းအဖွဲ့ရဲ့ အဓိက ဆောင်ရွက်ခဲ့တဲ့ ထင်ရှားတဲ့ လုပ်ဆောင်ချက်ကိစ္စရပ်များ၊ အသင်းရဲ့
လှုတ်ရှားမှု့ ပုံစံ၊ အသင်းဝင် အင်အား၊ အဓိက ဦးဆောင်သူများ၊ ဦးဆောင်သူများကို ဘယ်လိုပုံစံ
နဲ့ ရွှေးချယ်ခဲ့သလဲ၊ အသင်းဝင်များကို ဘယ်လိုပုံနဲ့ စုဆောင်းခဲ့သလဲ၊ ဘာတွေ လုပ်ဘို့ တာဝန်ပေး
ခဲ့လဲ၊ တိုင်းနှင့်ပြည်နယ် နေရာအနှံ့ဘယ်လို ဖြန့်ကျက်ထားသလဲ ?
ဆိုတာတွေကို တိတိကျကျ ပွင့်လင်းမြင်သာစွာဖြင့် ပြည်သူ့လွှတ်တော်တွင် ပြည်သူ့ကိုယ်စားပြု လွှတ်တော် ကိုယ်စားလှယ်ကြီး များ အနေဖြင့် ပြည်သူလူထုကိုယ်စား မေးမြန်းပေးကြပါရန် လေးစားစွာ တောင်းဆို အပ်ပါတယ်။
==============================
ဘာကြောင့် အခုလိုမေးရတာလဲ ဆိုတာ ကိုတော့ အောက်က သတင်းက သက်သေပြနေပါတယ်။
မိုးညိုမြို့နယ် ဇောတိက ရပ်ကွက်ရှိ ဗလီတစ်လုံးကို မတ်လ ၂၈ ရက်နေ့ မွန်းလွဲ ၁ နာရီဝန်းကျင် အချိန်မှ ညနေ ၄ နာရီ ၀န်းကျင်အထိ သံဃာဟု ယူဆရသူ (၄၀) ၀န်းကျင်ခန့်က ဖျက်ဆီးခဲ့ကြောင်း အခင်းဖြစ်ပွား ရာ နေရာသို့ ရောက်ရှိနေသည့် Eleven Media Group သတင်းထောက်က သတင်းပေးပို့ခဲ့သည်။
ထိုသို့ ဖျက်ဆီးပြီးချိန်တွင် လူစုခွဲ၍ ပြန်လည် ထွက်ခွာ သွားကြကြောင်း သိရသည်။
ဖျက်ဆီးပြီးနောက် ပြန်လည်ထွက်ခွာသွားချိန်တွင် အဆိုပါနေရာကို လုံခြုံရေးတပ်ဖွဲ့ဝင်များက တာဝန်ယူ ခဲ့ကြောင်း သိရသည်။
ယင်းကဲ့သို့ ဖျက်ဆီးနေချိန်တွင် လုံခြုံရေး တပ်ဖွဲ့ဝင်များက ဓာတ်ပုံရိုက်ကူးခွင့် မပြုဘဲ တားဆီးခဲ့ကြပြီး ဖျက်ဆီးမှုတွင် ပါဝင်သူများမှာ ဒေသခံများ မဟုတ်ကြောင်း မိုးညိုမြို့ခံများက ပြောသည်။
Eleven Media Group
Credit : Here
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။