၂၀၁၂ ခုနှစ် ဇူလိုင် ၆ ရက် ယမန်နေ့ နံနက် ၈ နာရီခန့် တွင် ရွှေညောင်မြို့ အောင်သပြေ အခြေစိုက် အမှတ် (၂၂၂) ထောက်ပံ့ရေးနှင့် ပို့ဆောင်ရေးတပ်မှ စစ်သည်အင်အား ၂၀ သည် ရွှေညောင်မှ ရပ်စောက် လမ်းဘေးရှိ လှိုင်ဘုံသာ ရပ်ကွက်အတွင်းရှိ နေအိမ် (၁၈) လုံးပါ မြေနေရာအား တပ်ပိုင်မြေအဖြစ် အုတ်တံတိုင်းကာရန် မြေတူးဖော်မှု လုပ်ခဲ့သဖြင့် အိမ်ပိုင်ရှင်နှင့် မိသားစုဝင် (၆၀)ခန့်စုဝေး ဆန္ဒပြခဲ့ကြခြင်း ဖြစ်သည်။
တပ်ပိုင်မြေအဖြစ် သတ်မှတ်ခံထားရသော လှိုင်ဘုံသာရပ်ကွက်အတွင်းရှိ နေအိမ် (၁၈) လုံးတွင် လက်ရှိ နေထိုင်သည့် မိသားစုဝင် လူဦးရေ (၁၀၀) ကျော်ရှိသည်ဟု သိရသည်။ တောင်ကြီးမြို့နယ် အုပ်ချုပ်ရေးမှူး ဦးကျော်ခေါင်က လာရောက်ညှိနှိုင်း ခဲ့သော်လည်း အမှတ် (၂၂၂) ထောက်ပံ့နှင့် ပို့ဆောင်ရေးတပ် တပ်မှူး ဗိုလ်မှူးဝင်းမြင့် အနေဖြင့် အထက်အမိန့်အရ ဆက်လက် လုပ်ဆောင်မည်ဟု ပြောဆိုခဲ့ကြောင်း ဆန္ဒပြရာမှာ ပါဝင်သူ တစ်ဦးက ပြောပြသည်။
၂၀၁၂ ခုနှစ် မေလတွင် တပ်ပိုင်မြေအဖြစ် သတ်မှတ်မှုနှင့် ပတ်သက်၍ တပ်မှူး ဗိုလ်မှူး ၀င်းမြင့်က တရားလိုပြုလုပ်၍ တပ်ပိုင်မြေ အတွင်း ကျူးကျော်ဝင်ရောက် ဆောက်လုပ် နေထိုင်သည့် အဆောက်အဦးနှင့် တကွ ဖယ်ရှားထွက်ခွါ ပေးစေလိုမှုနှင့် မြေကွက် လက်ရောက်ရလိုမှု စွဲချက်ဖြင့် ဦးသန်းအောင် ပါ - ၁၈ အား တရားပြိုင်ပြုလုပ်ခြင်းကို တောင်ကြီးခရိုင် တရားမရုံး၌ ဒုတိယ ခရိုင်တရားသူကြီး ဒေါ်ခင်စိုးယုက တရားလိုကိုယ်စား တရားလွှတ်တော်ရှေ့နေ ဦးခင်မောင်ထွေး။ တရားပြိုင်ကိုယ်စား တရားလွှတ်တော်ရှေ့နေ ဒေါ်ခင်မိုးမိုး ရှေ့မှောက်တွင် မြေပိုင်ဆိုင်မှုအား ပလပ်ခဲ့ပြီးဖြစ်သည်။
လက်ရှိ အခင်းဖြစ်ရာ မြေနေရာသည် တောင်ကြီးမြို့နယ် အုပ်ချုပ်မှုအတွင်း ထည့်သွင်းထားသည်ဟု ဒေသခံများက ပြောဆိုခဲ့သည်။
သတင်း၊ ဓာတ်ပုံပေးပို့တဲ့ ကိုညီဇော်အား ကျေးဇူးတင်ပါသည်..။
မူရင်းသတင်းက ဒီမှာပါ။
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။