လွန်ခဲ့သည့်အနှစ် ၂၀ အတွင်း မြောက်ကိုရီးယားထံမှ သာမန် စစ်လက်နက်ပစ္စည်းများကိုသာ ဝယ်ယူခဲ့ပြီးဆက်လက် ဝယ်ယူတော့မည် မဟုတ်ဟု မြန်မာနိုင်ငံသို့ ချစ်ကြည်ရေးခရီး လာရောက်ခဲ့သော
တောင်ကိုရီးယားသမ္မတ မစ္စတာ အီမြောင်ဘက်ကို မြန်မာသမ္မတ ဦးသိန်းစိန်က ကတိပေးပြောကြားသည်ဟု ဝါရှင်တန်ပို့ သတင်းစာ၏ အွန်လိုင်း စာမျက်နှာတွင် ရေးသားထားသည်။
မြန်မာသမ္မတက တောင်ကိုရီးယားသမ္မတကို ပြောကြားရာတွင် မြန်မာနိုင်ငံသည် မြောက်ကိုရီးယားနှင့် နျူကလီးယား စီမံကိန်းများ ပူးပေါင်းလုပ်ဆောင်မှု မည်သည့်အခါကမျှ မရှိခဲ့ဟု ငြင်းဆိုသွားသည်ဟုလည်း ဝါရှင်တန်ပို့က
ရေးသားသည်။
ကုလသမဂ္ဂ လုံခြုံရေးကောင်စီ ဆုံးဖြတ်ချက်အမှတ် ၁၇၁၈ နှင့် ၁၈၇၄ တို့တွင် မြောက်ကိုရီးယားနိုင်ငံမှ ထုတ်လုပ် သည့် စစ်လက်နက် ပစ္စည်းများကို အခြားကမ္ဘာ့နိုင်ငံများမှ ဝယ်ယူခွင့် မပြုရန်ဆုံးဖြတ်ထားပြီး ထိုတားမြစ်ချက်ကို လိုက်နာသည့်အနေဖြင့် မြောက်ကိုရီးယာမှ လက်နက်များ ဝယ်ယူမည်မဟုတ်ဟု မြန်မာသမ္မတက ပြောဆိုသည် ဟုလည်း ဝါရှင်တန်ပို့က ရေးသားသည်။
မြန်မာနိုင်ငံသို့ နှစ်ရက်ကြာလာရောက်ခဲ့သည့် တောင်ကိုရီးယားသမ္မတသည် အမျိုးသားဒီမိုကရေစီအဖွဲ့ချုပ် ဥက္ကဋ္ဌ
ဒေါ်အောင်ဆန်းစုကြည်နှင့် အင်္ဂါနေ့တွင် တွေ့ဆုံအပြီး သတင်းစာရှင်းလင်းပွဲတွင် ကုလသမဂ္ဂ လုံခြုံရေးကောင်စီ၏ ချမှတ်ထားသော ဆုံးဖြတ်ချက်များကို ချိုးဖေါက်သည်ဟု ယူဆရသည့် မြောက်ကိုရီးယားနိုင်ငံနှင့် ဆက်ဆံမှု မပြုလုပ်ရန် မြန်မာသမ္မတနှင့် ဆွေးနွေးခဲ့သည်ဟုလည်း သတင်းစာရှင်းလင်းပွဲတွင် ထည့်သွင်းပြောသွားသည်ဟု သိရသည်။
မြောက်ကိုရီးယား၊ မြန်မာ ဆက်ဆံရေးတွင် ယခင်စစ်အစိုးရ တတိယခေါင်းဆောင် ဖြစ်ခဲ့သူ ပြည်သူ့လွှတ်တော်ဥက္ကဋ္ဌ သူရဦးရွှေမန်းသည် နျူကလီးယား စီမံကိန်းများ ပူးပေါင်းလုပ်ဆောင်ရန် မြောက်ကိုရီးယားသို့ သွားရောက်ခဲ့သည်ဟု စွပ်စွဲချက်များ လွန်ခဲ့သည့်နှစ်များအတွင်း ထွက်ပေါ်လာခဲ့ရာ ထိုစွပ်စွဲချက်များကို ၂ဝ၁၁ ခုနှစ် ဒီဇင်ဘာလအတွင်း သတင်းစာရှင်းလင်းပွဲတခုတွင် ဦးရွှေမန်းက ငြင်းဆိုသွားခဲ့သေးသည်။
“တချို့စွပ်စွဲတာကတော့ နျူးကလီးယားကိစ္စ အပါအဝင်မိမိသွားပြီးတော့ လက်မှတ်ထိုးခဲ့တယ်လို့ပြောတယ်။ မဟုတ်ပါဘူး။ နျူကလီးယားကိစ္စဆိုတာ အင်မတန်မှ ကြီးမားတဲ့ကိစ္စပါ။ ဒီကိစ္စ မိမိ လတ်မှတ်ထိုးလို့လည်း ရနိုင်တဲ့ အနေအထားမဟုတ်ပါဘူး” ဟု သူရဦးရွှေမန်းက ၂ဝ၁၁ ခုနှစ် ဒီဇင်ဘာလ ၁ ရက်နေ့တွင် ပြုလုပ်ခဲ့သည့် သတင်းစာ ရှင်းလင်းပွဲတွင် ပြောဆိုခဲ့သည်။
၂ဝ၁၁ ခုနှစ် ဒီဇင်ဘာလ ၁ ရက်နေ့က မြန်မာနိုင်ငံသို့ လာရောက်ခဲ့သည့် အမေရိကန်နိုင်ငံခြားရေးဝန်ကြီး ဟီလာရီ ကလင်တန်ကလည်း ကုလသမဂ္ဂ လုံခြုံရေးကောင်စီမှချမှတ်ထားသည့် မြောက်ကိုရီးယားမှ လက်နက်မဝယ်ရေး ဆုံးဖြတ်ချက်ကို မြန်မာအစိုးရအနေဖြင့် အကောင်အထည်ဖေါ်နိုင်ရန် မျှော်လင့်ကြောင်း သူ၏ ခရီးစဉ် သတင်းစာ ရှင်းလင်းပွဲတွင် ပြောကြားခဲ့သေးသည်။
တောင်ကိုရီးယားသမ္မတ၏ မြန်မာနိုင်ငံခရီးစဉ်သည် နှစ်ပေါင်း ၃ဝ အတွင်း ပထမဆုံးအကြိမ်လာရောက်သည့် ခရီးစဉ်ဖြစ်သည်။ ၁၉၈၃ ခုနှစ် တောင်ကိုရီးသားသမ္မတ ချန်ဒူးဝမ် မြန်မာနိုင်ငံလာရောက်ခဲ့စဉ် ဗိုလ်ချုပ်အောင်ဆန်း အပါအဝင် အာဇာနည်ခေါင်းဆောင်ကြီးများ ဂူဗိမာန်သို့ သွားရောက် ဂါရဝပြုရာ မြောက်ကိုရီးယား သူလျှိုများ၏ ဗုံးခွဲတိုက်ခိုက်ခြင်း ခံခဲ့ရသည်။ တိုက်ခိုက်မှုအတွင်း ခရီးစဉ်နောက်ကျပြီးမှရောက်လာသူ တောင်ကိုရီးယားသမ္မတ ထိခိုက်ခြင်း မရှိသော်လည်း တောင်ကိုရီုးယား အစိုးရအဖွဲ့ဝင်များ အပါအဝင် မြန်မာအရာရှိ ၂၁ ဦးသေဆုံးခဲ့သည်။
မစ္စတာ အီမြောင်ဘက်သည် အာဇာနည်ဗိမာန်သို့ အင်္ဂါနေ့တွင် သွားရောက်၍ ၁၉၃၈ ခုနှစ် တိုက်ခိုက်မှုအတွင်း ကျဆုံး သွားကြသည့် ကိုရီးယားသမ္မတ ဝန်ကြီးများကို ရည်စူး၍ လွမ်းသူ့ပန်းခွေချ ဂါရဝပြုခဲ့သည်ဟု နိုင်ငံပိုင် ကြေးမုံ သတင်းစာတွင် ဖေါ်ပြပါရှိသည်။ မြန်မာနိုင်ငံသို့ နှစ်ရက်တာလာရောက်ခဲ့သည့် မစ္စတာ အီမြောင်ဘက်သည် အင်္ဂါနေ့ မွန်းလွဲ ၂ နာရီတွင် ရန်ကုန်မြို့မှ ပြန်လည် ထွက်ခွာသွားပြီ ဖြစ်သည်။
မူရင်းသတင်းက ဒီမှာပါ။
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။