လွှတ်တော်ကို စိန်ခေါ်တဲ့ နောက်တစ်ကွက် အမှား

'' လွှတ်တော်က ဖွဲ့စည်းထားတဲ့ ကော်မတီမှာ ကျွန်မတို့ ပါတီက လူနည်းစုပဲ ရှိပါတယ်။ ဒါပေမယ့် ကျွန်မတို့က အများစု ဖြစ်ပြီး အပေါ်စီး ရမှ လုပ်ရဲတဲ့ သူတွေ မဟုတ်ပါဘူး။ ဖွဲ့စည်းပုံ ကော်မတီမှာ လူနည်းစုပဲ ပါဝင်လို့ လုံးဝ အားမငယ်ဘူး။ မကြောက်ဘူး။ ပြည်သူရဲ့ အားနဲ့ ဆောင်ရွက် သွားမယ်။ အဲဒီ ကော်မတီက ထိရောက်တဲ့ အခြေခံ ဥပဒေကို မလုပ်ဘူး ဆိုရင် ဘယ်လို ဆက်လက် လုပ်ဆောင်သွားမယ် ဆိုတဲ့ အစီအစဉ်တွေ အဖွဲ့ချုပ်မှာ ရှိပါတယ်''။

လူထုဆန္ဒ ခံယူပွဲမှာ အတိုက်အခံ ခေါင်းဆောင် နိုဘယ်ဆုရှင် တစ်ယောက်က ပြောလိုက်တယ် ဆိုတာကို ဖတ်လိုက် ရတော့ ယုံတောင် မယုံချင်ဘူး။ တော်တော် အံ့သြမိ သွားတယ်။ နိုင်ငံရေး ပရိယာယ် မြ<ွကယ် လေခြင်းပေါ့။ အတိုက်အခံ ဆိုတာ မှားမှားမှန်မှန် ဆန့်ကျင်ဘက် ကြီးပဲ လုပ်ရမယ် လို့များ ယူဆနေ သလားမသိ။ ယခုအချိန်သည် အကူးအပြောင်း ကို ငြင်ငြင်သာသာ၊ သိမ်သိမ်မွေ့မွေ့ နဲ့ လုပ်ရမယ့် အချိန်။ အပျိုတော် အကနဲ့ ဝင်ရမယ့် အချိန်မှာ ဘီလူးအက နဲ့ ဝင်မိတော့ မှားပြီပေါ့။ ဒီမိုကရေစီ ပါလို့ တစာစာ အော်နေသူက အကူးအပြောင်း ကို ဒီမိုကရေစီ နည်းလမ်းတကျ မချဉ်းကပ် တတ်သောအခါ....။

ယခင်က နိုဘယ်ဆုရ အတိုက်အခံ တစ်ယောက်အား အထင်ကြီး မိပါသည်။ ဘာတွေများ လုပ်ပြ နိုင်မလဲဆိုတဲ့ အတွေးနဲ့ စောင့်ကြည့်ဖူး ပါသည်။ လွှတ်တော် အတွင်းသို့ တရားဝင် ဝင်ရောက် လာပြီးချိန် မှာတော့ အရင်လို လှောင်ပိတ်ခံ ဘဝ မဟုတ်တော့။ တောင်ပံတွေကို လွတ်လပ်စွာ ဖြန့်ကျက် ဒီမိုကရေစီ ရှေ့ဆက်ရေး မှာ ဘယ်လိုတွေ ဖောက်ထွက်ပြီး ပျံသန်းမလဲ ဆိုတာကို ထင်တစ်လုံးနဲ့ မျှော်မိ ပါသည်။ တရားဝင် ကိုင်တွယ်ခွင့် ရတဲ့ လက်ပန်းတောင်း တောင် ကိစ္စမှာတော့ အမှတ်ပေး မိပါသည်။ တိကျတဲ့ အဆုံးသတ်ကို မပြနိုင်ပေမယ့် ကိုင်တွယ်ပုံ ကတော့ မဆိုးဟု တွက်မိ ပါသည်။

နောက်ပိုင်း မှာတော့ ထင်သလောက် မဟုတ်ဟု တွေးမိ သည်။ ဘောလုံး စကား နှင့် ပြောရ လျှင်တော့ ခြေမပေါ်၊ ခြေစွမ်း မပြနိုင်တော့ဘဲ ခြေစွမ်း ကျလာသည်။ ထိုအခါ ကွင်းကို အပြစ်တင်သည်။ ဒိုင်ကို အပြစ်တင်သည်။ ဥပမာ တင်စား ရလျှင်တော့ အတိုက်အခံ ခေါင်းဆောင်သည် အင်္ဂလန်ဘောလုံး အသင်းနှင့် တူသည်။ အင်္ဂလန် အသင်းသည် ထိပ်တန်း ဘောလုံးသမား များနှင့် ဖွဲ့စည်း ထားသည်။ မီဒီယာ များကလည်း ချီးကျူး မြှောက်စား ထားကြသည်။ တစ်ကမ္ဘာလုံး ကလည်း အထင် တစ်ကြီးနှင့် စောင့်ကြည့် နေကြသည်။ သူကလည်း အရေးမပါ သည့် ခြေစမ်းပွဲ တွေမှာ ဂိုးတွေ သွင်းပြီး ခြေစွမ်း ပြသည်။ ဒါပေမယ့် တစ်ကယ့်ပွဲ တွေမှာ ဘာမှ အလုပ် မဖြစ်တော့ ဖျက်မြင်း အသင်း အဆင့်သာ ရှိတော့သည်။

အခုလည်း မြန်မာ့ နိုင်ငံရေး လောကမှ အတိုက်အခံ ခေါင်းဆောင်ကို ကြည့်လျှင် ထိုသို့ပင် မြင်မိပါသည်။ ဘာမှ မယ်မယ်ရရ လုပ်မပြ နိုင်သောအခါ အစိုးရကို အပြစ်တင်သည်။ လွှတ်တော်ကို အပြစ်တင်သည်။ နိုဘယ်လ်ဆု ချီးမြှင့် ခံထားရသည်။ မီဒီယာများ ကလည်း မြှောက်စား ထားကြသည်။ တစ်ကမ္ဘာလုံး ကလည်း အထင်တကြီး စောင့်ကြည့် နေကြသည်။ လွှတ်တော်တွင်း မရောက်ခင် ကတော့ မြန်မာ့ ဒီမိုကရေစီ အရေးမှာ ဘယ်လို ပြုပြင် ပြောင်းလဲ လိုက်မယ်၊ ဘယ်လို လုပ်မယ် ဆိုပြီး ကြွေးကြော် ဝင်ရောက် လာခဲ့သည်။ လွှတ်တော်တွင်း လည်း ရောက်ရော ဘာမှ လုပ်မပြနိုင်တော့...။ ပီဘီ အတိုက်အခံ အဆင့်သာ ရှိတော့သည်။ ဖျက်မြင်း အဆင့်သာ ရှိပါ တော့သည်။

ပုဂ္ဂိုလ်စွဲ၊ ဝါဒစွဲ၊ ပါတီစွဲ ရှိသူများ အဖို့တော့ အထက်ပါ စကားလုံးများ က အနာပေါ် တုတ်ကျ သည်ထက် ပိုပြီး နာချင်စရာ ကောင်းပါ လိမ့်မည်။ သို့သော်... မတတ်နိုင်။ ပြောလက်စ နှင့်တော့ ပြောစရာ ရှိတာတွေ ဆက်ပြီး ပြောရပေဦး တော့မည်။ အမေရိကန် သမ္မတ အိုဘားမား က ပြည်သူတွေ ကို မျှော်လင့် ချက်တွေ ပေးနိုင်လို့ ဆိုတဲ့ အကြောင်း ပြချက်နဲ့ နိုဘယ်လ်ဆု ချီးမြှင့်ခံ ရသည်။ ယခုလည်း နောက်ထပ် နိုဘယ်လ်ဆု တွေပဲ ထပ်ချီးမြှင့်ဖို့ ကောင်းတော့သည်။ အပြောသက်သက် နဲ့ပဲ မြန်မာပြည်သူ တွေကို မျှော်လင့်ချက် တွေ ပေးနေသည်။ ဒါကြောင့်လား တော့မသိ။ နိုင်ငံတကာမှ ဂုဏ်ထူးဆောင် ပါရဂူဘွဲ့တွေ လှိမ့်ပေး နေသည်။ ကျွန်တော့် အတွက်တော့ လေစားလို့ ဗိုက်မဝ သလို ခံစားရသည်။ အမျှော်လင့်ကြီး မျှော်လင့် နေသူများ အဖို့တော့ လေစားပြီး လေထိုး လေအောင့် မခံစားရအောင် လေဆေးလေး ဆောင်ထားဖို့ သာ ပြောချင် တော့သည်။

မြန်မာ့ နိုင်ငံရေး အတိုက်အခံ ခေါင်းဆောင် အနေဖြင့် လွှတ်တော်တွင်း သို့ ဝင်ရောက် လာသည့် အချိန်မှ ယနေ့ အချိန်အထိ လက်တွေ့ လုပ်ဆောင်မှုများ မယ်မယ်ရရ မတွေ့ရ သေးပါ။ သို့သော် ကျွန်တော့် အနေဖြင့်တော့ အတိုက်အခံ ခေါင်းဆောင်ရဲ့ ထောက်ပြစရာ ထိကွက် (၅)ခု တွေ့ရပါသည်။

ပထမဆုံး အချက်က ရခိုင်အရေး ကိစ္စမှာ ရခိုင် တိုင်းရင်းသား တွေကို အကာကွယ် ပေးဖို့၊ ထောက်ခံပေးဖို့၊ အားပေးစကား ပြောဖို့ ပျက်ကွက်ခြင်း ပင် ဖြစ်ပါသည်။ သူ့အနေဖြင့် လက်တွေ့ လုပ်ဆောင် စရာမလိုပါ။ နှုတ်၏ စောင်မခြင်းသာ လိုပါသည်။ ထိုကဲ့သို့ လူထု ခေါင်းဆောင် တစ်ယောက်ဟု သတ်မှတ်ထားခြင်း ခံရသူ တစ်ယောက်ထံမှ နှုတ်၏ စောင်မခြင်း ကိုပင် ရခိုင် တိုင်းရင်းသား တို့အဖို့ မဟာ ဆုလာဘ်ကြီး တစ်ပါးအဖြစ် ခံယူကြမည် ဖြစ်ပါသည်။ သို့သော် ယုန်ကလေးက နှာစေး နေခဲ့သည်။ ဘာမှဝင်ပြီး မှတ်ချက် မပေးခဲ့။ ထိုအခါ တိုင်းရင်းသားတို့ စိတ်တွင် ယုံကြည် ကိုးစားမှု လျော့ကျ လာသည်။ ဆရာတော် ဦးဝီရသူ ၏ ''ခွပ်ဒေါင်းမှ မွတ်ဒေါင်း'' ဆိုသော ထောက်ပြချက် ကြောင့် အမျိုးသား ဒီမိုကရေစီ အဖွဲ့ချုပ် အတွင်း မွတ်ဆလင် အရေအတွက် များနေမှုကို လူထုမှ သတိပြုမိ ကြပြီး ထိုအတွက် ကြောင့်ပဲ ရခိုင်အရေး ကို လျစ်လျူရှု နေသလားဟု မြင်လာ ကြသည်။ ထိုအခါ မှာတော့ ရခိုင် တိုင်းရင်းသား တို့ ယုံကြည် ကိုးစားမှု ပျက်လေပြီ။ ထိုအချက်ကို ကုစားရန် အတွက် ရခိုင်မြေသို့ ကိုယ်တိုင် ကိုယ်ကျ သွားရောက်ကာ စည်းရုံးရေး ဆင်းသင့် သော်လည်း ယခု အချိန်အထိ ရခိုင်မြေကို ခြေမချစဖူး။ ထို့ကြောင့် မြန်မာပြည်ကို တစ်ကယ်ချစ် ပါရဲ့လား စဉ်းစား စရာပင် ဖြစ်လာသည်။ ဗုဒ္ဓဘာသာ ကို တစ်ကယ်ပင် ယုံကြည် ကိုးစား ပါရဲ့လား စဉ်းစားစရာ ပင် ဖြစ်လာ ပါသည်။ သူသာ သမ္မတ ဖြစ်ခဲ့ရင်တော့ သူ့လက်ထက်မှာ လူမျိုးခြားတွေ ကြီးစိုးသွားမှာ စိုးရိမ်စရာ ပင် ဖြစ်လာ ပါသည်။

နောက်တစ်ချက် ကတော့ ကချင်အရေး မှာ နှုတ်ဆိတ် နေခဲ့ခြင်းပင် ဖြစ်ပါသည်။ အမျိုးသား ပြန်လည် ရင်ကြားစေ့ရေး ကို တစာစာ အော်နေသော်လည်း ကချင်အရေး မှာ ဘာမှမပြော။ လိုင်ဇာ ငြိမ်းချမ်းရေး ဆွေးနွေးပွဲ ကိုလည်း ဘာမှမပြော။ သူလို ထင်ရှားသော နိုင်ငံရေး ခေါင်းဆောင် တစ်ယောက်၏ စကားတစ်ခွန်း သည် အတိုင်းအတာ တစ်ခုအထိ အကျိုး သက်ရောက်မှု ရှိသည်ကို မတွေးမိ ပါသလား။ ဒါမှမဟုတ် တမင် မသိချင် ယောင်ဆောင် နေသလား။ ဒီအချက် ကလည်း အမျိုးသား ပြန်လည် ရင်ကြားစေ့ရေး၊ ပြည်တွင်း ငြိမ်းချမ်းရေး စတဲ့ သူရဲ့ လက်သုံး စကား တွေကို မှေးမှိန် သွား စေပါသည်။

နောက်တစ်ချက် ကတော့ အခြေခံဥပဒေ ပြင်ဆင်ရေး အတွက် မြန်မာ့ ထိပ်တန်း ခေါင်းဆောင်များ ဖြစ်တဲ့ သမ္မတ ဦးသိန်းစိန်၊ လွှတ်တော် ဥက္ကဌ သူရဦးရွှေမန်း၊ တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် တို့နဲ့ တိုက်ရိုက် ဆွေးနွေး လိုကြောင်း ပြောကြားတဲ့ ကိစ္စ။ ဒီကိစ္စက လွှတ်တော်ကို စိန်ခေါ်တဲ့ သဘော သက်ရောက်သည်။ သို့သော် တိုက်ရိုက် စိန်ခေါ်ခြင်း တော့မဟုတ်။ လက်တွေ့တွင် ဖွဲ့စည်းပုံနှင့် ပတ်သက်ပြီး အာဏာ အရှိဆုံးမှာ လွှတ်တော် ဖြစ်သည်။ သို့သော် လွှတ်တော်တွင် မပြောဘဲ ခေါင်ထိ အကုန်စား သဘောမျိုးနဲ့ ကြီး(၄)ကြီး တွေ့ဆုံ လိုကြောင်း ပြောကြားတဲ့ အခါမှာ ပြည်ထောင်စု လွှတ်တော်မှ ကိုယ်စားလှယ် (၁ဝ၉)ဦး နဲ့ ဖွဲ့စည်းထားတဲ့ ဖွဲ့စည်းပုံ အခြေခံ ဥပဒေ လေ့လာ သုံးသပ်ရေး ပူးပေါင်း ကော်မတီကို မထီမဲ့မြင် ပြုရာ ရောက်သည်။ လွှတ်တော်တွင်း မှာ ဒီချုပ်ပဲ ရှိသည် မဟုတ်၊ တပ်မတော်သား ကိုယ်စားလှယ် တွေကြီးပဲ ရှိသည်မဟုတ်၊ ပြည်ခိုင်ဖြိုး ကိုယ်စားလှယ် တွေပဲ ရှိသည်မဟုတ်။ တစ်ခြား ပါတီများမှ ကိုယ်စားလှယ် များလည်း ရှိနေပါသည်။ ယခု လုပ်ရပ်ကတော့ သူတို့ကို မထီမဲ့မြင် ပြုရာလည်း ရောက်နေပါသည်။ ထိုအခါ လွှတ်တော်တွင်းမှာ မျက်စိ စပါးမွေးစူး ခံရတော့သည်။

နောက်တစ်ချက် ကတော့ ၂ဝဝ၈ ခုနှစ် အခြေခံ ဥပဒေ ပြင်ဆင်ရေးအတွက် ပြည်ပနိုင်ငံ များကို အားကိုး လွန်းခြင်း ဖြစ်သည်။ နိုင်ငံတကာကို သွားသည်။ ၂ဝဝ၈ ခုနှစ် အခြေခံ ဥပဒေ ပြင်ဆင်ရေး ပြောသည်။ မြန်မာနိုင်ငံ ကို ရင်းနှီးမြှပ်နှံ မှု မပြုဖို့ ပြောသည်။ ထိုအခါ အင်န်အယ်လ်ဒီ အတွင်းမှာပင် ပြန်လည် ထောက်ပြ ပြောဆိုခြင်း တွေ ဖြစ်လာသည်။

နောက်ဆုံး တစ်ချက် ကတော့ ဆောင်းပါး အစတွင် ဖော်ပြထားသော စာသားကဲ့သို့ လွှတ်တော်ကို တိုက်ရိုက် စိန်ခေါ်လိုက်ခြင်း အမှားပင် ဖြစ်ပါသည်။ ဒါကတော့ လွှတ်တော်နှင့် (၁ဝ၉) ဦးပါ ကော်မတီကို တိုက်ရိုက် စိန်ခေါ် လိုက်ခြင်းပင် ဖြစ်ပါသည်။ တစ်နည်း အားဖြင့် လွှတ်တော်နှင့် ပြည်သူကို ရန်တိုက်ေ ပးခြင်း ဖြစ်သည်။ အင်န်အယ်လ်ဒီ မဟုတ်တော အခြားပါတီမှ လွှတ်တော် ကိုယ်စားလှယ်များ စိတ်ဝယ် ဘယ်လို ခံစားရလေ မလဲ မစဉ်းစား လေရော့ သလား။ ဖွဲ့စည်းပုံကို ပြင်ဖို့ လွှတ်တော်တွင်း က ကိုယ်စားလှယ် ၇၅ ရာခိုင်နှုန်းရဲ့ ထောက်ခံမှုကို လိုအပ်တယ် ဆိုတာ မစဉ်းစား လေရော့ သလား။ ဒါကတော့ နောက်တစ်ကွက် အရွှေ့မှား ခြင်းပင် ဖြစ်ပါသည်။

အဖွဲ့ချုပ်မှာ ဘယ်လို အစီအစဉ်တွေ ရှိတယ်ပဲ ဆိုဆို အခြေအနေ တွေက အရင်ကနဲ့ မတူတော့ ဆိုတာကို နားလည် သင့်သည်။ ယခုအချိန် တွင် မြန်မာ့ ဒီမိုကရေစီ အသွင် ကူးပြောင်းမှု ၏ ငြင်သာမှုကို တစ်ကမ္ဘာလုံး က အံ့သြ ချီးကျူး ထားကြသည်။ သမ္မတ ဦးသိန်းစိန် ၏ သဘောထား ပျော့ပြောင်း မှု၊ ပြောင်းလဲ လိုစိတ်ရှိမှု တို့အပေါ် တစ်ကမ္ဘာလုံး က ကြိုဆိုကြပြီး နိုင်ငံတကာ မှလည်း အသိအမှတ် ပြုနေပြီ၊ အီးယူနှင့် အမေရိကန် တို့လည်း ပတ်ဆို့မှု တို့ကို ဖယ်ရှားပေးပြီ၊ အိမ်နီးချင်း တရုတ်၏ အင်အား ကြီးထွားလာမှု နှင့် မြန်မာနိုင်ငံ အပေါ် လွှမ်းမိုးနိုင်မှု တို့ကို အမေရိကန်တို့ မျက်ကွယ် မပြုနိုင် တော့ဘဲ အင်အား ချိန်ခွင်လျှာ ထိန်းညှိရန် အတွက် အိုဘားမား ကိုယ်တိုင် မြန်မာနိုင်ငံ သို့ လာရောက်ခဲ့ပြီ၊ ဗြိတိန် ဝန်ကြီးချုပ် လည်း အပြု သဘောဆောင် လာရောက် ခဲ့ပြီးပြီ။ ဒီလိုအချိန်မှာ အရင်လို တဇွတ်ထိုး လုပ်လို့ မရတော့။

ဆောင်းပါး အချုပ် အနေနဲ့The China Post မှာ သြဂုတ်လ ၂ ရက်နေ့က Constitutional changes are for the betterment of Myanmar as a whole ဆိုတဲ့ ခေါင်းစဉ်နဲ့ ဖော်ပြသွားတဲ့ ဆောင်းပါးထဲက အကြောင်းအရာ လေးနဲ့ နိဂုံးချုပ် လိုပါတယ်။ ၂ဝ၁၅ မှာ သူ့အသက်က ၇ဝ ရှိတော့မယ်။ ၂ဝ၁၅ မှာမှ သူမ သမ္မတ မဖြစ်ရင် သူမ ဘယ်တော့မှ သမ္မတ ဖြစ်မှာ မဟုတ်တော့ဘူး။ ဘာလို့လဲ ဆိုတော့ အဲဒီအချိန်မှာ သူ့ အသက်အရွယ် ကြောင့် စိတ်သွားတိုင်း ကိုယ်ပါနိုင် တော့မှာ မဟုတ်ဘူးတဲ့။ ကျွန်တော့် အနေနဲ့ နဲနဲလေး ထပ်ပြီး ပြောချင်တာ ကတော့ သူဟာ ၂ဝ၁၅ မှာ သမ္မတ ဖြစ်ရေး အတွက် ပေါက်တဲ့နဖူး မထူးဘူးဆိုပြီး အားလုံးကို ကန့်လန့်တိုက် နေတာ ဖြစ်နိုင်တယ်။ နောက်တစ်ခုက အခုလို ကန့်လန့်တိုက် နေခြင်းအားဖြင့် မရရင် အရင်း၊ ရရင်အမြတ် ဆိုတဲ့ သဘောမျိုး လုပ်ဆောင် နေတာလည်း ဖြစ်နိုင် ပါတယ်လို့ ပြောချင် ပါတယ်။

ကျော်ထွန်းလင်း