ထာဝရငြိမ်းချမ်းရေး အတွက် လက်နက်စွန့်ဖို့ ဘာကြောင့် ခက်ခဲနေရတာလဲ

7 Day News ဂျာနယ်တွင် RCSS မှ ဒုတိယ ဗိုလ်ချုပ်ကြီး ယွက်စစ် နှင့်တွေ့ဆုံခြင်း ဆိုပြီး ဆောင်းပါး တစ်ခု ဖတ်လိုက် ရသည်၊ ဆန့်ကျင် ဘက် အဖွဲ့အစည်း က လူတယောက်နဲ့ အင်တာဗျူး ဖြစ်သောကြောင့် စိတ်ဝင်တစား နဲ့ သေချာ ဖတ်ကြည့် လိုက်သည်။ ဒါပေမယ့် အင်တာဗျူး လည်း ဆုံးရော အပြောနဲ့ အလုပ် မညီသော ထောက်ပြ ပြောဆို စရာများ အမျာကြီး တွေ့ရှိ ရသည်။ လိုချင်သည်က ငြိမ်းချမ်းရေး လက်နက်ကို လည်း မစွန့်နိုင်သော ကြောင့် အဘယ် ကဲ့သိုသော ငြိမ်းချမ်းရေး နည်းဟု မေးရ တော့မည် ဖြစ်သည်။

၂ဝ၁ဝ ပြည့်နှစ် တပ်မတော် အစိုးရမှ ပြည်သူလူထု ရွေးကောက် တင်မြောက် လိုက်သည့် အရပ်သား အစိုးရထံသို့ အာဏာ လွဲပြောင်း ပေးအပ်ခဲ့ပြီးနောက် စစ်အုပ်ချုပ်ရေး အား နိဂုံးချုပ် စေကာ ဒီမိုကရေစီ နိုင်ငံတော်သစ် တစ်ရပ် အဖြစ်သို့ ပြောင်းလဲ ခဲ့သည်မှာ ယခုဆိုလျှင် တည်ဆဲ အစိုးရ၏ သက်တမ်း ပင်လျှင် ကုန်ဆုံးရန် သိပ်မလို တော့ပြီ ဖြစ်သည်။ ထို့သို့သော အကူး အပြောင်း ကာလတွင် ဝေဖန်မှု အချို့ ရှိလင့်ကစား ပြည်တွင်း အသိုင်းအဝိုင်း နှင့် နိုင်ငံတကာ အသိုင်းအဝိုင်း များမှ ထင်မှတ် မထား လောက်အောင်ပင် ပြုပြင် ပြောင်းလဲမှု များစွာ လုပ်ဆောင် ခဲ့သလို ကမ္ဘာပေါ်တွင် အရှည်ကြာဆုံး တိုက်ပွဲများ ဖြစ်ပွားသည်ဟု သတ်မှတ် ခံထားရသော နေရာအချို့ ကိုလည်း တည်ငြိမ် အေးချမ်း စေခဲ့ပြီး ကေအိုင်အေ ကဲ့သို့သော အဖွဲ့အစည်း အချို့မှအပ ကျန်ရှိသော လက်နက်ကိုင် အဖွဲ့အစည်း အားလုံး နီးပါးနှင့် အပစ်အခတ် ရပ်စဲကာ ယုံကြည်မှု တည်ဆောက် နိုင်ခဲ့သည်ကို တွေ့မြင် ရမည် ဖြစ်ပေသည်။

နှစ်ဦးနှစ်ဖက် အပြန်အလှန် သံသယ အချို့ ရှိနေဆဲ ဖြစ်သော်လည်း ပြည်တွင်း ငြိမ်းချမ်းရေး အခြေအနေ မှာ အလားအလာ အလွန် ကောင်းမွန် နေကြောင်း တွေ့ရှိရမည် ဖြစ်ကာ တပ်မတော် အနေဖြင့်လည်း သမ္မတ ၏ အမိန့်အား လိုက်နာကာ အတက်နိုင်ဆုံး သည်းခံ ခဲ့သည်ကို လွန်ခဲ့သော နှစ်များက ကေအိုင်အေ နှင့် ဖြစ်ပွား ခဲ့သည့် မြန်မာပြည် မြောက်ပိုင်းရှိ တိုက်ပွဲများက သက်သေခံ နေပေသည်။

လွန်ခဲ့သော နှစ်များစွာက တိုင်းရင်းသား လက်နက်ကိုင် အဖွဲ့များ၏ ရည်မှန်းချက်မှာ တိုင်းရင်းသား အရေး၊ မိမိတို့ နယ်မြေ ပိုင်ဆိုင်မှု အရေးသာ ဖြစ်ခဲ့ သော်လည်း ယခုအခါ မူးယစ်ဆေးဝါး အကြီးအကျယ် ထုတ်လုပ် ရောင်းချမှုများ၊ တရားမဝင် သစ်ထုတ်ယူ မှုများဖြင့် အဆမတန် ချမ်းသာ လာခဲ့သော ထိပ်ပိုင်း မူးယစ် ရာဇာများ၏ အကျိုးစီးပွား အတွက်သာ ဖြစ်လာခဲ့ပြီး ကမ္ဘာပေါ်တွင် ဘိန်းစိုက်ပျိုး ထုတ်လုပ်မှု နှင့် မူးယစ်ဆေးဝါး ထုတ်လုပ်မှု ဒုတိယ အဆင့်သို့ ရောက်ရှိ နေပြီဖြစ်သော ၄င်းတို့ ထိန်းချုပ် နယ်မြေ အတွင်းရှိ ဘိန်းစိုက်ခင်း များနှင့် တရားမဝင် သစ်ခိုးထုတ် ခြင်းများအား အစိုးရ စစ်ကြောင်းများမှ ဖျက်ဆီး ခြင်းအား ကာကွယ်ရန် အတွက်သာ ဖြစ်လာ ခဲ့သည်ကို တွေ့မြင် ရမည် ဖြစ်ပေသည်။

ယနေ့ အချိန်အခါ တွင် အစိုးရမှ မီဒီယာ လွတ်လပ်ခွင့် အား အိမ်နီးချင်း နိုင်ငံများမှ အံ့သြ ရလောက်အောင် ပင် ကင်းလွတ်ခွင့် ပေးခဲ့ပြီးနောက် တိုင်းရင်းသား လက်နက်ကိုင် အဖွဲ့အစည်း တို့၏ ဗျူဟာ မှာလည်း ပြောင်းလဲ လာခဲ့ကာ မီဒီယာများ နှင့် ထိတွေ့ ဆက်ဆံ လာပြီးနောက် ၄င်းတို့ အဖွဲ့ အစည်း များ၏ သတင်းများ၊ တွေ့ဆုံ ဆွေးနွေးမှု များကိုလည်း ပုံနှိပ် စာမျက်နှာ များထက်တွင် တွေ့မြင် လာရ ပေသည်။

ဤသည်မှာ ယခင်က ကဲ့သို့သော အခြေအနေမျိုး ထက်စာလျှင် များစွာ တိုးတက် လာသော်လည်း တပ်မတော် စစ်ကြောင်း များမှ ၄င်းတို့၏ ဘိန်းစိုက်ခင်း များအား ဖျက်ဆီး၍ တိုက်ပွဲများ ဖြစ်ပွားသော အခါတွင်မူ မီဒီယာ အကာအကွယ် ယူ၍ တပ်မတော် မှ တိုင်းရင်းသား လက်နက်ကိုင် အဖွဲ့များအား တိုက်ခိုက် နေသယောင် သက်ဆိုင်ရာ မီဒီယာတိုက် ၏ လက်နက်ကိုင် အဖွဲ့အစည်း နှင့်ဆိုင်သော ကိစ္စများတွင် တာဝန်ယူ ထားသော ငယ်ရွယ် နုနယ် သေးသည့် သတင်းထောက် အချို့အား မဟုတ်မမှန် သတင်းများ နှင့် ငွေကြေးအချို့ ပေးကာ မူးယစ်ဆေးဝါး ကဲ့သို့သော ကိစ္စရပ်များ အတွက် အသုံးချ လာနေသည် ကိုလည်း စိတ်မကောင်းစွာ တွေ့မြင် လာရပြီ ဖြစ်သည်။

စိုက်ပျိုး ထားသော ဘိန်းခင်း များအား အစေးခြစ်ချိန် ဖြစ်သည့် နိုဝင်ဘာလ မှ စတင်ကာ လက်နက်ကိုင် အဖွဲ့အစည်းများ နှင့် အစိုးရတပ်များ အကြား တိုက်ပွဲများ ပြန်လည် ဖြစ်ပွား လာမည် ကိုလည်း နိုင်ငံရေး စိတ်ဝင်စားသူ အချို့ သတိထား မိမည် ဖြစ်ပေသည်။ အစိုးရမှ အပစ်အခတ် ရပ်စဲ ထားသော်လည်း ပြီးခဲ့သည့် ရက်ပိုင်း အတွင်းက ရှမ်းပြည်နယ် တောင်ပိုင်းရှိ ဘိန်းစိုက်ပျိုး ထုတ်လုပ်မှု အများဆုံး ဖြစ်သည့် ကောင်ဆိုင်း၊ ဟိုနမ့်၊ ထီပင်၊ ပွန်ချောင်း တစ်ဝိုက်တွင် နယ်မြေ စိုးမိုးရေး အတွက် လှုပ်ရှား နေသော အရှေ့ပိုင်းတိုင်း စစ်ဌာနချုပ် ကွပ်ကဲမှု လက်အောက်ရှိ တပ်မတော် စစ်ကြောင်းမှ တပ်ခွဲ တစ်ခွဲအား ဆွဲမိုင်းဖြင့် တိုက်ခိုက် ခံခဲ့ရကာ တပ်ခွဲမှူး အရာရှိ နှင့် စစ်သည်အချို့ ဒဏ်ရာ ရရှိခဲ့သည့် ဖြစ်စဉ် အပါအဝင် ဘိန်းခင်း များအား ဖျက်ဆီးရန် ရောက်ရှိ လာသည့် တပ်မတော် စစ်ကြောင်း များနှင့် တိုက်ပွဲငယ်များ ဖြစ်ပေါ် ခဲ့သည် ကိုလည်း တွေ့မြင် ရမည် ဖြစ်သည်။

အစိုးရ တပ်များ အနေဖြင့် နယ်မြေ လုံခြုံရေး နှင့် နယ်မြေ စိုးမိုးရေး လုပ်ဆောင်စဉ် ဘိန်းခင်းများ ကို တွေ့သောအခါ ဖျက်ဆီးသည့် အတွက် ရှမ်းအဖွဲ့များ နှင့် တိုက်ပွဲများ ဖြစ်လေ့ ဖြစ်ထ ရှိပါသည်။ ပုံမှန် အားဖြင့် ရှမ်းတပ်ဖွဲ့ များ အင်အား လေးငါးဆယ် လောက်သာ တွေ့နိုင် သော်လည် ဘိန်းခြစ် ရာသီ တွင် ဘိန်းခင်းများကို ကာကွယ်ရန် အကြောင်း ပြချက်ဖြင့် လွယ်တိုင်းလျန် ဘက်က အင်အား နှစ်ရာ၊ သုံးရာခန့် ဆင်းလာ ကြကြောင်း ဒေသခံတွေ ပြောကြားချက် အရ သိရှိ ရသည်။ လုံးတူးတန့် ကျေးရွာမှ ရွာသားတစ်ဦး နှင့် လိုင်ခါး ကျေးရွာမှ ရွာသားတစ်ဦး မှလည်း ရှမ်းဒေသတွင် PNO ပြည်သူ့စစ် နှင့် နားရိုင်း ပြည်သူ့စစ် အဖွဲ့လည်း ရှိသောကြောင့် ရှမ်းတပ်တွေက လူ အများကြီး နှင့် လာလေ့ ရှိကြောင်း သိရပါသည်။ PNO အဖွဲ့များနှင့် တိုက်ပွဲ အဖြစ်များ လေ့ရှိကြောင်း နောင်ဘို ကျေးရွာမှ အမျိုးသမီး တစ်ဦးကလည်း ပြောကြား ခဲ့သည်။

ဘိန်းစိုက်ခြင်း ကို ယနေ့တိုင် ပြုလုပ် နေကြောင်းကို ၅-၉-၂ဝ၁၃ ရက်နေ့ထုတ် The Daily သတင်းစာ နှင့် The Independent သတင်းစာ တို့တွင်လည်း မြန်မာနိုင်ငံ တွင် အမြောက်အမြား ထုတ်လုပ် နေသော တိုင်းရင်းသား လက်နက်ကိုင် အဖွဲ့များ၏ မူးယစ်ဆေးဝါး စက်ရုံများအား ပိတ်သိမ်း ပေးဖို့ ဖိအားပေးရန် အတွက် မြန်မာ အစိုးရအား မေတ္တာရပ်ခံ တိုက်တွန်း သွားမည် ဖြစ်ကြောင်း ရေးသားခဲ့သည့် အပြင် တိုင်းရင်းသား လက်နက်ကိုင် အဖွဲ့အစည်း များ၏ မူးယစ်ဆေးဝါး စက်ရုံများအား နေရာ အတိအကျ ဖြင့်ဖော်ပြခဲ့ သည်ကို တွေ့မြင် ရမည် ဖြစ်ပေသည်။ ဒေသခံ များကို ရှမ်းအဖွဲ့က မျိုးစေ့များ ထုတ်ပေးပြီး စိုက်ခိုင်းကြောင်း၊ ဘိန်းခြစ်ပြီး သွားသော အခါ ရှမ်းအဖွဲ့ များထံသို့ ပြန်အပ်နှံ ရသည်။ အမေရိကန် အပါအဝင် နိုင်ငံ အတော်များများ မှလည်း တိုင်းရင်းသား လက်နက်ကိုင် အဖွဲ့အစည်း များ၏ ဘိန်းစိုက်ပျိုး ထုတ်လုပ်နေမှု များကို ပြင်းပြင်း ထန်ထန် ရှုတ်ချလျက် ရှိပြီး တာဝန်ရှိသည့် ထိပ်တန်း ခေါင်းဆောင်များ ကိုလည်း ဆုငွေ ဒေါ်လာ သန်းချီ ထုတ်ကာ ဖမ်းဆီး နိုင်ရေး ဆောင်ရွက်လျက် ရှိသည်ကို တွေ့မြင် နိုင်ပေသည်။

ယနေ့ အချိန်တွင် မြန်မာနိုင်ငံ သည် ဘိန်းထွက် ရှိသည့် နေရာတစ်ခု သက်သက် မဟုတ်တော့ပါ။ ထိုင်း နိုင်ငံတွင် လူသန်းနှင့် ချီ၍ သုံးစွဲ နေကြသည့် စိတ်ကြွဆေး အများစုကို ထုတ်လုပ် ပေးနေသည့် နေရာလည်း ဖြစ်နေ ပါသည်။ အမေရိကန် ကွန်ဂရက် လွှတ်တော် သုတေသန အဖွဲ့၏ ခန့်မှန်းမှု အရ မြန်မာနိုင်ငံ ရှိ တိုင်းရင်းသား လက်နက်ကိုင် များ၏ မူးယစ်ဆေး ကုန်သွယ်မှု ပမာဏသည် အမေရိကန် ဒေါ်လာ ၁ ဘီလီယံ နှင့် ၂ ဘီလီယံ အကြားတွင် ရှိသည်ဟု သိရသည်။ မြန်မာနိုင်ငံ သည် ကမ္ဘာပေါ်တွင် ဘိန်းစိုက်ပျိုးမှု အများဆုံး နိုင်ငံ နေရာကို အာဖဂန်နစ္စတန် သို့ ပေးအပ် လိုက်ရသည်မှာ ကြာခဲ့ပြီ ဖြစ်သော်လည်း ဒုတိယ နေရာမှာတော့ ခိုင်ခိုင်မာမာ ရပ်တည်လျက် ရှိနေသေး ပေသည်။

နိုင်ငံတော် အစိုးရ အနေဖြင့် တိုင်းပြည် အတွက် တူညီသည် များကို လက်တွဲ ပူးပေါင်း ဆောင်ရွက်ပြီး မတူညီ သည်များကို စိတ်ရှည် သည်းခံပြီး အချိန်ယူ ညှိနှိုင်း ဆွေးနွေး ခြင်းဖြင့် အဖြေရှာသည့် နိုင်ငံရေး ပုံစံသစ်ကို လျှောက်လှမ်း နေကြောင်း တွေ့မြင်နိုင် ပါသည်။ အနိုင်အရှုံး အဆုံးအဖြတ် ရယူခြင်းထက် အတူတကွ လက်တွဲ ပူးပေါင်း ဆောင်ရွက်ခြင်း သည်သာ တိုင်းပြည် အတွက် အကျိုးအမြတ် ရရှိစေမည် ဖြစ်ပါသည်။

အောက်ခြေတွင် ပစ်ခတ် တိုက်ခိုက်မှု အချို့ ရှိနေသေး သည်ကို လုံးဝ ရပ်စဲသွားအောင် နားလည်မှု ရှိရှိဖြင့် နှစ်ဖက်ညှိနှိုင်း ဆောင်ရွက် သွားကြရမည် ဖြစ်ပါသည်။ အစိုးရ အဖွဲ့ အနေဖြင့် လက်မှတ် ရေးထိုးပြီး ပါက အားလုံးနှင့် သက်ဆိုင်သည့် နောက်ဆက်တွဲ ဆောင်ရွက် ဖွယ်ရာများ ဖြစ်သည့် တပ်များ နေရာချ ထားရေး၊ အိုးအိမ်များ ပြန်လည် ထူထောင်ရေး၊ အလုပ်အကိုင် အခွင့်အလမ်း များ ရှာဖွေရေး၊ စားရေ ရိက္ခာ အကူအညီ ပေးရေး လုပ်ငန်းနှင့် ပညာရေး၊ ကျန်းမာရေး ဆိုင်ရာ ကိစ္စရပ် များကို အတတ်နိုင်ဆုံး ညှိနှိုင်း ပူးပေါင်း၍ ဆောင်ရွက် ပေးမည် ဖြစ်ကြောင်း ပြောကြားပြီး ဖြစ်ပါသည်။

ရှမ်းပြည်နယ် ( မြောက်ပိုင်း ) တွင် တိုက်ပွဲများ ဖြစ်ပွား နေခြင်းသည် ငြိမ်းချမ်းရေး လုပ်ငန်းစဉ် တစ်ခုလုံးကို ပြီးပြတ်အောင် မဆောင်ရွက် နိုင်သေးခြင်း သည်လည်း တစ်ချက် အပါအဝင် ဖြစ်သည်။ ပြည်တွင်း ငြိမ်းချမ်းရေး လုပ်ငန်းစဉ် တွင် အထောက်အကူ ပြုမည့် တိုင်းရင်းသား ကာကွယ် စောင့်ရှောက်သည့် ဥပဒေကို ပြဌာန်း နိုင်ရန် ဆောင်ရွက်လျက် ရှိသည်။ ဖွဲ့စည်းပုံ အခြေခံ ဥပဒေ လေ့လာရေး ကော်မတီ ဖွဲ့စည်း၍ လေ့လာ သုံးသပ်လျက် ရှိပြီး တိုင်းရင်းသား စည်းလုံး ညီညွတ်ရေး နှင့် အမျိုးသား ပြန်လည် သင့်မြတ်ရေး ကိုလည်း ဆောင်ရွက်လျက် ရှိပါသည်။

တပ်မတော် အနေဖြင့် လည်း ငြိမ်းချမ်းရေး ဖော်ဆောင်မှု လုပ်ငန်းများကို ဆောင်ရွက်ရန် နှင့် ပေးအပ် သည့် တာဝန်များကို တိတိကျကျ ဆောင်ရွက် ရမည်ဖြစ်သည့် အဖွဲ့အစည်း ဖြစ်ပါသည်။ တပ်မတော် သည် နိုင်ငံတော်၊ ပြည်သူ၊ အချုပ်အခြာ အာဏာနှင့် နယ်နိမိတ် တို့ကို ကာကွယ် စောင့်ရှောက်ရန် တာဝန်ကိုသာ အဓိကထား ဆောင်ရွက် ရမည် ဖြစ်ပါသည်။ RCSS မှ ဒုတိယ ဗိုလ်ချုပ်ကြီး ယွက်စစ် သည် ယခု အချိန်ကာလ တွင် မီဒီယာကို အသုံးပြုကာ ဘိန်းနှင့် မူးယစ်ဆေးဝါး ပိုမို ထုတ်လုပ် နိုင်ရန် ကြိုးပမ်း ဆောင်ရွက်ခြင်း သာ ဖြစ်ကြောင်း ရေးသား ဖော်ပြ အပ်ပါသည်။

လင်းထင်