ပူးပေါင်းရေးအတွက် ကျားခေါင်းပါတီ ခေါ် သျှမ်း တိုင်းရင်းသားများ ဒီမိုကရေစီအဖွဲ့ချုပ်က ကမ်းလှမ်း ထား သည့်အတိုင်း တွေ့ဆုံ ဆွေးနွေးရန် အတွက် ကျားဖြူ ပါတီခေါ် သျှမ်း တိုင်းရင်းသားများ ဒီမိုကရက် တစ် ပါတီမှ နေပြည်တော်တွင် တွေ့ဆုံရန် အကြောင်း ပြန်စာ ပေးပို့ထားသည်ဟု သိရပါ သည်။
ဂျန္နဝါရီ ၃၀ ရက်နေပြည်တော် ယူနီစန်သီးသန့်ခန်း၌ မွန်းလွှဲ ၁ နာရီအချိန် တွင်တွေ့ဆုံရန် ကျားဖြူ ပါတီ ဥက္ကဌ စိုင်းဆောင်ဆီ မှ ဂျန္နဝါရီလ ၂၃ ရက် ရက်စွဲဖြင့် SNLD ထံသို့ အကြောင်းပြန်စာ ပေးပို့ခဲ့ခြင်း ဖြစ်သည်။
“ကျားဖြူပါတီညီလာခံပြီးမှ တွေ့ဆုံနိုင်မယ်လို့ ကျနော်တို့ ပြောထားတဲ့အတိုင်း အခု ကျနော်တို့က ၃၀ – ၃၁ ရက် နေ့မှာ အား မယ်။ SNLD အား မအား မသိဘူးလေ။ သူတို့ဘက် အားမှ တွေ့ဆုံနိုင်မှာလေ” – ဟု ကျားဖြူ ပါတီ၏ ဆွေးနွေးညှိနှိုင်းရေး အဖွဲ့ ခေါင်းဆောင် စိုင်းဆောင်ဆီက ပြောသည်။
မြန်မာနိုင်ငံအစိုးရ ရုံးလုပ်ထုံးလုပ်နည်းအရ တရားဝင်ရုံးစာအား စာတိုက်နှင့် ပေးပို့ရသောကြောင့် SNLD မှ စာလက်ခံရ မရ မသိသေးကြောင်းလည်းပြော ပါသည်။
“ကျနော်တို့ သိပါပြီ။ အခုကျနော်တို့ အစည်းအဝေးထိုင်နေပါတယ်” – SNLD ၏ ဆွေးနွေးညှိနှိုင်းရေး အဖွဲ့ ခေါင်းဆောင် စိုင်းစောအောင်ကပြောပါသည်။
“ပူးပေါင်းနိုင်ဖို့ မပူးပေါင်းနိုင်ဖို့ တွေ့ဆုံပြီးမှ ပြောနိုင်မယ်လေ။ ကျနော်တို့ကတော့ အဓိက က လူထု အကျိုး အတွက် အလုပ် လုပ်ပေးဖို့ပဲ။ SNLD က ၈ ပြည်နယ် လက်ခံတယ်။ ကျနော်တို့က ၁၄ ပြည်နယ် ကို လက်ခံတယ်။ ဒါတွေက ဘာဖြစ်နေဖြစ်နေ အဓိက ကတော့ မိမိကိုယ်ပိုင်ပြဌာန်းခွင့် အစစ်အမှန် ရဖို့ပဲ။ အမျိုးသားရေး အတွက် အလုပ်လုပ်လာတာ အခုအသက် ၇၃ နှစ်တောင်ရှိပြီ” – ဟု စိုင်းဆောင်ဆီ က ဆက်၍ ပြောသည်။
နေပြည်တော်အစိုးရ ရွေးကောက်ပွဲကော်မရှင်က ပါတီနှစ်ခုပေါင်းစည်းလျှင် လက်ရှိမိခင်ပါတီအား ဖျက်သိမ်း ရမည်ဟူသည့် မူဘောင် စည်းမျဉ်းချထားပါသည်။
ထို့အတွက် သျှမ်းတိုင်းရင်းသားများ ဒီမိုကရေစီအဖွဲ့ချုပ် SNLD ပြောခွင့်ရ စိုင်းလိတ်က- ‘ကိုယ်ရေး ကိုယ်တာနဲ့ ပါတီအရေး ဆို ပါတီကိုဦးစားပေးမယ်။ ပါတီနဲ့ အမျိုးသားရေးဆို အမျိုးသားရေးကို ဦးစားပေး မယ်။ အမျိုးသားရေးလိုအပ်ချက်အရ ပါတီဖျက်သိမ်းသင့်ရင်လဲ ဖျက်သိမ်းရမယ်’ ဟု သျှမ်းသံတော်ဆင့် သို့ပြောဖူးသည်။
၂၀၁၂ နှောင်းပိုင်းတွင် တက်ကြွလှုပ်ရှား သျှမ်းလူငယ်များက သျှမ်းလူထု၊ သံဃာ၊ ဝန်ထမ်းများထံ စစ်တမ်းကောက်ယူရာ ၉၀ ရာခိုင် နှုန်းကျော် က ကျားဖြူနှင့် ကျားခေါင်း ပါတီပေါင်းစည်းရန်၊ သျှမ်းပြည် တပ်မတော် (တောင်ပိုင်း) အမည်ရ RCSS/SSA နှင့် သျှမ်းပြည်တပ်မတော်(မြောက်ပိုင်း) အမည်ရ SSPP/SSA တို့ပေါင်းစည်းရန် ဆန္ဒရှိကြသည်ဟုသိရပါသည်။
သျှမ်းသံတော်ဆင့်
SNLD ထံပေးပို့သည့် SNDP ၏အကြောင်းကြားစာ
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။