မံစီမြို့နယ်၊ “မိုင်းခေါင်”ကျေးရွာနှင့် “ခါ့ပရာ”ကျေးရွာအကြား “ခါ့ပရာ”ကျေး ရွာရှိ သစ်အ၀ယ် စခန်းများ၌ ဆိုင်ကယ် ဖြင့် သစ်တင်ရောင်းချသူ မံသာကျေးရွာ သား(၆)ယောက်ကို (၁၃.၁.၂၀၁၄)နေ့ (၂)နာရီခန့်ကKIA ယူနီဖောင်းဝတ် လက်နက် ကိုင် (၃)ယောက်က လူမဆန် အောင် ရက်ရက် စက်စက်ရိုက်နှက်ကြပြီး ငွေ(၆)သောင်းတောင်းယူ သွားကြောင်း သိရသည်။
ဖြစ်ပွားပုံမှာ ခါ့ပရာကျေးရွာရှိ (တမ လန်းနှင့် ကျွန်း)သစ်အ၀ယ်စခန်း၌ သစ် ရောင်းပြီး ပြန်လာကြသူ ကိုသန်းဝင်း (၄၂/၂၀၁၄)နှစ်(ဘ)ဦးမြဒင်။ ကိုသန်း ဇော်ဦး(၃၇/၂၀၁၄)နှစ်(ဘ)ဦးစံမင်း။ ကို ၀င်းဆန်းဦး(၁၈/၂၀၁၄)နှစ်(ဘ)ဦးမောင် ငယ်။ ကိုကျော်မြင့်(၃၅/၂၀၁၄)နှစ်တို့ သည် မိုင်းခေါင်ရွာအနီးတွင် သစ်တင် ထားပြီး ဆိုင်ကယ်ပျက်နေကြသူ ကိုတင့် ခိုင်(၃၅/၂၀၁၄)နှစ်(ဘ)ဦးလှရွှေ။ ကိုသန်း စိုး(၃၂/၂၀၁၄)နှစ်(ဘ)ဦးလှရွှေတို့ (၂) ဦးကို ကူညီပြင်ပေးနေကြစဉ် ကေအိုင် အေ၀တ်စုံဝတ်ထားပြီး ပစ္စတိုချိတ်ထားသူ (၁)ဦးနှင့် မောင်းပြန်သေနတ်ကိုင်ထားသူ (၂)ဦးတို့ရောက်ရှိလာကြကာ (ဘယ်မှာ သွားရောင်းကြမှာလဲ)(ဘယ်သူ့ဆီ သွား ရောင်းကြမှာလဲ)ဟုမေးလို့ (ခါ့ပရာမှာ သွားရောင်းကြမှာ)(တရုတ်မဆီရောင်းမှာ) ဟုဖြေလိုက် သည်နှင့် အသားလွတ်ကြီး ၀င်ရိုက်ကြကြောင်း ဗန်းမော်ဆေးရုံတွင် တက်ရောက်ကုသခံနေသူ ကိုသန်းဝင်း က ပြောသည်။
““ကျွန်တော်တို့ဆိုင်ကယ်ဝိုင်းပြင်နေ ကြချိန်မှာ “ခါ့ပရာ”ဘက်ကဆင်းလာတဲ့ ကေအိုင်အေ(၃)ယောက်က စကား(၂)ခွန်း လောက်မေးပြီးတော့ ဘာမပြောညာမ ပြော ကျွန်တော့်ကိုအရင်ဆုံးရိုက်တာပဲ။ လက်သီးနဲ့ ထိုး၊ သေနတ်ဒင်နဲ့ရိုက်ချိန်မှာ နောက်ခုန်ဆုတ်လိုက်တော့မထိဘူး။ ဒေါ ကန်သွားပြီး တမလန်းသစ်သား ဂျက်လိန် (သစ်တင်ပြီးကြိုးချည်ရာတွင် ကြိုးတင်း ကျပ်နေအောင် လိမ်သည့်သစ်သား(ခေါ်) ၀ါးတုတ်)ကိုဆွဲယူပြီး ၀ဲဘက်နားအုံကိုရိုက် ချလိုက်တာ ပူခနဲဖြစ်သွားပြီး လဲကျသွား ချိန် စစ်ဖိနပ်နဲ့ဝိုင်းကန်ကြပြီး ခန်္ဓာကိုယ် အနှံ့ရိုက်ကြတယ်။ ၀ဲနားရွက်ကွဲပြဲပြီး နား ခေါင်းက သွေးတွေကျလာတယ်။ ကျော တွေ ရင်တွေကို ရိုက်တာကန်တာကြောင့် အသက်ရှူကျပ်ပြီး သတိလစ်သလိုဖြစ် သွားလို့ ရိုက်တာရပ်သွားတယ်။ ပြီးတော့ ကျန် (၅) ယောက်ဘက်ကိုရိုက်ဖို့ လှည့် ချိန်မှာ (ဆရာတို့ရယ် မရိုက်ပါနဲ့) လို့ ပြောတဲ့ သန်းဇော်ဦး ကိုမဲပြီး ပါးတွေရိုက်၊ နားတွေရိုက်၊ လက်သီးနဲ့ထိုး၊ စစ်ဖိနပ်နဲ့ ကန်တယ်။ (ဟေ့ကောင် ငါဆရာမဟုတ် ဘူး။ ဆလန်ကဘာ) ( (Salang Kaba) ဆို တာ တိုက်နယ်မှူးကိုခေါ်သည်)ဟု ပြော ရင်း သေနတ်မောင်းတင်ပြီး ရင်ဝကိုပစ် ထည့်လိုက်တယ်။ ဘုရားသိကြား“မ”လို့ ကျည်ကမထွက်ဘူး။ နောက်တစ်ကြိမ် မျက်နှာကိုထိုး၊ သေနတ်ဒင်နဲ့ထု၊ စစ်ဖိနပ် နဲ့ကန်လို့ နှုတ်ခမ်း၊ မျက်နှာတွေကွဲပြဲဖူး ရောင်ကုန်ပြီး နှာခေါင်းရိုးလည်းကျိုးသွား တယ်။ သွေးတွေကလည်းအလိမ်းလိမ်း။ လူ မဆန်အောင်ရက်စက်လိုက်ကြတာ။ (သူ ကတော့ မံသာ ကျေးရွာ ဆေးခန်းမှာကုသ ခံနေတယ်)။ ကျော်မြင့်ရဲ့ နား(၂)ဖက်ကို လက်ဝါး(၂)ဖက်နဲ့အသားကုန် ပိတ်ရိုက်ပြီး ဂျက်လိန်ကြေမွသွားတဲ့အထိ အရိုက်ခံရ တယ်။
ဒီအချိန်မှာ စုံတွဲ(၂)တွဲ ဆိုင်ကယ် (၂)စီးနဲ့ “ခါ့ပရာ”ရွာဘက်ကနေ ဆင်းလာ တယ်။ သားရေဂျာကင်ဝတ် ဒုတိယ ဆိုင်ကယ်မောင်းသူရဲ့ ကျောကို(၂)ချက်ရိုက် ပြီး အနောက်ကထိုင်တဲ့အမျိုးသမီးကို ရိုက်ချိန်မှာ ရှေ့ဆိုင်ကယ်ကအမျိုးသမီးက (ဟေ့ မာနော်မလုပ်နဲ့)လို့အော်ရင်း ထိုလူ့ လက်ကတုတ်ကို ဆွဲယူလိုက် တယ်။ သူတို့ တွေက ကချင်လိုဆက်ပြီးပြောနေကြလို့ အဓိပ်္ပာယ်မပေါက်ဘူး။ မိုင်းခေါင်ရွာက လူတွေလို့ ထင်တာပဲ””ဟု ရွာသားတစ်ဦးက ဆိုသည်။
““ဆလန်ကဘာ(တိုက်နယ်မှူး)က အရပ်မြင့်မြင့်၊ အသားဖြူဖြူ။ တစ်ယောက် က မပုမ၀အသားညိုညိုနဲ့။ (၃)ယောက် ထဲမှာ အရိုင်းစိုင်းဆုံး၊ အဆိုးဝါးဆုံးက အရပ်ပုပုနဲ့ မာနော်ဆိုတဲ့ကောင်ပဲ။ လူ မြင်ရင် မှတ်မိ ပါတယ်။ နောက်တော့ ကျွန်တော်တို့ဆီကတစ်ယောက်တစ်သောင်း ကျပ်တောင်းပြီး ထွက်သွားကြတယ်။ ကျွန်တော်တို့လည်း ဒဏ်ရာတွေကိုကြိတ် မှိတ်အောင့်အည်းခံပြီး တဖြည်းဖြည်းနဲ့ ပြန်ခဲ့ကြတာ ည(၆း၃၀)နာရီခန့် ရွာပြန် ရောက် ပြီး ရွာကဆရာမနဲ့ဆေးကုသခံပြီးမှ ဗန်းမော် ဆေးရုံကိုရောက်လာကြတာ””ဟု အတွင်းဒဏ်ရာကြောင့်အသက်ရှူကျပ်နာ ကျင် ကိုက်ခဲနေတဲ့ကြားက ကြိုးစားပြီး ပြောရှာသည်။
““ကချင်ပြည်နယ်မှာ လူမျိုးပေါင်းစုံ နေထိုင်ကြပါတယ်။ ဒါပေမဲ့အခုလိုလူမ ဆန်တဲ့ ရိုင်းစိုင်းစုတ်ပဲ့တဲ့ လုပ်ရပ်မျိုးကို ဘယ်လိုမှလက်မခံနိုင်ဘူး။ (၂)ဖက်အဖွဲ့ အစည်းတွေ၊ ကြားနေအဖွဲ့အစည်းတွေနဲ့ ကုလသမဂ္ဂကိုယ်စားလှယ်တွေရှေ့မှာ ငြိမ်းချမ်းရေး၊ အပစ်အခတ်ရပ်စဲရေး၊ တွေ့ဆုံဆွေးနွေးမှုတွေ လုပ်နေကြချိန်မှာ အောက်ခြေတပ်ရင်း၊ တပ်ဖွဲ့တွေမှာတော့ ဖြစ်ချင်တိုင်းဖြစ်၊ လုပ်ချင်တိုင်းလုပ်နေကြ တာပဲ။ ဒီလူတွေက သာမန်ရွာသားတွေ ပါ။ ကေအိုင်အေတွေဟာ ကချင်စကား မပြောတတ်တဲ့ လူမျိုး မှန်သမျှအပေါ် အခုလိုသာဆက်ပြီးဖြစ်လာမှာ အမှန်ပါပဲ။ သူတို့လူကိုသူတို့မထိန်းနိုင်ကြတော့ဘူး လား။ သေနတ်ကိုင်ထားသူအချင်းချင်း ဆိုရင်တော့ ဘယ်လိုပဲလုပ်လုပ်မပြောလို ပါဘူး။ အဲဒီနေ့က လုပ်ရပ်ကျူး လွန်သူ တွေ ကို ကေအိုင်အေကဖော်ထုတ်ပေးပြီး ၀န်ချတောင်းပန်စေချင်တယ်။ လူသား ချင်းစာနာသော အားဖြင့် ထိခိုက်နစ်နာရ သူတွေကိုနစ်နာကြေး၊ ဆေးဖိုးဝါးခနဲ့ ဓား ပြတိုက်သလိုတောင်းယူသွားတဲ့ ငွေတွေ ပြန်ပေးသင့်တယ်။ ချွေးနှဲစာစစ်စစ် ငွေ ကြေးတွေပါ။ စစ်ပွဲတွေကြောင့် စီးပွား ပျက် ဒုက္ခရောက်နေ ကြရတာကြာခဲ့ပြီ။ သေနတ်ကိုင်ထားသူမှန်သမျှကိုကြောက် နေရတဲ့ မြေစာပင်တွေပါဗျာ။ ဒီကလေး တွေက ဘာအပြစ်ရှိလို့၊ ဘာအပြစ်တွေ ကျူးလွန်လို့ ဒီလိုရက်ရက်စက်စက်လုပ် ရတာလဲ။ လက်နက်ကိုင်ပြီး ပြည်သူ ကို (ဒါမှမဟုတ်) ကချင်မဟုတ်သူတွေကို အနိုင်ကျင့်နေကြတာပဲ။ လက်နက်ကိုင် ထားပြီး ပြည်သူကို မတရားနှိပ်စက်၊ အနိုင် ကျင့်စော်ကားနေတဲ့ ဘယ်အဖွဲ့ကိုမှအထင် မကြီးဘူး။ အဲဒီလိုအဖွဲ့အစည်းက ဆက်ပြီး သာ မိုက်လုံးကြီးနေဦးမယ်ဆိုရင်တော့ ပြည်သူရဲ့ဒဏ်ခတ်ခြင်းကိုမလွဲမသွေခံရ မှာအမှန်ပဲ””ဟု လူနာလာကြည့်သူတစ်ဦး က ခံပြင်းစွာပြောသည်။
စစ်ပွဲဖြစ်ကာလအတွင်း အလားတူ ဖြစ်စဉ်ဖြစ်ရပ်မျိုးတွေ ကချင်ပြည်နယ် အနှံ့တွင်ရှိနေခဲ့ပါသည်။
Hot News Journal
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။