(၂၅) နှစ်မြောက် NLD ပါတီ၏ ရှေ့ဆက်ရမည့် ခရီးတွင် အခက်အခဲများ ရှိနေဆဲဟု နာယက ဦးတင်ဦး ပြောကြား

စက်တင်ဘာ ၂၇ ရက်တွင် ကျရောက်မည့် NLD ပါတီ၏ (၂၅) နှစ်မြောက် ငွေရတုပွဲ ပြီးနောက်တွင်လည်း ပါတီအနေနှင့် ရှေ့ဆက်ရမည့် ခရီးလမ်းမှာ ကြမ်းတမ်းဆဲ ဖြစ်သည်ဟု NLD ပါတီ၏ နာယက ဦးတင်ဦးက The Daily Eleven သို့ ပြောကြားသည်။

NLD ပါတီ၏ ငွေရတုပွဲကို ယခင်နှစ်များထက် ပိုမိုစည်ကား သိုက်မြိုက်အောင် လုပ်ဆောင်သွားမည် ဖြစ် သည်ဟု ဦးတင်ဦးက ဆက်လက်ပြောကြားသည်။ ဦးတင်ဦးက MRTV-4 က NLD ပါတီအား ကူညီရန် မေတ္တာရပ်ခံခဲ့သောကြောင့် ငွေရတုပွဲ ကျင်းပစဉ်အတွင်း ပြင်ပမှ ပရိသတ်များ တွေ့မြင်ခွင့်ရအောင် စီစဉ် မည်ဟုလည်း ပြောကြားသည်။

NLD ပါတီကို ၁၉၈၈၊ စက်တင်ဘာ ၂၇ ရက်က စတင်ဖွဲ့စည်းခဲ့ပြီး ၈၈ အရေးတော်ပုံမှ မွေးဖွားလာသည့် ပါတီတစ်ခုအဖြစ် ပြည်သူအားလုံးက အသိအမှတ် ပြုထားသည်။

မြို့နယ်နှင့် ပြည်နယ်ရုံးများတွင်လည်း ငွေရတု အထိမ်းအမှတ်ပွဲ ပြုလုပ်ကြရန် တိုက်တွန်းထားပြီး ငွေရတု သ၀ဏ်လွှာ ဖတ်ကြားလိုပါက NLD ပါတီရုံးချုပ်သို့ ဆက်သွယ်ရန်လည်း ဖိတ်ခေါ်ထားသည်။

NLD ပါတီ၏ ငွေရတုပွဲအတွက် အမှတ်တရ စာစောင်အဖြစ် လူငယ်အဖွဲ့များက ဦးဆောင်ပြီး ရန်ကုန်နှင့် မန္တလေးတွင် ထုတ်ဝေမည်ဟု သိရသည်။

NLD ပါတီ၏ သက်တမ်း ငွေရတုတိုင်ခဲ့သည့်အပေါ် နာယက ဦးတင်ဦးက "အခုအချိန်အထိ အသက်ရှူ မချောင်သေးပါဘူး။ ဒေါ်အောင်ဆန်းစုကြည်ကို ဖေ့ဘုတ်တွေပေါ်မှာ ဆန့်ကျင်ရေးသား နေကြတုန်းပဲ။ အဲဒီလူတွေ နားလည်လာအောင်လုပ်ဖို့ အများကြီး လိုအပ်ပါသေးတယ်။ နောက်ပြီး ရခိုင်ကိစ္စပေါ့နော်။ ရခိုင်တွေက နည်းနည်းလူမျိုးရေး ပြင်းထန်တော့လေ။ အခုကိစ္စမှာ NLD ရဲ့ ရပ်တည်မှုက ပျော့တယ် ဘာ ညာ ပြောကြတယ်။ NLD ပါတီ အနေနဲ့ လူ့အခွင့်အရေး၊ ဒီမိုကရေစီရေး၊ တရားဥပဒေ စိုးမိုးရေး စတာတွေ နဲ့ ရပ်တည်တာဆိုတော့ လူ့အခွင့်အရေး အခြေခံပေါ်မှာ မျှမျှတတဖြစ်အောင် စဉ်းစားရတယ်။ သို့သော် ဥပဒေမဲ့ ၀င်လာတဲ့ အခါကျတော့ အဲဒါကို ဥပဒေနဲ့အညီ အရေးယူ ဆောင်ရွက်ရမည် ဆိုတာကို နားလည် လာအောင် လုပ်ဖို့လည်း ရှိတယ်။ ကောလာဟလတွေက ဘက်နှစ်ဖက်စလုံးကနေ ထွက်နေတော့ ပဋိပက္ခတွေ ဖြစ်ကြရတယ်။ အရင်၂၅ နှစ်ကတော့ တော်တော့်ကို ကြမ်းကြမ်းတမ်းတမ်း ရပ်တည်ခဲ့ရတယ်။ ပါတီ ဝင်တွေ အဖမ်းခံရတယ်။ တချို့တွေ အသက်ပေးသွားတယ်။ တချို့ဘ၀တွေ ပျက်သွားတယ်" ဟု ပြောကြား သည်။

NLD ပါတီကို ၁၉၈၈ စက်တင်ဘာ ၂၇ ရက်တွင် စတင်ဖွဲ့စည်းကာ ၁၉၉၀ ပြည့်နှစ်တွင် ကျင်းပသည့် ပါတီ စုံ အထွေထွေ ရွေးကောက်ပွဲတွင် အပြတ်အသတ် နိုင်ခဲ့သော်လည်း ထိုစဉ်က အာဏာသိမ်းထားသည့် စစ် အာဏာရှင်များက အာဏာလွှဲအပ်ခြင်း မပြုခဲ့ပေ။ ထို့အပြင် ပါတီခေါင်းဆောင် ဒေါ်အောင်ဆန်းစုကြည် အ ပါအ၀င် ပါတီဝင်များအား နှစ်ရှည်ထောင်ဒဏ်များ ချမှတ်ခြင်း၊ ပါတီရုံးများကို ပိတ်ပစ်ခြင်း၊ ပါတီရုံးချုပ်အ တွင်း အကြိမ်ကြိမ် ၀င်ရောက်စီးနင်း ရှာဖွေခြင်းများ ပြုလုပ်ခဲ့သည်။

၂၀၁၀ တွင်ပြုလုပ်သည့် ရွေးကောက်ပွဲအား NLD ပါတီက သပိတ်မှောက်ခဲ့ပြီး ၂၀၁၀ နိုဝင်ဘာ ၁၃ ရက် တွင် နေအိမ်အကျယ်ချုပ်မှ ပြန်လည်လွတ်မြောက် ခဲ့ပြီးနောက်တွင် သမ္မတဦးသိန်းစိန်နှင့် တွေ့ဆုံခဲ့ပြီး နောက် ၂၀၁၂ ဧပြီလတွင် ကျင်းပသည့် ကြားဖြတ်ရွေးကောက်ပွဲတွင် ၀င်ရောက်ယှဉ်ပြိုင်ခဲ့သည်။ NLD ပါတီ၏ ရွေးကောက်ပွဲ ကြွေးကြော်သံအဖြစ် ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေး၊ တရားဥပဒေ စိုးမိုးရေးနှင့် ပြည်တွင်းငြိမ်းချမ်းရေးဟူ၍ ကြွေးကြော်ခဲ့သည်။ ကြားဖြတ်ရွေးကောက်ပွဲတွင် ဒေါ်အောင်ဆန်း စုကြည် အပါအ၀င် ကိုယ်စားလှယ် ၄၁ ဦး အနိုင်ရရှိခဲ့သည်။ ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေးအ တွက် စက်တင်ဘာလမှ စတင်ကာ အခြေခံဥပဒေ ပြင်ဆင်ရန်အတွက် ကော်မတီ တစ်ရပ်ကို ဖွဲ့စည်းကာ တိုင်းရင်းသား အဖွဲ့များနှင့် စနေနေ့တိုင်း တွေ့ဆုံဆွေးနွေးပွဲများ ပြုလုပ်လျက် ရှိသည်။

NLD ပါတီ၏ (၂၅) နှစ်မြောက်ခဲ့ပြီး နောက်ပါတီ၏ ရပ်တည်ချက် အနေနှင့် ဖွဲ့စည်းပုံ ပြင်ဆင်ရေး ကော်မ တီမှ ဦးထွန်းထွန်းဟိန်က "အမျိုးသားဒီမိုကရေစီ အဖွဲ့အနေနဲ့ ၂၀၀၈ အခြေခံ ဥပဒေကို ကန့်ကွက်တယ်။ အဲဒီအမြင်ကို အခုထိ မပြောင်းလဲပါဘူး။ ဒါကတော့ ကျွန်တော်တို့ အစဉ်တစိုက် လုပ်ခဲ့တဲ့ အလုပ်ပဲ ဖြစ်ပါ တယ်" ဟု ပြောကြားသည်။

Eleven Media Group