အိန္ဒိယ နိုင်ငံရှိ ဗုဒ္ဓဘာသာဝင်များ ဘာသာရေးအရ အထွဋ်အမြတ်ထားရာ နေရာများနှင့် အိန္ဒိယရောက် မြန်မာများ၏ လုံခြုံရေး ဆိုင်ရာ အစီအစဉ်များ အတွက် အစိုးရ တာဝန်ရှိသူများ ညှိနှိုင်းဆောင်ရွက် နေကြောင်း သိရသည်။
အိန္ဒိယနိုင်ငံ ဘီဟာပြည်နယ်ရှိ ဗုဒ္ဓဂယာတွင် ယမန်နေ့က ဗုံးများ ဆက်တိုက် ပေါက်ကွဲမှုကြောင့် မြန်မာ ရဟန်းတပါးနှင့် အမျိုးသားတဦး ဒဏ်ရာ ရရှိမှု ဖြစ်ပွားပြီးနောက် ယခုကဲ့သို့ အစီအစဉ် ဖြစ်ပေါ်လာရကြောင်း သမ္မတ ၏ ပြောရေးဆိုခွင့် ရှိသူ ဦးရဲထွဋ်က ပြောသည်။
“အိန္ဒိယနိုင်ငံမှာ သတင်းသုံးနေတဲ့ မြန်မာရဟန်းတော်များ၊ မြန်မာနိုင်ငံသားများ၊ နောက် ဗုဒ္ဓဘာသာဝင်တွေ ဘာသာ ရေး အရ အထွဋ်အမြတ်ထားရာနေရာများရဲ့ လုံခြုံရေး ကိစ္စတွေအတွက် အိန္ဒိယနိုင်ငံအစိုးရ၊ သက်ဆိုင်ရာ ပြည်နယ် အစိုးရများနဲ့လည်း ကျနော်တို့ ညှိနှိုင်း ပူးပေါင်း ဆောင်ရွက်လျက်ပဲ ရှိပါတယ်။ လောလောဆယ် အဲဒီလောက်ပဲ ရှိပါသေး တယ်”ဟု သူက ဧရာဝတီကို ပြောပြသည်။
ယခုအခါ နယူးဒေလီမြို့ရှိ မြန်မာသံရုံးနှင့် သာသနာရေးဝန်ကြီးဌာနကလည်း ဒဏ်ရာရ ရဟန်းတော်၏ မိသားစုကို ဆက် သွယ် ကူညီရန် ပြင်ဆင်နေကြောင်း ဦးရဲထွဋ်က ဆက်ပြောသည်။
ဇူလိုင်လ ၇ ရက်နေ့ နံနက်ပိုင်းက ဗုဒ္ဓဂယာ၌ ၂ မိနစ်ခြားစီ ပေါက်ကွဲမှု ၉ ခု ဖြစ်ပွားသည်ဟု အိန္ဒိယ သတင်းများတွင် ဖော်ပြထားသည်။
ဗုဒ္ဓဂယာ မဟာဗောဓိ စေတီတော်ဝင်း ရှိ မဟာဗောဓိညောင်ပင် အောက်၊ ရတနာဃရ သတ္တာဟ ၊ အနိမိတ္တသတ္တာဟ၊ ဂျပန်ဘုရားကြီး ကမာကူရ ဆင်း တုတော် အနီး၊ တိဗက်ဘုန်းတော်ကြီး ကျောင်းဝင်း အတွင်း တို့တွင် ပေါက်ကွဲခဲ့ကြောင်း၊ ကမာကူရ ဆင်းတုတော် အနီးတွင် မပေါက်ကွဲသေးသည့် အခြားဗုံး ၁ လုံးကို တွေ့ရှိရကြောင်း ယနေ့ထုတ် အစိုးရ သတင်းစာများတွင်လည်း ဖော်ပြထားသည်။
မဟာဗောဓိ စေတီတော်သည် ကုလသမဂ္ဂ ပညာရေး၊ သိပ္ပံနှင့် ယဉ်ကျေးမှု အဖွဲ့(UNESCO) က ကမ္ဘာ့ ယဉ်ကျေးမှု သမိုင်းဝင် အဖြစ် အသိအမှတ်ထားသည့် နယ်မြေတခု ဖြစ်သည်။
ဘီဟာပြည်နယ် ရဲချုပ် က“မဟာဗောဒီ ညောင်ပင်ကတော့ ဘာမှ မဖြစ်သွားခဲ့ပါဘူး၊ ပျက်စီးထိခိုက်မှုလည်း မရှိပါဘူး” ဟု ပြောကြောင်း အေအက်ဖ်ပီ သတင်းက ဖော်ပြသည်။
ပေါက်ကွဲမှုများကြောင့် ထိခိုက်ဒဏ်ရာ ရခဲ့ကြသော မြန်မာရဟန်းတော် ပါရဂူဘွဲ့အတွက် စာတမ်း ပြုစုနေသည့် သက် တော် ၂၇ နှစ် ၀ါတော် ၇ ၀ါ ရှိ ဦးဝိလာ သက္ကလင်္ကာရနှင့် အသက် ၅၀ အရွယ် တိဗက်လူမျိုးတုို့ကို ဗုဒ္ဓ ဂယာဆေးရုံမှ တဆင့် ပတ္တနာ ဆေးရုံသို့ ပို့ဆောင်ကုသ ပေးနေရကြောင်းလည်း အစိုးရ သတင်းစာများ၌ ပါရှိသည်။
“ကျနော်တို့ဘက်ကတော့ ဖြစ်စဉ်တွေ၊ အကြောင်းအရင်းမှန်တွေသိရအောင် သက်ဆိုင်ရာနိုင်ငံနဲ့ ပူးပေါင်း ဆောင်ရွက်နေပါတယ်။ ကျနော်တို့ကတော့ ဒါမျိုးတွေမဖြစ်အောင် ကာကွယ်တားဆီးရမယ်၊ ဖြစ်လို့ ရှိရင်လည်း ပြစ်မှု ကျူးလွန် တဲ့ လူကိုပဲ ဖမ်းမိဖို့လည်း လိုတာပေါ့၊ ဒီမှာဖြစ်လို့ဆိုပြီး ကျန်တဲ့လူတွေကို လွဲမှားတဲ့ တုံ့ပြန်မှုတွေ မလုပ်ဖို့လိုတယ်”ဟု ဦးရဲထွဋ်က ပြောဆိုသည်။
ဦးဝိလာသက္ကလင်္ကာရ၏ အတူနေ မြန်မာရဟန်းတော် အရှင်ကုမုဒ(ဗောဓိတထောင်) ကလည်း ယခု တိုက်ခိုက်မှုများသည် မြန်မာရဟန်းတော်များကို ပစ်မှတ်ထားတိုက်ခိုက်မှု မဟုတ်ကြောင်း၊ ဒဏ်ရာရ ရဟန်း၏အခြေအနေ ကောင်းမွန် လျက် ရှိကြောင်းနှင့် တချို့သော ပြဿနာဖြစ်စေမည့် ချဲ့ကား ပြောဆိုမှုများ မလုပ်ရန် ၄င်း၏ လူမှုကွန်ရက် အင်တာနက် စာမျက်နှာမှ တဆင့် တိုက်တွန်း နှိုးဆော်မှု ပြုလုပ်သည်ကို တွေ့ရှိရသည်။
“အမျိုးမချစ်တဲ့ မျက်ကန်းတွေကြောင့် တိုင်းပြည်နှင့်လူမျိုး သိက္ခာ ကျစေနိုင်သလို မျက်ကန်းမျိုးချစ် တွေကြောင့်လည်း တိုင်းပြည်နှင့်လူမျိုး အဖတ်ဆယ် မရအောင်ဖြစ်တတ်ပါတယ်။ ဒါ့ကြောင့် ဘယ်အရာမဆို မိမိတို့ တိုင်းပြည်ရဲ့ ယနေ့ ရောက်ရှိနေတဲ့ ခေတ်အခြေနေ၊ စနစ်အခြေနေတွေနှင့် မျက်မှောက်ကမ္ဘာကြီး၏ ပကတိအခြေနေမှန်များကို ကိုယ်ပိုင် ဉာဏ်နဲ့သုံးသပ်ပြီး မြတ်စွာဘုရား ဟောကြားတော်မူခဲ့သည့်အတိုင်း မဇ္ဈိမပဋိပဒါ လမ်းစဉ်အတိုင်း ကျင့်သုံး နေထိုင်ခြင်းကသာ မိမိနှင့် မိမိတိုင်းပြည်အတွက် အကျိုးရှိမည်ဟု စဉ်းစားသုံးသပ်မိပါကြောင်း”ဟုလည်း ၄င်းက ဆိုသည်။
အိန္ဒိယ ၀န်ကြီးချုပ် မာမိုဟန်ဆင်းမ်ကမူ ယမန်နေ့က ပေါက်ကွဲမှုဖြစ်ရပ်များကို ပြင်းထန်စွာ ရှုတ်ချလိုက်ပြီး UNESCO အဖွဲ့ကြီးက ကမ္ဘာ့ရှေးဟောင်း အမွေအနှစ်အဖြစ် သတ်မှတ်ထားသော ဘာသာရေးနှင့် သက်ဆိုင် သည့် နေရာများကို အလားတူ တိုက်ခိုက်မှုမျိုးလုပ်လာပါက မည်သို့မျှ သည်းခံမည် မဟုတ် ကြောင်း ပြောဆို သတိပေးသည်။
အိမ်လုပ်ဗုံးဟု ယူဆရသည့် အရာများနှင့်ပထမဆုံး ပေါက်ကွဲမှုသည် ဒေသစံတော်ချိန် နံနက် ၅ နာရီခွဲကျော်က ဖြစ်ပြီး အဆိုပါ ပေါက်ကွဲမှု၏ လက်သည် တရားခံကို ယခုအထိမည်သူကမှ ထုတ်ဖော် ပြောဆိုခြင်း မရှိသေးကြောင်း သိရ သည်။
အိန္ဒိယ လက်ထောက်ပြည်ထဲရေး ၀န်ကြီးက ယခုကိစ္စသည်အကြမ်းဖက် တိုက်ခိုက်မှုဖြစ်သည်မှာ ထင်ရှား ကြောင်းနှင့် စုံစမ်းစစ်ဆေးမှုများ အပူတပြင်း လုပ်ဆောင်နေကြောင်း သတင်းထောက်များကို ပြောသည်။
အိန္ဒိယနိုင်ငံ ဘီဟာပြည်နယ်ရှိ ဗုဒ္ဓဂယာဒေသသည် ကမ္ဘာတ၀န်းမှ ခရီးသွားများနှင့် ဗုဒ္ဓဘာသာဝင်တို့အား ဆွဲဆောင် မှုအားကောင်းသော နေရာဒေသတခုလည်း ဖြစ်သည်။
လက်ရှိအခြေအနေအရ ပေါက်ကွဲမှုများ ဖြစ်ပွားခဲ့သည့် ဗုဒ္ဓဂယာ အနီးတ၀ိုက်၌ အိန္ဒိယ အာဏာပိုင်များက လုံခြုံရေး တင်းကျပ် ထားကြောင်း သိရသည်။
နယူးဒေလီမြို့ရှိ ရဲ ဌာနက အိမ်နီးချင်း မြန်မာနိုင်ငံတွင် မွတ်စလင်များနှင့် ဗုဒ္ဓဘာသာဝင် တို့အကြား အကြမ်းဖက် တိုက်ခိုက်မှုများ ဖြစ်ပွားခဲ့မှုကြောင့် အိန္ဒိယရှိ မူဂျာဟစ်ဒင် အုပ်စု အစ္စလမ် စစ်သွေးကြွများ က ဗုဒ္ဓဘာသာ၏ အထွဋ်အမြတ် ထားရာ ဗုဒ္ဓဂယာကို ပစ်မှတ်တခုအဖြစ် ထားလာနိုင်သည်ဟု ဒေသ အာဏာပိုင်များကို ပြီးခဲ့သည့် ဆောင်းရာသီက သတိ ပေး ခဲ့ကြောင်း အေအက်ဖ်ပီ သတင်းဌာန က ဖော်ပြ ထားသည်။
Credit : http://burma.irrawaddy.org/archives/43949
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။