ရခိုင်ပဋိပက္ခ စုံစမ်းစစ်ဆေးရေး ကော်မရှင်၏ ဆောင်ရွက်ခဲ့မှုများနှင့် တွေ့ရှိချက်များကို ဧပြီလ နောက်ဆုံး ပတ်တွင် မြန်မာငြိမ်းချမ်းရေးစင်တာ (MPC) ၌ သတင်းစာ ရှင်းလင်းပွဲတစ်ရပ် ပြုလုပ်သွားမည်ဖြစ်ကြောင်း ကော်မရှင်၏ ဧပြီ ၂၃ ရက် ထုတ်ပြန်သော သတင်း ထုတ်ပြန်ချက်အရ သိရသည်။
၂၀၁၂ ခုနှစ်အတွင်း ဖြစ်ပွားခဲ့သည့် ရခိုင်ပြည်နယ် ပဋိပက္ခများနှင့် ပတ်သက်၍ စုံစမ်းစစ်ဆေးရေး ကော်မရှင်သည် အခင်းဖြစ်ပွားရာ နေရာများသို့ ၂၀၁၂ စက်တင်ဘာနှင့် အောက်တိုဘာလများအတွင်း သွားရောက်၍ ကွင်းဆင်းစစ်တမ်းများ ကောက်ယူကာ ကြားဖြတ်အစီရင်ခံစာ တစ်စောင်ကို ၂၀၁၂၊ နိုဝင်ဘာ ၁၆ ရက်က နိုင်ငံတော် သမ္မတထံ အစီရင်ခံခဲ့သည်။
ကော်မရှင်သည် ၂၀၁၂ ဒီဇင်ဘာ မှစ၍ ၂၀၁၃ မတ်လအထိ ရခိုင်ပြည်နယ် ပဋိပက္ခဖြစ်ပွားရာ ဒေသ များသို့ အကြိမ်ကြိမ် သွားရောက်ကွင်းဆင်းကာ စစ်တမ်းများ ကောက်ယူခြင်း၊ တွေ့ဆုံမေးမြန်းခြင်းများ ပြုလုပ်ဆောင်ရွက်ခဲ့ကြောင်း သိရသည်။ စုဆောင်းရရှိသည့် အချက်အလက်များအပေါ် အသေးစိတ် ခွဲခြမ်း စိတ်ဖြာ သုံးသပ်ခြင်းများ ပြုလုပ်ပြီး ယခု နောက်ဆုံးအပြီးသတ် အစီရင်ခံစာ တစ်စောင်ကို ပြုစုရေးသားပြီး ဖြစ်ကြောင်း၊ ထိုအစီရင်ခံစာကို ဧပြီ ၂၂ ရက်က နိုင်ငံတော်သမ္မတထံ တင်ပြပေးပို့ထားပြီးဖြစ်ကြောင်း အဆိုပါ သတင်းထုတ်ပြန်ချက်တွင် ဖော်ပြခဲ့သည်။
Credit : Here
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။