ကချင်လွတ်လပ်ရေးတပ်မတော် (ကေအိုင်အေ) အခြေစိုက်တဲ့ လိုင်ဇာမြို့လယ်ကို ဒီကနေ့ မနက်ပိုင်းက လက်နက်ကြီး (၃)လုံး ကျရောက်ပေါက်ကွဲခဲ့တဲ့အတွက် အရပ်သား (၃)ဦး သေဆုံးခဲ့ပြီး လေးဦးကို အရေးပေါ်အနေနဲ့ ဆေးရုံတင်ထားရပါတယ်။
ဒီကနေ့ မနက် (၈) နာရီကျော် အချိန်က လိုင်ဇာမြို့လယ် ၊ သျှင်းလီဟိုတယ်နဲ့ မြစ်ကြီးနားဟိုတယ်အနီး လူနေအိမ်အပေါ် လက်နက်ကြီး ကျည် (၄)လုံးကျရောက်ခဲ့ပြီး (၃)လုံး ပေါက်ကွဲကာ မီးလှုံနေကြတဲ့ လိုင်ဇာမြို့ခံ (၃)ဦး အပါအဝင် အနီးအနားမှာ ရှိသူတွေ ထိမှန်ခဲ့တာ ဖြစ်ပါတယ်။
လိုင်ဇာမြို့ ခန်းမမှာ ခေတ္တလာရောက်ခိုလှုံနေပြီဖြစ်တဲ့ အသက် (၃၇) နှစ်အရွယ် ဦးတူးမိုင်က သူကြုံတွေ့လိုက်ရပုံကို RFA ကို အခုလို ပြောပါတယ်။
ပြီးခဲ့တဲ့ ရက်တွေအတွင်းက လိုင်ဇာမြို့ဝန်းကျင် ပတ်လည်နဲ့ တောင်ကုန်း၊ တောင်စောင်းတွေ ပေါ်ကိုသာ လက်နက်ကြီး ကျရောက်မှုတွေ မကြာခဏရှိနေခဲ့ပေမယ့် ဒီကနေ့မှာတော့ မြို့လယ်ရပ်ကွက်ကို ပထမဆုံးအနေနဲ့ ကျရောက်လာတာ ဖြစ်ပါတယ်။
လိုင်ဇာမြို့ခံ တချို့က တရုတ်နယ်စပ်ဂိတ်ရှိရာကို အပြေးအလွှား သွားရောက်ပြီး တရုတ်နိုင်ငံဘက် ဝင်ရောက်ဖို့ ကြိုးစားခဲ့ကြသလို တချို့က ခေတ္တခိုအောင်းလို့ ရမယ့် နေရာတွေဆီ ရွှေ့ပြောင်းနေကြပါတယ် ။
RFA Burmese
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။