ကိုမင်းကိုနိုင်ခေါင်းဆောင်သော ၈၈ မျိုးဆက် ကျောင်းသား (၁၆) ဦးပါဝင်တဲ့ အဖွဲ့ဟာ MAI လေကြောင်း လိုင်းနဲ့ ထိုင်းနိုင်ငံမှတစ်ဆင့် ဖိလစ်ပိုင်နိုင်ငံသို့ ယနေ့ ဇန်န၀ါရိလ ၁၄ရက်နေ့ နံနက် ၈ နာရီခွဲက ထွက်ခွာ သွားကြပါတယ်။
အဆိုပါ ခရီးစဉ်မှာ ကမ္ဘောဒီးယားနိုင်ငံအခြေစိုက် Centrer Peace and Conflict Studies ( ငြိမ်းချမ်းရေး နှင့် ပဋိပက္ခများလေ့လာရေးစင်တာ -CPCS ရဲ့အစီအစဉ်ဖြစ်ပြီး၊ ဒေါက်တာ ကျော်သူ၏ ပေါင်းကူးဖောင်ဒေး ရှင်း မှ စီစဉ်ဆောင်ရွက်ပေးတာဖြစ်တယ်လို့ ၈၈ မျိုးဆက်ကျောင်းသားများက ဆိုပါတယ်။
ဖိလစ်ပိုင်နိုင်ငံ ခရီးစဉ်ဟာ ဇန်နဝါရီလ ၁၄ ရက်နေ့မှ ဇန်နဝါရီလ ၁၈ ရက်နေ့အထိ ကြာမြင့်မှာဖြစ်ပြီး ခရီးစဉ်အတွင်း ဖိလစ်ပိုင်နိုင်ငံ ငြိမ်းချမ်းရေးဆောင်ရွက်မှု လုပ်ငန်းစဉ်များနှင့်လူမှုအဖွဲ့ အစည်းအခြေပြု လုပ်ငန်းများ ကိုလေ့လာကြမှာဖြစ်ပါတယ်။
ဒီအပြင် ဖိလစ်ပိုင် အစိုးရတာဝန်ရှိသူတွေ၊ ငြိမ်းချမ်းရေးအဖွဲ့အစည်းတွေ အရပ်ဖက်လူထုအခြေပြု လူ့အဖွဲ့အစည်းတွေနဲ့လည်း တွေ့ဆုံဆွေးနွေးကြမှာဖြစ်ကြောင်းသိရှိရပါတယ်။
ဒီကပါ။
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။